Cäk 9
9
Män de Nhialic kekë Nowa
1 #
Cäk 1:28. Go Nhialic Nowa thieei kekë wɛ̈ɛ̈tke, ku lëk keek an, “Kɛɛrkï, ku thiäŋkï piny nɔm. 2Ku läi kedhie, ayï diɛt ku rec, ku ka ye mol piny kedhie, abïk aa riɔ̈ɔ̈c në yïn ë cieŋ. Ku käŋ ëbɛ̈n, kapïr acä keek tääu në yïcin. 3Ku käŋ kedhie, kapïr, abïk aa kacaamku, cït man cän ke kɔn gäm wal tɔ̈c. Ku ënɔɔnë, käŋ kedhie acä ke gäm yïn ke ke ye kacaamku. 4#Leb 7:26,27; 17:10-14; 19:26; Nyöŋ 12:16,23; 15:23. Ku kë cän jaai në yen, ee rïïŋ ŋoot ë riɛmde ke kuëër yetök, yen acï bï ya cuet, në luɔi nu ë pïïr në riɛmic. 5Na de raan lɔ raan nɔ̈k, ka bï kuum. Ku na le dɛ län lɔ raan nɔ̈k, abä kuöm thuɔɔu. 6#Bɛ̈n 20:13; Cäk 1:26. Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.
7 #
Cäk 1:28. “Ku yïn bï kɛɛr, ku kɔ̈thku abïk piny thiɔ̈ɔ̈ŋ nɔm ëbɛ̈n.”
8Ku be Nhialic lɛ̈k Nowa kekë wɛ̈ɛ̈tke an, 9“Ënɔɔnë, Yɛn luel mät wo week, ku kɔ̈thkuön bï lɔ̈ɔ̈k tɔ̈u në wecök. 10Ku Yɛn luel mät aya wokë kapïr kedhie, ka nu në yïn ëtök, läi ku diɛt ku këpïïr ëbɛ̈n, kë ë bɔ̈ bei abëlic. 11Yɛn loi mändï wo week, në luɔi cän kake piny nɔm bï bɛ riɔ̈ɔ̈k në pïïu ke amool. 12Ku lueel ë Nhialic an, Kënë ee kïn ë män cä mat wokë week, ku këpïïr tɔ̈u ke yïn ëbɛ̈n. Në luɔi cï yen kɔ̈u bï bɛ tɛɛm aɣet athɛɛr. 13Yɛn tɛ̈ɛ̈u mïïtdï nhial ë luätic, ee yen abï ya kïn ë män cä mat wokë kake piny nɔm kedhie. 14Ku të cän luät tääu nhial, ku cï mïït tïc thïn, 15Yɛn bï mändiën cä mat wo yïn, ku kapïr ëbɛ̈n aa tak, ku pïïu acïkï röt duëër be tɔ ya amool ku bekï kapïr riɔ̈ɔ̈k kedhie. 16Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n. 17Go Nhialic lɛ̈k Nowa an, kënë ee kïn ë män wään cä lueel wokë këriëëc ë piny nɔm ëbɛ̈n.”
Nowa kekë wɛ̈ɛ̈tke
18Ku wɛ̈ɛ̈t ke Nowa ë bɔ̈ biic abëlic, ee Cem kekë Ɣam ku Japeth. (Ɣam yen aye wun Kanaan.) 19Ku keek kadiäk, kek aye wɛ̈ɛ̈t ke Nowa. Ku ee kek ee kuarken ë kɔc ke piny nɔm kedhie.
20Nowa yen aye raan töŋ tueŋ ë kɔn piny com nɔm, go dom de enap com. 21Na ɣɔn, ke dëk në mɔ̈n ë loi në ee timë. Ago mɔ̈u en wit, go tɔ̈c ë paanyic ke kën ë kɔ̈u kum në lupɔ. 22Go Ɣam, wun Kanaan wun tïŋ ke cïn kɔ̈u lupɔ, go lɔ lɛ̈k mïthëkɔcken kaarou biic. 23Go Cem bɛ̈n kekë Japeth, ku jɔkï lupɔ dɔm thok në kekët, ku lekï ë paanyic ke ke cath në kekɔ̈ɔ̈th, ku kumkï wuönden kɔ̈u në yen, ke ke ŋoot ke ke wel kenyïïn wei, ke ke cïï wuönden bï tïŋ ke rɛ̈ɛ̈r në yekɔ̈u. 24Na wën, alɔ mɔ̈u jäl në Nowa nɔm, ku jɔ kë cï wëndɛn thiinë luöi yen ŋic, 25ke lueel an,
“Aciɛɛn anu në Kanaan yeth!
Abï ya lïm de mïthëkɔcken.
26Ku lueel ë Nowa ayadäŋ an,
athiɛɛi de Nhialic abï tɔ̈u kekë Cem.
Ku abï Kanaan tɔ ye lïmde.
27Nhialic abï Japeth#9:27: Japeth: Rinkë në Ɣeberuu acït “kɛɛr.” tɔ kɛɛr.
Ku wɛ̈ɛ̈tke abïk dɛ rëër piɛth në baai de Cem.
Ku Kanaan abï ya lïm de Japeth.”
28Ku Nowa ëbɛ̈n lɔ̈ɔ̈k rëër amool cök në bot kadiäk ku thiërdhïc de run ke pïïr. 29Ku run ke Nowa aake ye bot kadhoŋuan ku thiërdhïc, ku jɔ bɛ̈n thou.
Atualmente Selecionado:
Cäk 9: dip-JPB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Bible in Jieeng de Padang © The Bible Society in South Sudan, 2011.
