JOHAN THUMAPUI
THUMAPUI
Johan- Toupa pen mi hehpihthei ahi chihna ahi. Johan pen a sanggampa Jakob tawh Zebedi tapate ahi ua, Jesu`n van ging tapate chia aminvohte ahi uhi (Mrk. 3.17). Johan pen Apostle ahi a, Jesu Krist tawh kinaih mah mah khat ahi.
Jesu`n leitung a hundamna nna aseplai a amit a mu tualeh a nasepna lak a pangtu khat ahi. Jesu van a akah nung Ephesa khua a apaima in Peter tawh Jerusalem ah saptuamte khuampi khat in ahung pang hi (Galt. 2.9; Nst. 3.1,4,13; 18.14).
Agelhtu leh agelh hun
Hih tangthupha Johan bu ah agelhtu min tuang kei nanleh nidanglai a saptuampate (church father) kichite`n Apostle Johan gelh ahi achi ua, tuamah bangin tangthupha Johan gelh chi`n abu min hung tuang hi. Agelh hun ahihleh Johan in Jerusalem nusia a Ephesa khua a apai zoh, Rom. government in Patmos tuikulh a asawlkhiat ma uh A.D. 90 lak vel a agelh hi ding a gintat ahi.
Agelhna jiakte leh a thupi
Tangthupha Johan in “Thu” Pasian tangtawn a om pen mihing hungsuak in eite lak ah ahung teng hi chih a taklang hi. Hih tangthupha kigelhna jiak thupi ahihleh bung 20.31a imuh mah bang in, a simtute`n Jesu Krist pen Pasian tapa hundamtu ding a chiam ahihdan leh amah gintatna tungtawn a hinna aneihna ding ua gelh ahi.
Abul a “Thu,” Pasian leh Pa a hung suakna agen zoh in sillamdang tuam tuamte`n Jesu Krist pen hundamtu hi ding a chiam ahihdan, Pasian Tapa a hihnate agen hi. Bung 13—17 sung in Jesu mat a om ding jan a nungjuite tawh a kipawl-khawmna agen hi.
Johan in Krist tungtawn a tangtawn hinna athawn a piak a omna thu leh amah pen Lampi leh Thutak leh Hinna, tualeh amah lou a Pa kiang tun-guallouh ahihdan taklang ut in gentehna tuam tuam in a gen hi. Tuate, Tui-hing, Tanghou, Belampu leh Grepgui chihte ahi. Bung tawpna lam in, Jesu mat a aomna, gawt a aomna khailup a aomna, a thohkikna tualeh nungjuite kiang a kilaknate agen hi.
Asung a thu laktom
Thumapui 1.1-18
Baptistu Johan leh Jesu nungjui masate 1.19-51
Jesu`n mipi lak a nna asepna 2.1—12.50
Ni tawplam leh Jerusalem naihna 13.1—19.42
A thohkikna leh a kilakna 20.1-31
Thukhitna 21.1-25
Atualmente Selecionado:
JOHAN THUMAPUI: THKHBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.