Ghiléngheri Ghília 4
4
CAPITOLO IV.
1Ne hal akí, mri ladshi gakki, ne akí ladshi: tiri jakka, andral tiro sureppen, hi ssir o pillstérinlengheri: tiri balla hi ssir o pussienghero pessiólo, ganna jon dshanna tele awri o domba Galaad.
2Tiri danta hi ssir i bakia, hallauter hare, ki awena wrin e towamaskeri pánin, te share hal lender dui baki kettenè, te nani jekkia hi bitarni.
3Tiri wusht hi ssir o taw gattendó an o lolo, te tiro rakkerpen hi camélo: tiro dshakket andri tiro surrapen har jek gotter lolo gibjakeri pabui.
4Tiro mén hi ssir o Davideskeri filezzin, kerda ke an i kurapaskeri sikkérpen, apro akowa hi bladerdò desh shél ssasterni golini, cotter ssare dshiskeri romni.
5Tiri dui tshutshin hi ssir dui tarni gurumni kettené, ki tsharena mashder i parno tsungemaskero tshorell.
6Tshin ani deisirlakro momélin, te ke i tamloppen nashádlahas krik, me dshawa apr o sungdello domba te apr i dikkni montaja ssar o schwendo tuw.
7Tu hal zeli ladshi, mri gakki, te keek dshoss hi andri tute.
8Av pash mande dran o Libanon, o piréni, av manssa dran o Libanon: ni dikk wrin i baroppen Amananesde, Senniresde, Hermonesde, wrin i tshinekkenderi chebb, te wrin i domba ssar e díwio madshka.
9Tukke czordal mander miro dsi, oh mri piréni, vai pén, tuke czordal miro dsi ssar tro jak, ssar jekko shukkerpen toter mén.
10Har hi ladshi tiri kamáppen, oh pireni, oh miri pen, har feádidir hi tiri kamappen ssir o mól, te o sung tuderi shukkeri dsheddi, khon feddidir ssir hallauter tshare trab.
11Oh piariskrizza, tiri wusht mander sapovena ssir u gwinakri markélo: u gwin te thut hi tellesteri chib: te o sung tuder soha hi ssir o sung awri o Libanòn.
12Oh piariskrizza, mri pen, tu hal jekko glidúno bár, jek glidúno hánning.
13Tire newo tshara hi jeko bar cotter lólo gibjakeri pabuj, te ke vaver shukkeri pabuj, cotter cipriakri te sorlet leskere traba.
14Sorletleskere, te corcom, ssar panjakro tshardò bisa, te chinamon, te ssar hakko schwendo tuwiakri: rukk mira, te aloe, te ssar hakko kondidir mishto trab.
15Vai páresderi hanning, vai o chev dshiwdesderi panin, vai nashepaskeri panin téle wrin o Libanòn.
16Stakker wri, oh parrul gatter i rat, te av tu telle o kám: haddel prekal mro bár, te gheraf ke pesde tshari trab mander sapovenas: mro gakko ável ani leste bár, te achales dran o bachtlesghero pabui.
Atualmente Selecionado:
Ghiléngheri Ghília 4: SINT1875
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published in 1875.