MATAIO Fakatomuaga
Fakatomuaga
Te Evagelia a Mataio e fakamatala i ei a te tala lei me i a Iesu ko te Fakaola ne faifeagaigagina, a ia ko te fakataunuga o te feagaiga ne fai ne te Atua mo ana tino i te Feagaiga Mua. A te tala 'lei tenei e se mo tino Iutaia fua, ona ko Iesu ne fanau kae ola fakatasi mo latou, kae mo te lalolagi katoa.
Te Evagelia a Mataio ne fakatoka faka'lei. E kamata ki te fanauga o Iesu, kae fakamatala foki i ei te taimi o tena papatisoga mo tena fakaosoosoga, fakatasi i ei mo tena galuega talai, akoakoga mo te fakaleiga o ma'saki i Kalilaia. Mai i tua ifo, a te Evagelia ne fakamau foki ne ia a malaga a Iesu mai Kalilaia ki Ielusalema, mo mea ne 'tupu ki a ia i tena toe vaiaso, fakatasi mo tena fakasatauloga mo tena toetu.
Te Evagelia tenei, e fakaasi mai ne ia me ia Iesu se Faiakoga takutakua, tela e isi sena malosi o fakamatala te Tulafono a te Atua, kae akoako atu foki ne ia a te Malo o te Atua. A te lasiga o ana akoakoga ne akutu fakatasi ki mataupu e lima: (1) te Lauga i luga o te Mauga, tela e faka'mafa ki uiga, tiute, avanoaga, mo te koga e fakamoemoe ki ei a tino o te Malo o te lagi (mataupu 5-7); (2) fakatonuga ki te toko sefulu lua soko mo te olotou galuega (mataupu 10); (3) tala fakatusa e uiga mo te Malo o te lagi (mataupu 13); (4) akoakoga ki uiga o te fai mo soko (mataupu 18); mo te (5) akoakoga e uiga ki te gataga o te vaaitau nei, mo te oko mai o te Malo o te Atua (mataupu 24-25).
Ko Fakasologa o Mataupu
Fakasologa o te gafa mo te fanau mai o Iesu Keliso (1.1—2.23)
Galuega a Ioane te Papatiso (3.1-12)
Papatisoga mo te fakaosoosoga o Iesu (3.13—4.11)
Galuega a Iesu ki tino i Kalilaia (4.12—18.35)
Mai i Kalilaia ki Ielusalema (19.1—20.34)
Toe vaiaso i loto mo tafatafa o Ielusalema (21.1—27.66)
Toetu mo te fakaasiatuga a te Aliki (28.1-20)
Atualmente Selecionado:
MATAIO Fakatomuaga: Tusi Tapu
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Tuvalu Revised Bible © Bible Society in the South Pacific