Zakaria 9
9
Wasaibange ki pasiagiagisi ka lakuni
1Kikai pelaela ki Tamatama ka vaga: Peaelaelanga kalri pathavungu ki swa Haderake si swa Damasekuse ka cekele. Kaika kathane kai lazuku ki swa Iseraylri ka Tamatamane, kai swa Siria ka cekele mialri ka Tamatamane. 2Ki lapagiagisane ki swa Haderaki ka Hamathe mialri ka iniane, ku umawmase ki Tayre si Sidune ka drusa ka cekele si puku ki lrigilane lini mialri ka Tamatamane. 3Kai swa Tayre ngiapapasikai tukepale, si sarubu ku kingi si gingi, ku kalrane mia ki thuvugu ki kadalranane ki cekele. 4Ai ku Tamatama lri tara malra iluku patuelre ku lamanemaneini ki swa Tayre, ku tacekecekelaneini lai lri cilri pwadringi ki laveke, kikai cekele la lri kilama.
5Ku cekele Asekelungu lri drele kikai tangimiane si mukuludru; ku cekele Gaza lu drelenga lai lri kipakwalri turamuru; ku swa Ikerungu lai lri ka thadaalrane, ku sidramadramaini lri kawlrau. Ku swa Gaza lrika kadrwanga ku talialalai; ku swa Asekelungu lai kawlrau ku laumawmase. 6Ku ainuku ka laumawmase lri ikai suete Asedude. Ku Tamatama amia kai, “Lri pangikurwanaku ki ngiakalrilrigu ka swa Pelisitine. 7Kwi lalasu lri kai kanenga ku masasiaerai ku beate, si drumane ka nikalrasane ka akaneane. Sanaka waudripiana ka laumawmase lri kamaninga ku kawkawluli makanaelre, lri mia ki taingeane ka zuku ikai ki swa Yuda. Kai umawmase ki swa Ikerungu lri kamaninga ku kawkawluli, mia ki swa Yebuse#9.7 “swa Yebuse” sakwa ikaai ka laumawmase Yerusalrime, ku Davidi sa pamakinga kai ki cekele amaningaini ka warathudu kai ki laumawmase, drela ki Samuile 5.6-9.. 8Lri drangalrwaku ki kadaenganeli, si kai pangukakai ki lakwapingi dredre. Lai kainaku palraingi ki la ngiakararakacane ka talialalai lu dredrepeteana ki kawkawluli. Wadrelenga naku ku takwalriane ki kawkawluli.”
Ku lrika talialalai lukabibilrili
9Kunumi ka umawmase ka swa Ziyungu, kiraragadha!
Laumawmase ka swa Yerusalrime, putariria!
Drela! Wakelakelanga ka talialalai numi!
Kwi lasu pamalebenga, si takuputaritariri kainganai,
ai ngiatatualebe si ngukai ki ruba,
ka vaeva ka tikiane ka ruba.
10Ku Tamatama amia kai:
Lri malraku iluku ku sakikaruburuburane ka lapalridingi ki swa Iseraylri,
si amudu ku sakikaruburuburane ka larigi ki swa Yerusalrime;
ku sarakaikaiyane ikai ki takikaruburuburane ka bu lai lri kicacelra.
Ku talialalai numi lri ikai ki lakuni padrumulru ku akarathudane;
kwi lasu lri kamani ku warathudu sanaka ngiathalringulu,
twalai ka Yuparati kadravane pakeela ki takamudane.
Tangiradhekanane ki kawkawlu ki Twaumase
11Ku Tamatama amia kai:
Ngwalai ku takiketeketaneli numiane,
ka amani kudra niarakaiyane ku erai ki nipatarumarane tusapelaelane ka sakiketeketane,
lri tara pulatadraku numiane ka acaicaicali ka umawmase,
patwalai ki maru meamealenga ka valrulrange ka takiravasane numi pulatadre.
12Ku yakai ku sasiadradrama ka laacaicaicali, bwala siwlria!
Mwa kai ki asutelraadhane numi.
Nau pelaela numiane kaiasasane,
lri padrimaku pangicugu numiane.
13Lri arakaiyaku ki swa Yuda, mia ki arakaai ku bu;
lri arakaiyaku ki swa Iseraylri, mia ki arakaai ku lraili;
lri arakaiyaku ki umawmase ki swa Ziyungu mia ki arakaai ku lrabu,
si katwase kikaruburu ki swa Gurike.
14Ku Tamatama lri ikai ki awlru ki kawkawluini utaluvaivai;
lu lraili mia ki lrikace.
Ku abebeelengenga ka Tamatama lri ngirapa;
lri ikai ki umuku si twalai tali lrawdru kainganai.
15Ku Tamatama ka abebeelengenga ki sanaka kwapingi lri palribulu ki kawkawluini;
kwi lalasu lri pakamudu ki badha.
Kwi lalasu lri ikai ki tamakarururuburane karaleale, mia ki mabusuku ka umawmase;
kwi lalasu lri patueraerai palriau ki badha,
mia ki twaeraerai ka sapatarumarane, si lriau salraelre ki tapatarumaramarane.
16Ikai kwini ki vai, ku Tamatama ka Twaumase lini lri palribulu liniane,
mia ki taraagu lu palribulu ki lakiu patwalai ki sapapacai.
Kwi lalasu lri ikai ki kadaenganeini ledra,
mia ki tinukucingalrane ka lrenege ikai ki pagamucu ki talialalai,
17kikai kadaengane lri kathariri turamuru, lri ngiradhekanenga turamuru ka kadaengane!
Yakai ku lataleke lai pangicaeme ku tacebeane ki langukathathabarane;
la ikai ku bavane ku bava si pakatathaithariri ki latawvailekelekete.
Atualmente Selecionado:
Zakaria 9: NDV
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2017
All rights reserved
© 臺灣聖經公會版權所有，2017