Matiu 4

Toketokea Setani se Zisu

(Maka 1:12-13; Luke 4:1-13)

1Meke lopu ele seunae hola gua sa Nana pinapitaiso, si turaṉia sa Maqomaqo Hope se Zisu meke sage la pa soloso qega, pude toketoke ia Setani si Asa, gua.#Hib 2:18, 4:15

2Meke sipu ele koa si Asa ka made ṉavulu puta rane, meke ka made ṉavulu boṉi meke lopu henahena gua, si ovia si Asa. 3Meke pa totoso asa si mae se Setani, meke zama la guahe koa Sa, “Be na Tuna d Tamasa si Agoi, si mamu zamai sari na patu hire, pude madi ta evaṉae na bereti,” gua si asa.

4Ba olaṉa se Zisu, “Ura guahe si ta kubere pa Kinubekubere Hope: ‘Lopu tale toa pa bereti mo sa tie, ba koari doduru zinama pu zama ni Tamasa!’ ” #Diut 8:3

5Meke turaṉa la nia Setani se Zisu koasa vasileana hope sapu pa Zerusalema, meke va turua sa pa batu minominona sa Zelepade d, meke zama si asa koa Sa, 6“Be na Tuna Tamasa si Agoi, si mamu horu gore, ura guahe si ta kubere koasa Kinubekubere Hope:

‘Kote garuni Tamasa sari Nana mateana pude ovuligo,

pude lopu hoqa bakora nigo keke nenemu koari na patu,’ ” gua si asa.#Sam 91:11-12

7Ba olaṉa se Zisu, “Ba gua tugo hie si ta kubere koasa Kinubekubere Hope, ‘Mu lopu podepodekia goi sa Baṉara sa mua Tamasa!’ ” #Diut 6:16

8Meke turaṉa sage la nia pule e Setani se Zisu pa batuna keke toqere ululuna, meke va dogoro ni sa koa Sa sari doduru butubutu binaṉara pa kasia popoa, meke sa dia tinolava. 9Meke zama la ia sa se Zisu, “Be todoṉo meke vahesi au Goi si arau, si kaqu poni beto nigo rau sari doduru gua pu dogori Goi hire.”

10Ba olaṉa se Zisu, “Mu taloa koa Rau Setani, ura gua hie si ta kubere koasa Kinubekubere Hope: ‘Mu vahesia sa Baṉara sa mua Tamasa, mamu nabulu eke nia mo si Asa,’ ” gua si Asa.#Diut 6:13

11Meke taluarae koa Sa se Setani, meke mae toka nia ri mateana se Zisu.

Podalae Tarae se Zisu pa Qaleli

(Maka 1:14-15; Luke 4:14-15)

12Totoso ele avoso nia Zisu sapu ta veko pa vetu varipusi se Zone, si taluarae pa Ziudia meke la pa Qaleli si Asa.#Mt 14:3; Mk 6:17; Lk 3:19-20 13Lopu koa pa Nazareti si Asa, ba la koa si Asa pa Kepaniami, keke vasileana nomana tata pa kopi Qaleli, koari na pinaqaha popoa tadi na butubutu Zeboloni d meke Napitalai d,#Zn 2:12 14pude tava gorevura gua sapu zama nia sa poropita Aisea, sapu guahe:

15“Pa popoa tadi na butubutu Zeboloni, meke Napitalai,

sa popoa sapu koa ia sa siraṉa mae gua koa sa kolo Meditareniani d karovo la pa kali Ovuku Zodani

vasina sapu ta pozae na popoa Qaleli tadi na tie Zenitailo d.#Ais 9:1-2

16Saripu koa pa hinuporo

si dogoria si keke kalalasa nomana;

sarini pa popoa hupohuporona vasina tata sa minate

si pelara vura i na kalalasa.”

17Pa totoso asa, si podalae tarae nia Zisu sa inavoso sapu guahe: “Mi kekere koari na mia sinea sina sa Binaṉara Maṉauru si tata kamo!” gua si Asa.#Mt 3:2

Tioki Zisu sari na Tie Habu

(Maka 1:16-20; Luke 5:1-11)

18Meke sipu korapa ene rarata si Asa pa kopi Qaleli, si dogori Sa sari karua tamatasi ari Saimone Pita meke e Aduru, korapa vaqara dia, sina na habu mo sa dia tinavete. 19Tioko la i Zisu sari karua meke zama, “Mae luli Au, maqu va tumatumaeni gamu habu tie!” 20Meke pa totoso tugo asa si veko pani ri kara sari dia vaqara, meke lulia rini se Zisu.

21Ene hola la se Zisu, meke dogori pule Sa sari karua tamatasi te Zebeti, ari Zemisi e Zone. Ari karua meke sa tamadia, se Zebeti, si korapa suraṉa dia pa koaka meke tuvaka dia vaqara, meke tioko lai tugo Zisu sari karua, 22meke zama, “Mae luli Au.” Meke pa totoso tugo asa si veko pania ri kara sa dia koaka, meke sa tamadia se Zebeti, meke lulia ri kara se Zisu.

Variva Tumatumae, na Tarae, meke Salaṉa Tie se Zisu

(Luke 6:17-19)

23Ene betoa Zisu sa doduruna sa popoa Qaleli. La variva tumatumae si Asa koari na sinaqoqi d. Tarae nia Sa sa inavosona sa Binaṉara te Tamasa d, meke salaṉi Sa sari na tie mohodi koari hopehopeke dia minoho na vinagauru.#Mt 9:35; Mk 1:39

24Sa inavosona Zisu si kamo la pa doduruna sa popoa Siria d. Ke sari na tie, si turaṉa mae ni ri koa Sa sari na dia tie mohodi, saripu va kamoi sari na votivotiki minoho, na vinagauru, meke kamo koari pu nuquri na tomate kaleadi, na kirekireqe, meke ari pu mate kaiqa tinidi, meke lopu boka niu na ene na gua. Salaṉa betoi Zisu sari doduru tie mohodi hire. 25Meke soku puku tie si ene luli koa Sa, mae guadi pa Qaleli, Dikapolisi, Ziudia, meke pa kali gasa rimata pa popoa Zodani, meke pa Zerusalema.

Atualmente Selecionado:

Matiu 4: ROV

Destaque

Copiar