Luke 8
8
Chapter 8.
1WAIGIEN hawīdan wau dlā lana isgien lana ḵutila ai ishin il kāwong-an, waigien tla geu gu il gushus gien, Shanung-itlagadas gia kingdomgai alth gialthing-e las alth tla ga il gialthindaian, waigien ga tlāalth wau gu stuns-gai la alth ijan.
2Tl jāada ilthi hants dāung-a sta isgien sti sta ishin koganan, Mary Magdalene hin kyāgan nung sta hants dāung-a jikwau ijan isgien,
3Joanna Herod gia nai duman kang-lē Chusa hin byāgan jā ishin, Susanna ishin, tl kulat kwon ishin, la alth isāwon, waigien gin il dāawos alth la da il tlāadūgang-an.
4Waigien tlistleuon tl shkūl-euon gudā ijan gien, lana wautliwon sta ishin la un istla-gandlu, tla ga il kēgang-an;
5Nung tutl-dsālēga tutldsā un kāgwaulan; waigien il tldsagundān, tīch keu-e in ḵūgaian; waigien tl tutldang-an gien, siet hetit is ū tagan.
6Waigien tīch ishin tījai ing-gut ḵūgaian; waigien īnastlaiandlu, hyilgālan, gum tīlthangani altha.
7Tīch ishin gin lthkai ki shū-wīt ḵugaian; waigien gin lthkai kis wau alth īnastlaian gien, ū kou-hyistlaian.
8Tich ishin kōi lā ai ḵūgaian gien, īnastlaian, waigien wau gut hundred-gagang-an, hin il shouon. Waigien hawun ashgai il shudagundān, Gin gudung-ai un nung geu-wos lth akwon il gudunda, hin kwūnan il shouon.
9Waigien lagia disciplesgai tliku adshi kēgang-ai etgai da la altli kiānang-an.
10Waigien hin il shouon, Shanung-itlagadas gia kingdomgai salgagai un ūnshidai dalung ga isdiāgung; tl kulat tlou kēgang alth swonan un ūnshidung; gin tl kens-kianan gum tl keng-uns gien, gin tl gudunsdlu ishin gum un tl ūnshidang-ai una.
11Hinū kēgang-ai ēdung; Malthē ū Shanung-itlagadas kil ijung.
12Keu-e in ga isgai ū Shanung-itlagadas kil gudung-gung; itan hetgwaulana katlas gien, tl gudung-ai sta kil il isdagung-gung, gum tl yetdans gien ishin gum tl kogun-angai una.
13Waigien tījai ing-gu ga isgai ū tlistleuon kil tl gudunsdln, gudung-ai lā alth tl isda-gung-gung; althsgai ū gum shkūshang-wau-ung-gung, waigien kwai-umdsiwon tl yetda-gung-gung, waigien tlistleuon tl edē tl kil-kensdlu tl dl-dul-dung-gung.
14Waigien gin lthkai kis shūwi ga ḵūgasgai ū guduns gien, hawun tl istiidundān gudan lthkwīda isgien, ginlthing-a ishin, adshi henung-gai gudung-ai ligai ishin ū kou-hyistlagung-gung, waigien gum wau gut ānē ālinstlagung-ung-gung.
15Waigien kōi lā ā ga isgai ū gudung-ai yā alth isgien, gudung-ai lā alth ishin, kil guduns gien, duman ū keng-euon-gnng, waigien gudung-ai tladsga alth ān tl īnastldagung-gung.
16Waigien nung haada kasodou ōgulthdasdlu, gum kēlthga hetgwī il isdagung-ung-gung, ishin gum tīdan hetgu il isdagung-ung-gung; kasodou keusi ing-gu tlou il isdagung-gung, ai ga isdsasgai wautliwon otgagai kang-gai una.
17Gin saldas wautliwon kang-gēlthses altha; waigien gin salgas wautliwon un tl ūnshits gien, ishin otgagai ā isisang.
18Althji alth lth tliku gin dalung guduns duman keng-ū; gin nung dāas ga gin isdiāases altha; waigien gum gin nung dāansdlu, gin il dāung il guduns-hun la sta isdiāashang, waigien hin il shouon.
19Waigien il ou isgien il dōnalung ishin la un istlagan, waigien tl shkūlas alth gum tliku la ā il et-waulthing-e kang-gang-an.
20Dung ou isgien, dung dōnalung ishin kyā tljūgiang-gung, waigien dung kang-gai da il gudung-wong, waigien hin la ga tl shouon.
21Shanung-itlagadas kil ga guduns gien, ging-an tl ets ū di ou isgien, di dōnalung ishin ijung, waigien hin hanglthang tla il shudaian.
22Waigien althsgai sing-ai swon gut lā isgien, lagia disciplesgai ishin, kontlū gwē istligan; Shū-ē telg talung tlū-kātusdsun, waigien hin la il shudāwon; waigien il tlūkaidāwon.
23Waigien il hū-istalūgun-dan il kotīgan; waigien shū-e ā tudsou otōtalan; waigien otan wau kwon-īlths gien, il hastl-dalāwon.
24Waigien la un il istla-āwon gien, lā il tla-shkināwon, Nung Itlagadas, nung Itlagadas, itil gudalgung, waigien hin il shuāwon. Waigien il shkinaian gien, tudsue isgien aiawe ishin il stidaian; waigien gū-ēlan gien, dlaiadan.
25Gitlanu dalung yetdie ijung? waigien hin la il shudāwon. Waigien il lthwaugāwon gien il kuldung-āwon, Gīshdu ā ijung, tudsue isgīen aiawe ishin il shudas la kilth ging-an ēdung? waigien hin gu il shudāwon.
26Waigien Gerasene haade gia tligai, Galilee hanltha ijan, gu il tlū-katla-āwon.
27Waigien tlistleuon il kāalandlu, nung īlthing-a ā hants dāung-a ijan ilnagai sta la un katlagan; waigien jīng-a gum gin giandalthing-a il giandang-an, ishin gum nuh ā il nāang-an; shalthung-nai ā tlou il nāgang-an.
28Waigien tlistleuon Jesus il kang-andlu, il sailthaian gien, la hetgu il tigūstlū-aian, Gūsbāku di un dung katlang, Jesus, Shanung-itlagadas sha āgwī isis Git ū dung ijung? Gum di dung whaugung-dang-ai da dung alth lth kianung-gung, waigien hin kwūnan il shouon.
29Hants gum shkwunans nung īlthing-as sta il kil-kāgwulthāgan altha. Nung hants dāung-as il gits-gīlthdagīgang-an altha; waigien la ā tl lthotsagang-an, waigien stakwunsgulthda isgien yads alth ishin la tl kēchgū-waudagang-an; waigien gin alth il kēchgūwos ai il hyitidang-an, waigien hants dāung-as tligunltha ā il ging-kāgang-an.
30Gushinū dung kyang? waigien hin Jesus la alth kianang-an. Legion, waigien hin il shouon; hants dāung-a kwon la ai ijan altha.
31Waigien gum hetgwaugai ai tla il kil-istiidang-ai da la altli tl kianang-an.
32Waigien gaigu gwoshou kwon tldāwē ing-gut lthdanū-whūndalgang-an; waigien gwoshougai kālthi ai tla il kil-itsgai da la alth tl kianang-an. Waigien il lādaian.
33Waigien hants dāung-as anung īlthing-as sta is gien, gwoshou-gai kālthi ai ijan; waigien gwoshou-gai stulai hunsta ḵūstalan gien, shu-e ai ḵūjang-gaian waigien okētūgaian.
34Waigien tlistleuon gwoshou-gai ga lthdanū-dagang-an-gai tliku gin ets kang-andlu, tl ḵūstaian, waigien ilnagai gu isgien, ilnagai kiāgust ishin unsta tl shouon.
35Waigien tliku gin edan tl keng-tlāwaugan; waigien Jesus un tl istlagan, waigien nung īlthing-a hants dāung-a sta ijan gin giandēlan gien, kudung-ēlan gien, Jesus hetgu kou-os tl kang-an; waigien tl lthwaugalan.
36Waigien tliku hants dāung-a nung ā ijan ligalan ga kang-an-gai tla ga shudaian.
37Waigien Gerasene hāade gia tligai gu ga ijan wautliwon tla sta il itsgai da la alth tl kianang-an; tl lthwaug-euon-an altha; waigien kontlū gwē il katlīgan gien, il stēlan.
38Hants dāung-a nung sta ijan tlou la alth itsgai da la alth il kianang-an; waikian la il kilkaidan,
39Gyang nai gwī lth stīlth, waigien tliku Shanung-itlagadas gin euon dung un isdagun unsta lth shū, waigien hin il shouon. Waigien il kaidan gien, ilnagai ashkwau-hun gut tliku gin euon Jesus la un isdaian alth il gialthindaian.
40Waigien Jesus silthgang stēlan gien, ga shkūlasgai la alth gudung-ai lāgan; la keu tl et-ōdsou-on altha.
41Waigien nung ilthing-a Jairus hin kyāgan katlagan, synagogue-nagai un il itlagadāgan; waigien Jesus hetgu il tīgūstlū-aian gien, lagia nai ai il kudsie da la alth il kian-ang-an;
42Il gūjang-a swonshang-an da tuda tlā-alth wau gu stang-an kotulthdalan altha. Waigien ā Jesus kāgandlu, la odō gu tl hyitsgut-euon-an.
43Waigien nung jada tuda tlāalth waugu stung lthū ī sta aian, waigien gin il dāgan wautliwon tla-hyildālē ga il isdaian gien, gum tliku la tl tl-ligal-lthing-e kang-gang-an,
44La dsigā katlagan, waigien gin il gian-daian kiai il gitsgīlthdaian; waigien hawīdan il lthu ī sta aian tlan-ēlan.
45Gīshdū di tl-tlang? waigien hin Jesus shou-on. Waigien tl wautliwon ga kudaiandlu, Nung Itlagadas, tl shkūlas dung odō gu hyits-gīdung, hin Peter isgien la alth ga ijan ishin shouon.
46Di nung tl-tlagun, dugwīa di sta ijun un di ūnshidun altha, waigien hin Jesus shouon.
47Waigien tlistleuon nung jadas gum salgans kang-andlu, il katlagan gien, il dlūdaian gien, la hetgu il tīgūstlū-aian, waigien tl haada wautliwon hang-gu gin agunan la il tl-tlaian gien, tliku hawīdan il ligalan ishin unsta il shouon.
48Di gūjang-a isis, dung yetdas ū dung tl-ligulgung; gudung-ai dlaia alth lth kaid, waigien hin la il shudaian.
49Hawun il gushugundān, synagogue nagai un nung itlagadas gia nai sta nung katlagan, Dung gūjang-a kotulgung; gum lth nung Itlagadas gudung-ai lthkwīdadang, waigien hin il shouon.
50Waigien Jesus gudang-andlu, Gum lth lthwaugang; hing-an lth yetdi, waigien il ligulthshang, hin hanglthang il shudaian.
51Waigien tlistleuon nai un il katlagandlu, gum nung haada kotdung ai il kudsadang-an, itlan Peter isgien, John ishin, James ishin, waigien nung ā-jadas hāt ishin, waigien il ou hunisun kotdung ai il isdsadaian.
52Waigien tl wautliwon saigaian gien, tl kilthdsāwon; Gum lth saigang-ū, gum il kotulthans altha, lā ū kotdang, waigien hin il shouon.
53Waigien la un tl kah-euon-an, il kotalan un tl ūnshidan altha.
54Waigien il stlai lang-a il gitsgīlthdaian gien, la ga il kiāgang-an, Nung ā-jadas, kālthūltha, waigien hin il shouon.
55Waigien il althandai la gwī stēlan gien, hawīdan il kālthā-won; waigien gin tālthing-e la ga il kil-isdaian.
56Waigien il yāalung kuldung-āgan; waigien tliku gin edan gum nung swonshung-gahun la il shudalthang-āwon.
Atualmente Selecionado:
Luke 8: HAIDA
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published by the British and Foreign Bible Society 1891-1899.
