Juan 14
14
Si Jesus ang Dalan Pakadto sa Amay
1Si Jesus nagsiling sa ila, “Indi kamo magpalibog kag magkatublag. Magtuo kamo sa Dios, kag magtuo man kamo sa akon. 2Sa balay sang akon Amay may madamo nga mga kwarto, kag magalakat ako sa pag-aman sing lugar para sa inyo. Indi ako magsiling sini sa inyo kon indi ini matuod.#14:2 Sa balay…indi ini matuod: ukonMay madamo nga mga kwarto sa balay sang akon Amay, kon indi ini matuod, masiling bala ako sa inyo nga ako magalakat sa pag-aman sing lugar para sa inyo? 3Sa tapos ako makalakat kag makaaman sing lugar para sa inyo, magabalik ako kag dalhon ko kamo, agod nga kon diin ako didto man kamo. 4Nahibaluan ninyo ang dalan pakadto sa lugar nga akon pagakadtuan.”
5Si Tomas nagsiling sa iya, “Ginoo, wala kami makahibalo kon diin ikaw makadto, gani paano bala ang pagkatultol namon sang dalan pakadto didto?”
6Si#Bar. 3:13-14. Jesus nagsabat sa iya, “Ako amo ang dalan, ang kamatuoran, kag ang kabuhi, wala sing may makakadto sa Amay kon indi paagi sa akon.” 7Nagsiling sia sa ila, “Karon nga nakilala ninyo ako, inyo man makilala#14:7 Karon nga nakilala ninyo ako…inyo man makilala: ang iban nga mga manuskrito mayKon nakakilala kamo sa akon…makilala ninyo. ang akon Amay, kag sugod karon inyo gid sia nakilala kag nakita.”
8Si Felipe nagsiling sa iya, “Ginoo, ipakita sa amon ang Amay, kag tuman na ina para sa amon.”
9Si Jesus nagsabat, “Dugay na ang aton tanan pag-inupdanay, pero ikaw Felipe, wala pa makakilala sa akon? Ang bisan sin-o nga nakakita sa akon nakakita sa Amay. Ngaa bala masiling ka, ‘Ipakita sa amon ang Amay’? 10Felipe, wala ka bala nagatuo nga ako yara sa Amay kag ang Amay yari sa akon?” Nagsiling si Jesus sa iya mga gintuton-an, “Ang mga pulong nga ginhambal ko sa inyo, wala nagahalin sa akon. Ang Amay nga yari sa akon amo gid ang nagahimo sang iya mga buhat. 11Magtuo kamo nga ako yara sa Amay, kag ang Amay yari sa akon. Kon indi gani, magtuo kamo tungod sining akon mga buhat. 12Nagasiling ako sa inyo sang matuod: ang bisan sin-o nga nagatuo sa akon magahimo man sang mga buhat nga akon ginahimo, kag sobra pa sang sa sini nga mga buhat ang iya himuon, tungod kay ako magakadto sa Amay. 13Kag akon himuon ang bisan ano nga inyo pangayuon sa akon ngalan, agod paagi sa Anak mapakita kon daw ano ka makatilingala ang Amay. 14Kon kamo magpangayo sa akon#14:14 Ang iban nga mga manuskrito wala sangsa akon. sang bisan ano nga butang sa akon ngalan, akon ina pagahimuon.
Ginsaad ang Espiritu Santo
15“Kon#Klm. Sol. 6:18. ginahigugma ninyo ako, tumanon ninyo ang akon mga sugo. 16Kag ako magapangayo sa Amay kag hatagan niya kamo sang isa pa ka Mananabang, nga magapabilin upod sa inyo sa walay katapusan. 17Sia amo ang Espiritu nga nagapahayag sang kamatuoran nahanungod sa Dios. Ang kalibutan indi makabaton sa iya, tungod kay ang kalibutan wala makakita ukon makakilala sa iya. Pero kamo nakakilala sa iya, tungod kay sia nagapabilin upod sa inyo kag manginyara#14:17 manginyara: Ang iban nga mga manuskrito mayyara. sa inyo.
18“Indi ko kamo pagbayaan nga mga ilo, kay magabalik ako sa inyo. 19Sa indi na lang madugay, ang kalibutan indi na makakita sa akon, pero kamo makakita sa akon, kag tungod kay ako nagakabuhi, kamo man magakabuhi. 20Sa sina nga adlaw, inyo mahibaluan nga yara ako sa akon Amay kag kamo yari sa akon, subong nga ako yara sa inyo.
21 #
Klm. Sol. 6:12, 18; Sir. 4:14. “Ang nagabaton kag nagatuman sang akon mga sugo amo ang nagahigugma sa akon. Ang akon Amay magahigugma sa iya nga nagahigugma sa akon, kag ako man magahigugma sa iya kag magapahayag sang akon kaugalingon sa iya.”
22Si Judas (nga indi si Judas Iscariote) nagsiling, “Ginoo, ngaa man sa amon ka lang magapahayag sang imo kaugalingon kag indi sa kalibutan?”
23Si Jesus nagsabat sa iya, “Ang bisan sin-o nga nagahigugma sa akon magatuman sang akon pulong, kag ang akon Amay magahigugma sa iya kag kami magakadto sa iya kag magakabuhi upod sa iya. 24Ang bisan sin-o nga wala nagahigugma sa akon, wala nagatuman sang akon mga pulong. Ang pulong nga inyo nabatian indi akon, kundi naghalin sa Amay nga nagpadala sa akon.
25“Ginasugid ko ini nga mga butang samtang yari pa ako upod sa inyo. 26Pero ang Mananabang, ang Espiritu Santo nga ipadala sang Amay sa akon ngalan, magatudlo sia sa inyo sang tanan nga mga butang, kag magapahanumdom sia sa inyo sang tanan nga akon ginsiling sa inyo.
27“Ang paghidait ginabilin ko sa inyo, ang akon paghidait ginahatag ko sa inyo. Ginahatag ko ini sa inyo indi subong sang paghatag sang kalibutan. Indi kamo magpalibog kag magkatublag, indi kamo magkahadlok. 28Nabatian ninyo nga nagsiling ako sa inyo, ‘Ako magalakat, pero magabalik man ako sa inyo.’ Kon ginahigugma ninyo ako, magakalipay kamo nga ako magakadto sa Amay, kay sia mas gamhanan pa sang sa akon. 29Karon ginasugid ko ini sa inyo sa wala pa ini tanan mahanabo, agod nga kon mahanabo ini, magatuo kamo. 30Indi na ako makapadugay sa paghambal sa inyo, tungod kay ang nagagahom sining kalibutan nagapadulong. Wala sia sing gahom sa akon, 31pero kinahanglan makahibalo ang kalibutan nga ako nagahigugma sa Amay. Gani ginahimo ko ang tanan nga iya ginasugo sa akon.
“Dali kamo, malakat na kita.
Atualmente Selecionado:
Juan 14: MBBHIL12
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Maayong Balita nga Biblia © Philippine Bible Society, 2012
