Ohuchaaka 3

Obutawulira bw'omuundu

1 # Hubwi 12:9; 20:2. Bulaanu, enjuha niyo eyali esisolo syali esikesi-kesi muno ohuhiraho ebiloonge biteende byoosi bi Omwaami Nasaae yali naloongere. Enjuha yateeba omuhasi yiti, “Mbwe Nasaae yaboola ati, ‘Mutalichaangaho hu musaala kwosi-kwoosi okuli mu ndalo yino?’” 2Nae omuhasi yaboolera enjuha ati, “Hunyala ohulya hu byaamo by'emisaala ekiri mu ndalo yino; 3nae Nasaae yaboola ati, ‘Mutalichaangaho hu syaamo sy'omusaala okuli akatikaati w'endalo yino, kata ohukudiiraho sa, olwohuba muba munafwa.’”

4Nae enjuha yakobolamo niyiboolera omuhasi yiti, “Haba simuchia hufwa daawe. 5Olwohuba Nasaae yamanya ati nimulyaaho hu musaala okwo, emoni cheeng'we chichia ohwaamuha mani mube koti Nasaae, nimumanyire esilai syoosi neende esibi syoosi.” 6Nae omuhasi niyabona ati omusaala okwo kwali omulai kw'ohulya haandi ati kwali nikusangaasa emoni, haandi ati omusaala okwo kwali nikwekoombwa hulw'ohukesiyasa omuundu, omuhasi oyo yanokaho esyaamo syakwo mani yaasilya; haandi yaaberesaho omusaacha wae yesi yaalya. 7Mani boombi nibamala ohulya esyaamo esyo sa bati, emoni chaabwe chaamuha mani nibamanya bati bali syeekenye; mani nibaluha amasaafu k'omutuli nibakefwaala.

8Beemao baawulira embiindo ch'Omwaami Nasaae n'akeenda mu ndalo engoloobe, mani nibatya nibeekisa mu misaala kyali mu ndalo omwo. 9Nae Omwaami Nasaae yalaanga omusaacha yaamuteeba ati, “Oli yeena”? 10Nae omusaacha yakobolamo ati, “Mbuliire eswaasu chao ni ndi mu ndalo mani ndaatya, ndeekisa olwohuba mbeere ndi syeekenye.” 11Nae Nasaae yamuteeba ati, “Wiina mweene ohuboolere ati obeere nooli syeekenye? Oliireho hu musaala kundahulagira obutakulichaangaho kose?”

12Nae omusaacha yakobolamo ati, “Omuhasi yi wamberesa ohumenyaanga nae niye owumbereese esyaamo sy'omusaala okwo mani syeesi ndaalya.”

13 # 2 Kor 11:3; 1 Tim 2:14. Omwaami Nasaae yateeba omuhasi ati “Siina syeene sino sy'oholere?” Nae omuhasi yakobolamo ati, “Enjuha niyo eyimbachiriise ndaalya.”

Nasaae aheenga omusaango

14Omwaami Nasaae yaboolera enjuha ati,

“Olwohuba oholere sino,

obwaabirwe ohuhiraho ebyaayo byoosi,

haandi ohuhiraho ebisolo biteende byoosi;

ochia ohwehurudisiryaanga enda yao,

haandi ochia ohulichaanga olufu

endaalo ch'obulamu bwao choosi.

15 # Hubwi 12:17. Njia ohutaao obusuku akatikaati wao neende omuhasi,

haandi akatikaati w'olwiibulo lwao neende olwae;

achia ohuhusaasakulaanga omutwe,

naawe ewe ochia ohumuboochaanga esisisiro.”

16Haandi Nasaae yaboolera omuhasi ati,

“Njia ohwiingiya obuchuuni bw'engasi chao ch'ohwiibula;

ochia ohwiibuliraanga abaana mubuchuuni,

haandi obwekoombi bwao buchia ohubechaanga hu musaacha wao,

haandi achia ohuhutukaanga.”

17 # Abaib 6:8. Mani Nasaae yaboolera Adamu ati,

“Koti lu otekereese emboosi ch'omuhasi wao,

noolya hu syaamo sy'omusaala kundahulagira endi,

‘Otakulichaangaho,’

eloba libwaabirwe hulwao;

ochia ohudiidihanaanga hu onyoole esyohulya mu bulamu bwao bwoosi.

18Eloba lichia ohumeraangaho oluyoongo neende amawa;

haandi ochia ohulichaanga ebyaamo byomu siino.

19Ohutulana hu luuya lwao,

nilwo lu ochia ohunyoolaanga byoolya

ohwoola lw'olikobola mu loba,

olwohuba nimwo muwatuswa.

Oli olufu,

haandi mu lufu nimwo mu olikobola.”

20Omusaacha yakuliha omuhasi wae ati Efa, olwohuba niye ng'ina baandu boosi. 21Omwaami Nasaae haandi yaholera Adamu neende omuhasi wae ebyefwaalo by'amaseero mani n'abafwaasa. Adamu neende Efa beeruswa mu ndalo.

Adamu neende Efa beeruswa ohutula mu ndalo y'Edeni

22 # Hubwi 22:14. Omwaami Nasaae yaboola ati, “Bone, omuundu nguyo yeeholere ali koti eefwe, amanyire esilai neende esibi. Mani humukayire atabukula esyaamo syohu musaala kwobulamu kwosi yakulyaho, ahaye ohuyiindira emyaaka kyoosi.” 23Sakira Omwaami Nasaae yamwiirusa ohutula mu ndalo y'Edeni, achie alimeenge eloba liyatuswamo. 24Nasaae niyeerusamo omuundu, yata abakerubbi ebukwe w'endalo y'Edeni, neende olugaanga lw'omuliro lwebodoohania enyaande choosi. Sino syali esy'ohwiikalira omuundu yeesi ahaye ohunyala ohusuda aambi neende omusaala kwobulamu.

Atualmente Selecionado:

Ohuchaaka 3: SAMDC

Destaque

Copiar