Solchah 13

Barnabas Leh Paul Kilhendoh Chule Soldoh-a Aumhon

1Chuin Antioch houbung'a chun themgaole mihil phabep aumun, amahochu: Barnabas, Niger atiu Simeon, Cyrene mi Lucius, Herod lengpa toh kivahdoh tha Manahen, chule Saul ahiuve. 2Chuin amaho chu Pakai lhachale-a apanuva an angol laijun Lhagao Thengin, Kakouna natong dingin Barnabas le Saul neise khenpeh-un, ati.

3Chuin an ngola atao jouvun, achung lhona akhut angamun asoldoh taove.

Cyprus Twikol'a Saul Le Barnabas

4Chutichun Lhagao Theng soldoh-in amani Seleucia achesuh lhonin; chuin chua kon chun Cyprus lama akitol lhontai. 5Chuin Salamis kho alhun phat lhonin, Juda ho kikhopna inho-a chun Pathen thu ahillhangle lhontai. Amanin akithopi lhon dingin John jong akipui lhone.

6Chutichun twikol gam sung chu Paphos geijin achonsoh lhonin, Bar-Jesu atiu Juda mi, mitpheldoi choile, themgao lhem khat amudoh lhone. 7Ama chu milung ching, twikol gamvaipo Sergius Paulus chutoh uma ahi. Gamvaipo chun Saul le Barnabas akouvin Pathen thu chu ngai ding agotan ahi. 8Ahivangin mitpheldoi choipa Elymas chun (hichu amin kiledohna ahi) gamvaipo chun atahsan louna dingin, amani chu adoudalin ahi. 9Chuin Saul'in, (Paul jong akitin,) Lhagao Thenga dim pumin ama chu ave aven, 10Vo nangma jouva lheplhah le minambol dimset diabol chapa, chonphatna jouse melmahpa, nangin Pakai lampi dihho akaleh-a hei natat lou ding ham? 11Chule tun, ven, Pakai khut nachunga achui; chule phat chomkhat sung nisa mu louva mitcho-a naum ding ahi, ati. Chupettah chun meijinle muthim achunga ahung chupai jengin; chuin aman akhutna kai ding mi ahol letai. 12Chutah-in gamvaipo chun thil kibol umchan chu amu phat chun, Pakai thuhil chu kidang asa lheh jengin atahsantai.

Pisidia Gam Antioch Mun'a Paul Le Barnabas

13Chuin Paul aloihotoh Paphos'a konin akitolun, Pamphylia gama Perga alhung taove; chuin John'in amani adalhan Jerusalem lama akile kit tai. 14Amani vang chu Perga'a konin achepeh lhonin, Pisidia gama um Antioch alhung lhonin; chuin cholngah nin kikhopna in'ah alut lhonin atou lhontai. 15Chuin danthu le themgaoho thu asim jouvin, kikhopna in vaihomhon akom lhona mi asolun, agahseijun, Sopiteni, miho-a dinga tilkhouna thu ima nanei lhonle sei lhonin, atiuve. 16Chuin Paul adingin akhut ajah-in thu aseijin, Vo Israel miho, chule vo Pathen gingho, ngaijun: 17#Pot 1:7; 12:51. Hiche Israelte Pathen hin ipu ipateu alhengin, amaho Egypt gama apem laiju chun amite chu achoisangin, chuin aban thahat chungnungin amaho chu ahin puidohtan ahi. 18#Minb 14:34; Danb 1:31. Chuin kum somli jen gamthipma achonnau chu ana thoh hamhamin; 19#Danb 7:1; Josh 14:1. Chuin Canaan gama vaipi sagi asumangin, amaho gam chu alo dingun ahop pehtan ahi. 20#Thutn 2:16; 1 Sam 3:20. Chuin hiche jou chun kum ja lile kum somnga sungin, Samuel themgao nikho lai gei chun thutan vaihomho apejin ahi. 21#1 Sam 8:5; 10:21. Chuin amahon leng athumun ahile Pathen'in amaho chu Benjamin phunga Kish chapa Saul apen, kum somli geijin akoije. 22#1 Sam 13:14; 16:12; Labu 89:20. Chuin aman ama chu achon mangin, aleng dingun David atungdohtai; ama thudol chu ahettohsah-in, Keiman keima lungdoltah mi khat, Jesse chapa David kamudohtai; ama khun kalunggot jouse abol bulhit ding ahi, ati. 23Chuchepa sonho lah-a chun Pathen'in thutep dungjuijin Israelte hengah Huhhing-a khat, Jesu chu ahinlhut tai. 24Ama hung masangin John'in Israel miho jah-a lungheija baptize chan ding thu ahillhang tan ahi. 25John'in anatoh achaiding konin, Nanghon keima koi kahia neingai touvem? Keima ama chu kahipoi. Ahin, kanunga mi khat ahunge; keima akengchot sutlham dinga jong kilom kahipoi, ati.

26Vo miho chule sopiteho, Abraham chateho, chule nalah uva Pathen gingho, hiche huhhingna thuhi nangho henga hinkithot ahi. 27Ijeh-inem itile Jerusalem'a chengho le avaipoteuvin ama chu ahetlou jeh-ule, cholngah niseh-a kisimji themgaoho thu ahettoh lou jeh-un, hiche thu chu bulhitnan ama chu themmo achansah taove. 28#Matt 27:22-23; Mrk 15:13-14; Luk 23:21-23; Jhn 19:15. Chule athina thei ajeh aholmosan jongun, Pilate henga athana ding athumui. 29#Matt 27:57-61; Mrk 15:42-47; Luk 23:50-56; Jhn 19:38-42. Chuin aumchan ding thudol kisun masa jouse chu asuh bulhit sohkei phatnun, thing chunga konin alalhauvin, lhanah alupsah taove. 30Ahivangin Pathen'in ama chu athi lah-a konin akaithou tai. 31#Sol 1:3. Chuin Galilee'a kona Jerusalem geija alhonpiho chun ni tamtah geijin amu jingjiuvin, amaho tulaija miho henga athu hettohsah-a pangho hi ahiuve. 32Chule ipu ipateu henga thutep thudola Kipana Thupha chu keihon nangho kahung hetsah nahiuve; 33#Labu 2:7. Pathen'in Jesu akaithouva kona achateu eiho dinga thutep chu amolso ahitai. Chujongle hiche thudol hi Labu bung nina-a jong,

Nangma ka-Chapa nahi, tunia hi kahin nahi, tin akisune. 34#Isai 55:3. Aman monmang na-a kilekit talou dinga athi lah-a kona akaithou ding thudol chu, hitin aseije,

David phattheina thon loule athenga chu keiman nangho kapeh dingu nahiuve, ati.

35 # Labu 16:10. Hijeh chun aman Labu mun danga,

Namitheng chu mon mangna namusah lou ding ahi, ati kitleuve.

36Ijeh-inem itile David chun Pathen lungdei bangin ama khanga miho ding na atoh jouvin, a-imu miltan; chuin apu apate koma alupsah-un ahile mon mangna chu amutai. 37Ahin Pathen'in akaithoupa vang chun mon mangna amupoi. 38Hijeh chun hiche hi heuvin, miho chule sopiteho, Ama vanga chu chonset ngaidamna thu najah uva kiseija ahi. 39Koi hijongle atahsan chan chu Mosi danthua them nachan jou lounao imajousea kona, ama vanga chu them changa ahi. 40Hijeh chun chingtheijun, achuti loule ajole themgao thusei ho chu nachung uva lhungkha getninte; 41#Habk 1:5. Vo nahsahmoho, nanghon veuvin.

Kidang saovinlang mangthah-un;

nanikho laijun thilkhat kabole,

hiche thil chu min seipeh jongleu chun

natahsan louhel dingu ahi, ti hi, ati.

42Chuin Juda ho chu kikhopna in'a kona apotdoh phatnun, chidang namdangho chun cholngah nikit jongle chuche thuchu aseipeh kit diuvin ajolun ahi. 43Chuin akikhomho chu akikhen phatnun, Juda mi tamtah le Juda houva lut Pathen ngaisahho lah-a mi tamtah-in Paul le Barnaba nung ajuitaove; chuin amanin amaho chu ahoulimpi lhonin, Pathen lungsetna-a umdet jing dingin atilkhou lhontai.

44Cholngah ni kitnin akhopi pumpiuvin Pathen thu ngai dingin akikhom taove. 45Ahivangin Juda hon mipi chu amu phatnun athangseuvin, Paul thusei chu adoudalun, ataitomun, chule anelkal taove. 46Chuin Paul le Barnaban hakattah-in, Pathen thuhi nangho henga sei masah ding dol mong ahin; ahivangin nanghon napam paijuva, tonsot hin kemlou changa kilom louva nakigot jeh-u chun, veuvin, chidang namdangho henga kakiheiju ahitai. 47#Isai 42:6; 49:6. Ijeh-inem itile Pakaiyin hiti hin keiho thu eipeuve,

Vannoi leiset kolmong geija sochatna hi dinga,

Keiman nangma chidang namdangho salvah-a kapansah nahi, ati tin asei lhontai.

48Chidang namdang hon hichu ajah phat uvin akipah athanomun, Pakai thu chu achoi-an taove, chule tonsot hinkemlou chang dinga gotsa um chengse chun atahsan taove.

49Chuin Pakai thu chu chuche gamkol sungse-a chun achalsohtai. 50Ahivangin Juda hon Pathen ngaisah numei lal hole, khopi sunga pipuiho atilseuvin, Paul le Barnaba chu abolsetsah-un, agamgi sunguva konin adelmang taove. 51#Matt 10:14; Mrk 6:11; Luk 9:5; 10:11. Chuin amanin amaho douna-in akengphang lhona leivui athinglha lhonin, Iconium kho lama ache lhontai. 52Chuin seijui ho chu kipana le Lhagao Thengin adimset taove.

Atualmente Selecionado:

Solchah 13: THADBSI

Destaque

Copiar