Pi zi tiki 5
5
Pinziba na sini Adam par haa sini Nowa
1Hanɗa a maktuɓ na wiini pinzibani Adam.
Mefeŋ n'Alaw a rga ɗif ɗa, a rgaŋ maini Ni nɵa, 2a rgiɗi wus gaiɗi muni, a ɓikiɗi, a siɗi yiki ɓa “ɗai”, war mefeŋ n'a rgiɗi warni ɗa.
3Adam a za buza miya gaini doogo doogo hu, a wa ahi n'a sɗa maini nɵa, a ziŋgaŋ ɵa kal kal, a sini yiki ɓa: Set. 4Asakal wiini Set par, Adam a za buza miya mitwis, a wa ali na maɵagai gaiɗi na falakai. 5Buzani Adam a diŋga paŋ ɗa, miya ɵeeŋe gaini doogo doogo hu, asakal par a mra.
6Set a za buza miya gaini ɵim, a wa Enos. 7Asakal wiini Enos par, a za buza miya mitwis gaini muguzak, a wa ali na maɵagai gaiɗi na falakai. 8Buzani Set a diŋga paŋ miya ɵeeŋe gaini doogo pi sulu, asakal par a mra.
9Enos a za buza doogo doogo ɵeeŋe a wa Kenan. 10Asakal wiini Kenan par, a za buza miya mitwis gaini doogo pi ɵim. A wa ali na maɵagai gaiɗi na falakai. 11Buzani Enos a diŋga paŋ miya ɵeeŋe gaini ɵim, asakal par a mra.
12Kenan a za buza doogo muguzak a wa Mahalalel. 13Asakalni wiini Mahalalel par, Kenan a za buza miya mitwis gaini doogo doogo puɗu, a wa ali na maɵagai gaiɗi na falakai. 14Buzani Kenan a diŋga paŋ miya ɵeeŋe gaini doogo, asakal par a mra. 15Mahalalel a za buza doogo doogo ɵaara pi ɵim, a wa Yered. 16Asakal wiini Yered par, Mahalalel a za buza miya mitwis gaini doogo doogo hu, a wa ali na maɵagai gaiɗi na falakai lai. 17Buzani Mahalalel a diŋga paŋ miya mitwis gaini doogo doogo ɵeeŋe pi ɵim, asakal par a mra. 18Yered a za buza miya gaini doogo doogo ɵaara pi sulu, a wa Henok. 19Asakal wiini Henok par, Yered a za buza miya mitwis, a wa ali na maɵagai gaiɗi na falakai. 20Buzani Yered a diŋga paŋ miya ɵeeŋe gaini doogo doogo ɵaara pi sulu, asakal par a mra. 21Henok a za buza doogo doogo ɵaara pi ɵim, a wa Metusela. 22Asakalni wiini Metusela par Henok a tika futi na wiini Alaw haa buza miya hu, a wa ali na maɵagai gaiɗi na falakai lai. 23Buza ni Henok a diŋga paŋ miya hu gaini doogo doogo ɵaara pi ɵim. 24Pini bonu n'arbani gaini Alaw ɗa, Enok a yima edi wuzaɗi arɗi ɗai par, buri Alaw a yimaŋ amai karni.
25Metusela a za buza miya gaini doogo doogo mitwis pi muguzak, a wa Lamek. 26Asakal wiini Lamek par, Metusela a za buza miya muguzak gaini doogo doogo mitwis pi sulu. 27Buzani Metusela a diŋga paŋ, miya ɵeeŋe gaini doogo doogo ɵaara pi ɵeeŋe, asakal par a mra.
28Lamek a za buza miya gaini doogo doogo mitwis pi sulu, a wa ahi ktai. 29A sini yiki ɓa: Nowa, war hiini na ɓa, a ni n'aga a sa arai zi pi war sda gaini kayai n'e ɗa niviŋ pini afti n'EPIƊ-ƊAI a tusaŋ ɗa. 30Asakal wiini Nowa par, Lamek a za buza miya ɵim gaini doogo doogo ɵeeŋe pi ɵim, a wa ali na maɵagai gaiɗi na falakai. 31Buzani Lamek a diŋga paŋ miya muguzak gaini doogo doogo muguzak pi muguzak. Asakal par a mra.
32Nowa, won hlai n'a wa Sem, Kam gaini Yafet sek ɗa buzani miya ɵim.
Atualmente Selecionado:
Pi zi tiki 5: MUSGUM
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964