Mataayi 1

Ɨkɨkolo ɨkya Yesu Kɨlɨsite

(Lʉʉka 3:23-38)

1Agha ghe matavua agha kɨkolo kya Yesu Kɨlɨsite#1:1 Kɨlɨsite: Lɨtavua mʉ njovele ɨja Kɨyunaani, mʉ Kɨebulania viiti, Mesiya, amatavua agha kwekʉti, jʉno apakilue amafuta (ɨmikue). Ɨmba kʉ Vʉghanʉle vwa Masio aMahesia. ʉmhʉma mʉ kɨsina kya ntwa ʉDavɨdi, ɨkɨsina kya Abulahamu.

2ɄAbulahamu akampaapa ʉIsaka,

ʉIsaka akampaapa ʉYakovo,

ʉYakovo akampaapa ʉYuuda na vanine.

3ɄYuuda akampaapa ʉPelesi nʉ Sela mwa Tamali,

ʉPelesi akampaapa ʉHesiloni,

ʉHesiloni akampaapa ʉAlamu.

4ɄAlamu akampaapa ʉAminadabu,

ʉAminadabu akampaapa ʉNasoni,

ʉNasoni akampaapa ʉSalimoni.

5ɄSalimoni akampaapa ʉBohasi mwa Lahavu,

ʉBohasi akampaapa ʉObedi mwa Lʉti,

ʉObedi akampaapa ʉYese,

6ghwope ʉYese akampaapa ʉntwa ʉDavɨdi.

ɄDavɨdi akampaapa ʉSolomoni mwa mʉkɨjʉʉva jʉno alyale nʼdala ghwa Ulia.#1:6 Nʼdala ghwa Ulia: Ɨlɨtavua lyake ghwe Batisheba (2 Samueli 12:24-25).

7ɄSolomoni akampaapa ʉLehoboamu,

ʉLehoboamu akampaapa ʉAbia,

ʉAbia akampaapa ʉAsa.

8ɄAsa akampaapa ʉYehoshafati,

ʉYehoshafati akampaapa ʉYolamu,

ʉYolamu akampaapa ʉUsia.

9ɄUsia akampaapa ʉYotamu,

ʉYotamu akampaapa ʉAhasi,

ʉAhasi akampaapa ʉHesekia.

10ɄHesekia akampaapa ʉManase,

ʉManase akampaapa ʉAmoni,

ghwope ʉAmoni akampaapa ʉYosia.

11ɄYosia akampaapa ʉYekonia na vanine ʉnsiki ghʉno aVaisilaeli ye vatwalilue kʉ vʉhesia, kʉ Babeli.

12Ye vatwalilue kʉ vʉhesia kʉ Babeli,

ʉYekonia akampaapa ʉSalatieli,

ʉSalatieli akampaapa ʉSelubabeli.

13ɄSelubabeli akampaapa ʉAbihudi,

ʉAbihudi akampaapa ʉEliakimu,

ʉEliakimu akampaapa ʉAsoli.

14ɄAsoli akampaapa ʉSadoki,

ʉSadoki akampaapa ʉAkimu,

ʉAkimu akampaapa ʉEliudi.

15ɄEliudi akampaapa ʉElieseli,

ʉElieseli akampaapa ʉMatani,

ghwope ʉMatani akampaapa ʉYakovo.

16ɄYakovo akampaapa ʉYosefu ʉmʉghoosi ghwa Maliya.

ɄMaliya ghwe jʉno akampapile ʉYesu jʉno ghwe Kɨlɨsite.

17Lɨno, kuhʉma kwa Abulahamu kufika kwa ntwa ʉDavɨdi kwefilyale ifisina kɨjigho na fine. Kange, kuhʉma pa Davɨdi kufika ʉnsiki ghʉno aVaisilaeli vitwalua kʉ vʉhesia kʉ Babeli, kwefilyale ifisina ifingi kɨjigho na fine. Kange, kuhʉma ʉnsiki ghʉno vitwalua kʉ Babeli kuhanga kufika ʉnsiki ye iholua ʉKɨlɨsite, kwefilyale ifisina ifingi kɨjigho na fine.

Kuholua kwa Yesu Kɨlɨsite

(Lʉʉka 2:1-7)

18Kuholua kwa Yesu Kɨlɨsite kʉlyale ndɨɨkɨ: Ʉngʼina jʉno ɨlɨtavua lyake ghwe Maliya, alyalɨmilue nʉ Yosefu. Neke ye akyale kutolua, alyavoniike kuuti, alɨ nʉ vʉkunue mʉ ngʉfu sa Mhepo ʉMwɨmɨke. 19Ʉlwakʉva ʉYosefu jʉno alyamʉlɨmiile ʉMaliya alyale mʉgholofu pamaaso gha Ngʉlʉve, naakalondagha kuuti ankosie isoni ʉMaliya. Pe akalamʉla pikʉmʉleka kɨsyefu.#1:19 Pe akalamʉla pikʉmʉleka kɨsyefu: Mʉ nyiiho sa Vayahudi, nave ʉnʼdɨɨmi alɨmiile ʉmhɨnja, ʉmwaka ghʉmo pano vakyale kutolana, vakavalɨlagha kuuti valɨ mʉghoosi nʉ nʼdala. Neke ʉnsiki ʉghuo, navakɨtɨkɨsɨvwagha kukukala palɨkɨmo kuhanga pano vitolana. Lɨno, kʉkʉmʉleka ʉmhɨnja jʉno alɨmilue kʉkalɨngʼhiine na kʉkʉntavʉla. 20Ye alamwile ʉluo, ʉnyamhola ghwa Mʉtwa ʉNgʉlʉve akamʼbonekela mʉ njosi, akamʼbʉʉla akati, “Ghwe Yosefu, ghwe mhʉma mʉ kɨsina ɨkya ntwa ʉDavɨdi,#1:20 ɄDavɨdi: Ɨmba ɨlɨsio Davɨdi kʉ Vʉghanʉle vwa Masio aMahesia. ʉleke pikwoghopa pikʉntoola ʉMaliya, ʉlwakʉva ʉvʉkunue vʉno alɨ navwo, apelilue mʉ ngʉfu sa Mhepo ʉMwɨmɨke. 21Neke ipaapa ʉmwana ʉnʼdɨɨmi, ʉkʉmpeela ɨlɨtavua ɨlɨ Yesu,#1:21 Yesu: Lɨtavua lya Kɨyunaani kwekʉti, ʉMʉtwa ʉNgʉlʉve ipoka. ʉlwakʉva ilikʉvapokagha avaanhu vaake mʉ nyɨvi saave.”

22Sooni isio silyavombiike enendɨɨkɨ kukwɨlanɨsia ɨlɨsio lɨno ʉMʉtwa alyajovile kukilila ʉmʼbɨli ghwake kuuti, 23“Lolagha, ʉmhɨnja jʉno naammanyile ʉmʉghoosi, iiva nʉ vʉkunue, ipaapa ʉmwana ʉnʼdɨɨmi! Pe vikʉmpeela ʉmwana ʉjuo ɨlɨtavua ɨlɨ Manueli.”#Yesaya 7:14 Ʉmʉlʉvo ghwa lɨtavua ɨlio kwekʉti, “ɄNgʉlʉve alɨ palɨkɨmo nusue.”

24ɄYosefu akasisimuka, akavomba ndavʉle ʉnyamhola ghwa Mʉtwa vʉle amʼbʉlile, akantoola ʉMaliya kuuva nʼdala ghwake. 25Looli naakaghelile kughona naghwo kuhanga ʉnsiki ghʉno ʉMaliya ipaapa ʉmwana ʉnʼdɨɨmi. Pe ʉYosefu akampeela ʉmwana ʉjuo ɨlɨtavua ɨlɨ Yesu.

Atualmente Selecionado:

Mataayi 1: wbi

Destaque

Copiar