Maseli 4
4
PENE IV - 4
Te ako nei a Solomona i te au tuatua tana i kite ki tona ra metua.
1E AKARONGO #Sala 34:11; Mase 1:8mai, e te au tamariki ra, i te ako a te metua tane; e akono marie mai kia rauka ia kotou te kite. 2Ko te tuatua meitaki oki taku e akakite atu kia kotou; auraka kotou e akaruke i taku nei ture. 3E tamaiti moekau oki au na toku ra metua tane; #1 Para 29:1te akaperepere e te anau tai, i mua i te aroaro o toku ra metua vaine. 4#1 Para 28:9; Ephe 6:4E kua apii mai aia iaku, e kua na ko maira, E tāpu marie to ngakau i taku nei tuatua; #Mase 7:2e akono i taku au akauenga, e ora oki koe i reira. 5#Mase 2:2,3E aruaru i te pakari, e aruaru i te kite: auraka e ngaropoina; auraka e ariu ke i te tuatua a toku vaa nei. 6Auraka e akaruke iaia, e nana e tapapa ia koe: #2 Tesa 2:10kia inangaro marie koe iaia, e nana koe e tiaki. 7#Mata 13:41; Luka 10:42Ko te pakari rai te mea meitaki; e aruaru i te pakari: e te au mea katoa e rauka ia koe ra, e aruaru rai i te kite. 8#1 Samu 2:30E akateitei koe iaia, e nana e akateitei ia koe; e takave koe iaia, e nana e akangateitei atu ia koe. 9Nana e oronga mai i te pare manea #Mase 1:9; 3:22no to upoko na: e korona kakā tana e tuku mai ki runga ia koe ra.
10E akarongo mai, e taku tamaiti e āriki mai i taku nei tuatua #Mase 3:2e e riro toou ra au mataiti i te maata i te ora anga nei. 11Ko te mataara o te pakari taku e apii atu ia koe nei; te arataki nei au ia koe na te au ara tika ra. 12Kare #Sala 18:36e kopiri toou vaevae me aere; e #Sala 91:11,12kia oro ua koe, kare koe e turori. 13E mou piri tikai i te ako; auraka roa e tukua: e tāpu marie i te reira; ko toou ïa ora. 14#Sala 1:1; Mase 1:10,15Auraka e ē ua atu i te arataa o te aronga kino ra, auraka oki e aere na te arataa o te au tangata kino ra. 15Kia ataata i te reira; eiaa e tikoti ua atu na rungao; e ariu ke atu; e aere ke. 16#Sala 36:4; Isa 57:20Kia kore oki ratou e rave i te mea kino ra, kare ratou e varea e te moe; kua ngere ïa ratou i te moe, kia kore e inga tetai tangata ia ratou ra. 17Ko te kai a te tangata kino ra ta ratou e kai, e te wina a te takinga-kino ra ta ratou e inu. 18#Mata 5:14,45; Phili 2:15Ko te arataa oki o te aronga tuatua-tika ra, e #2 Samu 23:4tau ïa ki te mārama kakā ra, ko tei tupu ua kakā anga e tae ua atu ki te avatea tikai ra. 19#1 Samu 2:9; Iobu 18:5,6; Isa 59:9,10; Iere 23:12; Ioa 12:35Ko te arataa ra o te aronga kino ra, e tau ïa ki te poiri; kare ratou i kite i ta ratou e turori ra.
20E taku tamaiti, e akono meitaki mai i taku nei au tuatua; e ariu mai i to taringa ki taku e tuatua nei. 21#Mase 3:3,21Auraka te reira e ngaro ke i to mata na: #Mase 2:1e tāpu marie ra i te reira ki roto rava i to ngakau na. 22Ko te ora oki te reira ki te aronga i kite atu ia ratou ra, #Mase 3:8; 12:18e ora oki to ratou au kopapa katoa i te reira. 23I te au mea katoa taau ka tapapa ra, kia maata taau tapapa anga i to ngakau; ko te tumu oki te reira o te ora. 24Te māro o te vaa ra, e tuku ke atu ïa ia koe ra; e te vaa ketaketa, e akaatea ke atu ïa ia koe ra. 25E akara tika atu to mata ki mua ia koe, e anga i to topiri-mata ki mua atu ia koe. 26E akamaara meitaki i te arataa o to vaevae, e e akatinamouia toou katoa ra au aerenga. 27#Deu 5:32; 28:14; Iosu 1:7Auraka e tapaepae ki te pae katau e te pae kaui: #Isa 1:16; Roma 12:9e tāpu ra i to vaevae, auraka ei kino.
Atualmente Selecionado:
Maseli 4: CIMB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Holy Bible in Cook Islands Maori, Reprinted from the edition of 1888 © United Bible Societies, 1972.