ลูกา 20
20
หาย เต้า ปุน เยซู ม่าย เล์ย โหฒว นิ่น เญย สี่
(เป๊ย หมั่ง มัดทาย 21:23-27; มาโค 11:27-33)
1ม่าย ฮนอย เยซู เยียม หฒั่ง ทิน-ฮู่ง เญย เปย๊า หฌาว เมี่ยน หย่า ฒุ่น คู้ เฝียน. ไซ เมี่ยน เปย๊ย เหธา หฌาว เล์ย เญย ฟิน-แซง เหธา เมี่ยน โก๋ ต้าย ก๊อง, 2“บั๋ว เยีย บัว โอ่. เม่ย ม่าย หาย หญู่ง เล์ย โหฒว น้าย เต๋ย สี่? น้าย หญู่ง เล์ย หาย เต้า ปุน เม่ย?”
3เยซู เตา, “เยีย หย่า อ๋อย หน่าย โจ๋ว เม่ย บัว. บั๋ว เยีย โอ่. 4หาย เต้า ปุน โยฮัน ม่าย เล์ย เถง เมี่ยน เจี๋ย ววม เญย เล์ย, ทิน-ฮู่ง ไฟ ป้าม เมี่ยน?”
5นิ่น บัว ฯฒฯ ล่าน เหธา ล่าน ธ่าง ล่าง, “บัว หอบ หฒุ ฮนั้ง หาย นอ ก๊อง? สี ก๊อง บัว ก๊อง, ‘ทิน-ฮู่ง ปุน ต้าย,’ นิ่น อ๋อย ก๊อง, ‘วั้ว หญู่ง เม่ย บัว เหว่ย หาย ติ่ว ไม้ เสียน โยฮัน?’ 6มป่า สี ก๊อง บัว ก๊อง, ‘เมี่ยน ปุน ต้าย,’ หฒวัง เมี่ยน อ๋อย เฒาะ หละเปย๊ย ฒง ไต่ บัว เหว่ย หฒุ นิ่น บัว ฝุน ตี่ง โยฮัน เซ โต่ว หว่า เมี่ยน.”
7นิ่น บัว ฯฒฯ เตา, “เยีย บัว ไม้ ฮิ้ว ตุ๊ หาย เต้า ปุน นิ่น ม่าย เล์ย โหฒว.”
8เยซู บั๋ว นิ่น บัว, “ฮนั้ง หน่าย เยีย หย่า ไม้ บั๋ว เม่ย บัว เยีย ม่าย หาย หญู่ง เล์ย โหฒว น้าย เต๋ย สี่.”
อะหงุ่น หฮวีง เญย หว่า-เป๊ย
(เป๊ย หมั่ง มัดทาย 21:33-46; มาโค 12:1-12)
9เยซู แอ๋ง ก๊อง หว่า-เป๊ย ปุน เมี่ยน หมวัง. นิ่น ก๊อง, “ม่าย ล่าน เมี่ยน หฒวัง ฑง อะหงุ่น เปี๊ยว, หย่า โก๊ว ปุน เมี่ยน. นิ่น กั้น แอ๊ะ, ธ้วด เต่ย-ปูง มี่ง เล่า เญย.#อิสะยา 5:1 10เถา เปี๊ยว หฒัวะ เญย เฒี่ยง โห่, นิ่น พ้าย เต้า โปว มี่ง ล์อ โก๊ว หฮวีง เญย เมี่ยน, เหว่ย เซียว นิ่น เญย ป่วน โก๊ว หฮวีง เญย เปี๊ยว. มป่า โก๊ว หฮวีง เมี่ยน เบ๊าะ วั้ว เต้า โปว, หฒุ่น นิ่น ขูง-ปั์ว แปะ เหฒา เญย หฑวน. 11หฮวีง-เฒี้ยว ฯฒฯ แอ๋ง พ้าย เต้า โปว มี่ง, มป่า โก๊ว หฮวีง เมี่ยน แอ๋ง เบ๊าะ นิ่น, โหฒว โตะ ปุน นิ่น ไญ้, หย่า หฒุ่น นิ่น ขูง-ปั์ว แปะ เหฒา เญย หฑวน. 12หฮวีง-เฒี้ยว แอ๋ง พ้าย ตะฟาม เต้า มี่ง. โก๊ว หฮวีง เญย เมี่ยน แอ๋ง เบ๊าะ ตุ๊ นิ่น เซียง ไห่, ทอ กวั่ง กะเหญี่ย หฒิ หฮวีง มี่ง.
13“หฮวีง-เฒี้ยว ฯฒฯ ก๊อง, ‘อา, เยีย อ๋อย หฒุ ฮนั้ง หาย นอ โหฒว นี? เยีย พ้าย เยีย กั้น เญย ตอน-ฮนั้ม มี่ง, มเหฑีย นิ่น บัว อ๋อย ท่าย นิ่น มเปย.’
14“มป่า โก๊ว หฮวีง เมี่ยน ปวัด นิ่น, ล่าน บั๋ว ล่าน, ‘หฑิบ น้าย นอม หฮวีง เซ ต้ง น้าย เต้า อ๊ะ. บัว เฒาะ นิ่น ไต๋ กวั่ง มี่ง. นิ่น หฑิบ เญย จา-ตี้ง ฯฒฯ เป๋น บัว เญย อ๊ะ.’ 15นิ่น บัว ฯฒฯ เฒาะ นิ่น ทอ ธ้วด กะเหญี่ย หฒิ หฮวีง ไต๋ กวั่ง หมี่ อ๊ะ.”
เยซู หน่าย ก๋า, “ฮนั้ง หน่าย หฮวีง-เฒี้ยว อ๋อย ฮนั้ง หาย นอ โหฒว ปุน โก๊ว หฮวีง เมี่ยน? 16นิ่น อ๋อย มี่ง ไต๋ กวั่ง นิ่น บัว แอ๋ง ปุน กั้น เต๋ย เมี่ยน โก๊ว วั้ว นอม หฮวีง.”
หฒวัง เมี่ยน ไฮ์ ลิ์ว น้าย เต๋ย หว่า, นิ่น บัว ก๊อง, “ธิน-หม่าน ไม้ ตู๋ง ปุน ม่าย ฮนั้ง หน่าย.”
17เยซู หมั่ง เจี๊ยน นิ่น บัว หน่าย ก๋า, “กีง-โซว เฟี้ย เจี๊ยน น้าย โจ๋ว หว่า ม่าย หาย หญู่ง เอ๋ย เล์ย?
‘ก๊ม เปย๊า หฒั่ง เฆ่ม ธ้วด วั้ว นอม หละเปย๊ย,
ฒู้ง เป๋น อัน เปย๊า-เก๊าะ เก้า หล่ง เจี๊ยน เจี๋ย วั้ว นอม.’#สีง ฑูง 118:22
18หาย เต้า ดอบ, ฒง หฒุ น้าย นอม หละเปย๊ย, วั้ว เต้า ฯฒฯ ฮู้ เป๋น เหฒีย เต๋ย หมี่ อ๊ะ. น้าย นอม หละเปย๊ย ด๊อด, ฒง หฒุ หาย เต้า, วั้ว เต้า ฯฒฯ หม่วน เหฑ่ง หมี่ อ๊ะ.”
19หฌาว เล์ย เญย ฟิน-แซง เหธา ไซ เมี่ยน เปย๊ย ฮิ้ว ตุ๊ เยซู ก๊อง น้าย ติ้ว หว่า-เป๊ย ฒิ หฒุ นิ่น บัว. วั้ว นอม เฒี่ยง โห่ นิ่น บัว อ๋อย เฒาะ เยซู ไห่ อ๊ะ, มป่า นิ่น บัว กั้ม เหฑีย หฒวัง เมี่ยน.
เมี่ยน หน่าย โฑว-ฒิ่น เญย เจ๊า
(เป๊ย หมั่ง มัดทาย 22:15-22; มาโค 12:13-17)
20หฌาว เล์ย เญย ฟิน-แซง เหธา ไซ เมี่ยน เปย๊ย ฯฒฯ หฒั่นๆ เธี่ยน หมั่ง เจี๊ยน เยซู. นิ่น บัว พ้าย เมี่ยน มี่ง โหฒว สี่ ฮนั้ง คู้ เมี่ยน, มป่า นิ่น บัว อ๋อย ดั๊ว เยซู ก๊อง ต่อง ฯฒฯ ไฮ่ เฒาะ นิ่น จิว ปุน เยียม โลมา หฒูง เญย ปั์ว-เดี๊ย. 21นิ่น บัว ฯฒฯ หน่าย ก๋า เยซู, “ฟิน-แซง อ้า! เยีย บัว ฮิ้ว ตุ๊ เม่ย ก๊อง เญย หว่า เหธา หฌาว เญย เล์ย เซ หอบ เญย. เม่ย หย่า ไม้ หมั่ง หาย เต้า เญย เฮมียน. ทิน-ฮู่ง เญย เจ๊า เม่ย หย่า หฌาว ตุ๊ เฒียน. 22วั้ว หญู่ง เม่ย บั๋ว เยีย บัว โอ่. บัว ธ้วด โฑว-ฒิ่น ปุน โลมา ฮู่ง เซ ต่อง บัว เญย เล์ย ไฟ?”
23เยซู ฮิ้ว ตุ๊ นิ่น บัว เญย เบี๊ยน-เบ๋ว ฯฒฯ ก๊อง, 24“เฒาะ นอม ญ่าน ต้าย ปุน เยีย หมั่ง ก๋า. น้าย หาย เต้า เญย ฝัง เหธา หาย เต้า เญย บั๋ว?”
นิ่น บัว เตา, “โลมา ฮู่ง เญย.”
25เยซู ฯฒฯ ก๊อง, “หาย หญู่ง โลมา ฮู่ง เญย, อ๋อย หฒุ ปุน โลมา ฮู่ง. หาย หญู่ง ทิน-ฮู่ง เญย, อ๋อย หฒุ ปุน ทิน-ฮู่ง.”
26ตอง เจี๊ยน หฒวัง เมี่ยน นิ่น บัว ไม้ ปวัด เยซู ก๊อง ต่อง หาย หญู่ง. นิ่น บัว บัวะ ฮ่อง ไห่ นิ่น เตา เญย หว่า ฯฒฯ ไม้ โค โล อ๊ะ.
เมี่ยน ไต่ แอ๋ง ไฮ่ นั่ง ต้าย
(เป๊ย หมั่ง มัดทาย 22:23-33; มาโค 12:18-27)
27ม่าย เต๋ย สะดูสี เมี่ยน ต้าย ล์อ เยซู. สะดูสี วั้ว เจ๊า เมี่ยน ก๊อง เมี่ยน ไต่ มี่ง ไม้ ไฮ่ นั่ง อ๊ะ.#กง-โฒ่ 23:8 28นิ่น บัว หน่าย เยซู, “ฟิน-แซง อ้า! โมเซ เหว่ย บัว เฟี้ย น้าย ติ้ว เล์ย, ‘สี ก๊อง ม่าย ล่าน เมี่ยน หล่ง เจี๊ยน เอ๊า, ไม้ แก้ง ม่าย ฝุเจว๊ย มป่า นิ่น ไต่ หมี่ อ๊ะ, นิ่น เญย โย์ว อ๋อย หฒุ หล่ง ญาม โหฒว เอ๊า เหว่ย ตุ๊ ฝุเจว๊ย ฝุน ก๋อ เญย ป่วน.’#หฑั่ม เล์ย-หลัด 25:5 29ฒิ่น ด่าง ม่าย เสี่ย มั์ว-ตอน. ตอน-โฮล ตอง เจี๊ยน จา, ไม้ ม่าย ฝุเจว๊ย, นิ่น ไต่ หมี่ อ๊ะ. 30ตะไหน หล่ง ญาม-กว๊า แอ๋ง ไต่ หมี่ อ๊ะ. ไม้ ม่าย ฝุเจว๊ย. 31เล้า ซาน แอ๋ง หล่ง เกา, ไต่ หมี่ อ๊ะ. น้าย เต๋ย เสี่ย มั์ว หล่ง เจี๋ย เหฑ่ง, หย่า ฟี่ ฮนั้ง เญย ไม้ ม่าย ฝุเจว๊ย, เฒียง หน่าย ไต่ หมี่ อ๊ะ. 32โหฒว เกา, ฆะฮ้า วั้ว เต้า มเซียะ ตอน หย่า ไต่ หมี่ อ๊ะ. 33ฮนั้ง หน่าย, เมี่ยน ไต่ มี่ง, เถา นั่ง ต้าย วั้ว ฮนอย, วั้ว เต้า มเซียะ ตอน ฝุน หาย เต้า เญย เอ๊า? เหว่ย หฒุ นิ่น บัว เสี่ย มั์ว เหยียด ฒู้ง หล่ง เจี๋ย นิ่น.”
34เยซู เตา นิ่น บัว, “น้าย เสย เมี่ยน หล่ง เอ๊า หล่ง โหฆ, ปู๋ง เซียะ โหฒว ธีง-จา. 35มป่า ไต่ มี่ง ผุย ตุ๊ นั่ง ต้าย เยียม ฆะฮ้า วั้ว เสย มจั่ง มเซียะ ไม้ หล่ง เอ๊า หล่ง โหฆ, ไม้ ปู๋ง เซียะ โหฒว ธีง-จา. 36นิ่น บัว หย่า ไม้ ไฮ่ ไต่ เหว่ย หฒุ นิ่น บัว ฮนั้ง ฟิน-เมี่ยน นอ. นิ่น บัว โหฒว ทิน-ฮู่ง เญย น่าม โญ์ว เหว่ย หฒุ นิ่น บัว ไต่ มี่ง แอ๋ง นั่ง ต้าย. 37โมเซ หย่า ปุน ธีง เมี่ยน ไต่ มี่ง แอ๋ง นั่ง ต้าย เหว่ย หฒุ นิ่น ก๊อง โต์ว เหฒียะ เดี๋ยง-ตอน-ฟ้ม วั้ว ติ้ว เจ๊า. นิ่น เห่ว เฒี้ยว โหฒว ‘อับลาฮัม เญย ทิน-ฮู่ง, อีสัก เญย ทิน-ฮู่ง เหธา ยาโค้บ เญย ทิน-ฮู่ง.’#ธ้วด อียิบ 3:6 38ทิน-ฮู่ง เซ เมี่ยน นั่ง เมี่ยน เญย ทิน-ฮู่ง, ไม้ เฒ์ย ไต่ มี่ง เญย เมี่ยน เญย ทิน-ฮู่ง, เหว่ย หฒุ เอย ทิน-ฮู่ง หมั่ง, เหยียด ฒู้ง เซ เฒี่ยง เจี๊ยน เญย.”
39ม่าย เต๋ย หฌาว เล์ย เญย ฟิน-แซง ก๊อง, “ฟิน-แซง อ่า, เม่ย เตา ตุ๊ หอบ ไห่.” 40ก๊อง ลิ์ว นิ่น บัว ไม้ ก๊าม หน่าย หาย หญู่ง นิ่น อ๊ะ.
กีตู่ ฮนั้ง หาย นอ โหฒว ดาวิด ฮู่ง เญย เฒ้ย-ฟุน?
(เป๊ย หมั่ง มัดทาย 22:41-46; มาโค 12:35-37)
41เยซู ฯฒฯ หน่าย นิ่น บัว, “เมี่ยน ฮนั้ง หาย นอ ไฮ่ ก๊อง กีตู่ โหฒว ดาวิด ฮู่ง เญย เฒ้ย-ฟุน? 42เหว่ย หฒุ เยียม สีง ฑูง โซว ดาวิด กั้น เฟี้ย,
‘เฒี้ยว ก๊อง บั๋ว เยีย เญย เฒี้ยว,
“เฒว์ย เจี๊ยน เยีย เญย บย่าว แหมง ปูง#สีง ฑูง 110:1
43ฒั้ว เยีย ปุน เม่ย เญย วิน-วั้ง
โหฒว เม่ย หลอง เหฒา เญย ต๋อง.”’
44ดาวิด เห่ว นิ่น โหฒว เฒี้ยว. วั้ว หญู่ง, กีตู่ ฮนั้ง หาย นอ ไฮ่ โหฒว ดาวิด เญย เฒ้ย-ฟุน?”
อ๋อย หฒุ ไฝ ฟิม หฌาว เล์ย เญย ฟิน-แซง
(เป๊ย หมั่ง มัดทาย 23:1-36; มาโค 12:38-40)
45หฒวัง เมี่ยน หมวัง เยซู ก๊อง วั้ว หฒั่น, เยซู บั๋ว นิ่น เญย ไซ-ก๋อ บัว, 46“อ๋อย หฒุ ไฝ ฟิม หฌาว เล์ย เญย ฟิน-แซง. นิ่น บัว อะเฮน้ย ฒุ ลุย-ด๊าว มี่งๆ ต้ายๆ, มี่ง วั้ว เฮย-ห่อง อ๋อย เมี่ยน ท่าย, เฒาะ เยียะ ปุน นิ่น บัว. มี่ง หวุ่ย ต้อง นิ่น บัว กิ๊น หลง เจี๋ย เญย ต๋อง เฒว์ย. เปียะ ยิ่น นิ่น บัว ขูง อ๋อย เฒว์ย เตี้ย กอน ฮนั้ง. 47นิ่น บัว ดั๊ว เอ๊า-กว๊า เญย จา-ตี้ง หญั่น หย่า ตุ๊-เอ๋ย เต๋า เก๋า ด๊าว เญย ดั๊ว เมี่ยน. ต้ง น้าย หญู่ง เมี่ยน อ๋อย หฒุ ตี่ง ฒุ์ย เก้า เฮนี้ย เจี๋ย.”
Atualmente Selecionado:
ลูกา 20: IuMiTH
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mien Bible (Thai Script) © Thailand Bible Society, 2007
