ZEKARIA 13
13
1“Tsü gwünkho le ryülo” Kekvutsin Npugü le zo, “David tsipwen lo Jerusalem temi dan kemu lo teromen kerüshvu nyu anyugun thyü nshün la nrün genyu zülvu nme khinshe shüti. 2Tsü gwünkho ka ale kazü günyu teromen dan zan khi lati, tson-o temi nme no tsü rüchün sin loho. A-le sidyükeshanyu le tse kehü nyu aphu ale khipe shwen lao teromen rüshvu nyü kethyü tsü sen tin lati. 3Tson-o ligü higü tenge tse sidyüjo zolo, a-no sila mvuloshvu tse a-pvü a-jvü nyu le a-ka zoti, a-le Npugü jo zobin nle tseo kenku jo kezo genyu. A-le sidyüjo zo shülo, a-pvü lo a-jvü le a-jenshvu lati. 4Tsü gwünkho le ryülo, sidyükeshanyu nme-e a-tsemin genyu ketekho, sidyükeshanyu hontse thatho thyü, nmvue mesa nrün genyu sidyükeshanyu phinya tsü ben nya loho. 5Anyugun le, ‘Ale sidyükesha kemvu. Ale low ketsünyu, ale a yhunthen low tsü hü nle’ tse zoti. 6Temi peha le a-ketson-o, ‘Nyu thyüo nnyun ki kenki shvu le bin nla?’ tson yatselo a-le, ‘A pfünyu kaki mele a kevü shvu le’ tse zoti.”
Sunggigü Tanyü Kekhwe gü Boshvu Lalo Tse Johokeshü
7Kekvutsin Npugü le zo, “Soryülo zhethon, tson-o agenyu thatho thyü kehü tanyü kekhwe gü whelo! A-dushvu lalo tanyü dan le nrenru tin lati. Ale a temi ntsun ti 8lo kazü günyu temi jünshen ka jünhvu le si lati. 9Lo ale rhünkebin jün shen jünme tsü kegwakeshvu shwio mah nyu rakagi thyü nshün la kehü hontse anyugun thyü nshün loti. Tson-o anyugun le aka hiti lo ale anyugun kehi kenishü ti. Anyugun le atemi letse ale anyugun ka zoshü ti, lo ale anyugun Sunggigü letse anyugun le zoshwi ti.”
Atualmente Selecionado:
ZEKARIA 13: REGSBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.