MATHAIIN 14
14
Baptispu Johon Thina
(Mk 6.14-29; Lk 9.7-9)
1Hava lai tak han Herod rengin Isua thang ha alei riat. 2Hatuka a suak ngai kom ei ti, “Ama hi Baptispu Johon athi ngai bil ata anthuia hasik han sinthotheina ngai le sin ei tho.”
3Asik chu Herod a parual Philip a nungak Herodi ranga Johon asura akhita lungina ei khum. #Lk 3.19-20 4Asik chu Johonin, “Ama nei lak hi dik mak!” ei ti pe. #Lev 18.16; 20.21 5Hatuka aman athat rang azotam mi ngai ei achi, asik chu min deari ati na ei pom u.
6Tenchu Herod anzirni panta asuak le Herodi nainupang a lama, Herod a rai ei san. 7Hasik han khomak ansam chunga, “Nei zong tak pei na pe ka ti” ei ti. 8Hanke a nu chonga, “Baptispu Johona lu khenga hivan ka kom na pe ro,” ei ti.
9Hiva hin rengpa a malung ana tenchu a khomak ansam sika, hatuka a bila ansut ngai sika hava apek ranga chong apek. 10Aman mi a mansena lungina Johona lu ava man tan. 11Hatuka a lu ha kheng khat le a hong choia ha nungak te ha apeka hatuka aman a nu kom achoi. 12Hava suale a zolai ngai a honga a ruak ha a choia ava phum u hatuka Isua kom ahong u na a manthei u.
Isuan Asang Ranga Sak Apek
(Mk 6.30-44; Lk 9.10-17; Jn 6.1-14)
13Isuan hava ha ariata havan ata rakuang le maruka mi buina khata ase hatuka mi ngaiin ariata muntin ata a honga tang tiang a nuk azi u. 14Hanke aman mi tampa a muna amani ha lungkham amuna ana ngai ha a mandam. 15Hava suale ani buia a zolai ngai a kom ahong u na, “Hiva hin mim abui anim om lai mak mi ngai mathan ta ro khuana se na arang u sak va en u rase,”
16Isuan hangai ha ati pe, “Ei se nang u mak nangnin hava ngai ha sak rua pe u ro,” ati. 17Amanin ei ti pe, “Koinin hivan vaipol ranga le nga anni baka chu a om atei ite ommak.” 18Aman ei ti, “Hava ngai hivan ka kom hong ko u ro.” 19Hanke mi ngai ha sul chunga mansut u ro ati na hatuka ha vaipol ranga le nga anni alaka vanram tiang chung atanga bor apek hatuka vaipol itukmo chu akhiaka a zolai ngai apek, zolai ngaiin mi ngai apek. 20Hava han alom u na akhop u. Hatuka amanin anniang akiak akui kok somleianni arut u. 21Asak ngai dora hi nupang le naipang tel luia pasal asang ranga ni inti.
Isua Tina kal Achoi
(Mk 6.45-52; Jn 6.15-21)
22Hatuka Isuan havan len a zolai ngai ha anthiang vanga ei ril, “Rakuanga chuang u tan mana son tiang rala van kan u tan se u ro,” Hava han mi ngai ei mathan. 23Hatuka mi dora a mathan suale maruka bor azong ranga muala a kal zan azing le hava muna atheia a om. 24Tenchu rakuang ha tang ata alapana a oma tin soka thinthi ei hong sem sika anvok.
25Zanchima ti chunga kal achoia amani kom ei hong. 26Hava ha zolai ngaiin ama ha ti chunga kal ei choi amu u na phukpui alaka ei ti u, “Raluai ke,” ati na achina ankhek u.
27Tenchu hava han len ei chong ei ti, “Ngam u ro koi ke ka ni achi u no ro!” 28Hava han Pitorin a masanga, “O Puma, nang na ni ten ti chunga kal choia na kom ase na chong na pe ro.”
29Aman ei ti, “Hong ro!” Hanke, Pitor rakuang ata a chuma ti chunga kal choia Isua kom ase. 30Tenchu thinthi a muna achina ei anning tir sika ankheka ei pai, “O Puma, na san ta ro!” ati.
31Havan len han Isuan a kut asona asura, “O iam atom ichangmo nei iam nok?” ati pe. 32Hava suale rakuanga akal ule thinthi among. 33Hatuka rakuanga om ngai han ahong u na ama ha amok u na, “Atak taka nang hi Pathian Sapa na ni,” ati u.
Isuan Genesareta Ana Mandam
(Mk 6.53-56)
34Ankan u na tang tiang Genesaret bunga ava suak u. 35Havana mi ngaiin ama ha ariat u na asir apanga hava bunga mi dora koma athang a mathuan u na. Hatuka ana dora aloma a kom ava man lak u. 36Hatuka ama ha ei mathem u a puan duai amer ngal aton thei ranga hatuka aton doran chu ei dam u.
Atualmente Selecionado:
MATHAIIN 14: RANGBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
