Lin 5
5
Tatili-iy Tan Adam Isto ndre Noah
1Iy kuti su yayan Adam. Kalmene-en Petngendrei ihnan ndramat, eri ihnan su ihpa ke ndre Iy. 2Iy ihtungon su kamal pe pedih, ipatihi su pe iyuwen su ‘ndramat.’
3Kalmene-en Adam krismas tadan ile sangat-pe-tulngeh (130), eri nedun homou kamal ihpa ke ndre iy. Pe iy iyuwen rangan Set. 4Ndruwen nedun erti, pe Adam imin krismas puken ndrorunget (800), pe iy nedun kamal pe pedih se yi. 5Krismas tadan ile ndre puken ansangat-pe-tulngeh (930), pe iy imet.
6Set eri krismas tadan ile ndre puken sangat-pe-limweh (105), pe nedun homou kamal rangan Enos. 7Set imin yi, iyenon ndre krismas puken ndrorunget-pe-ondrotoloh (807). Iy nedun kamal pe pedih se yi. 8Krismas tadan ile ndre puken ansangat-sungoh-pe-ruweh (912), pe iy imet.
9Enos eri krismas tadan ile ke onsungoh ti pe nedun homou kamal rangan Kenan. 10Enos imin yi, iyenon ndre krismas puken ndrorunget-sungoh-pe-limweh (815). Iy nedun kamal pe pedih se yi. 11Krismas tadan ile ndre puken ansangat-pe-limweh (905), pe iy imet.
12Kenan eri krismas tadan ile ndrotulngeh ti pe nedun homou kamal rangan Mahalalel. 13Kenan imin yi, iyenon ndre krismas puken ndrorunget-pe-hangoh (840). Iy nedun kamal pe pedih se yi. 14Krismas tadan ile ndre puken ansangat-pe-sungoh (910), pe iy imet.
15Mahalalel eri krismas tadan onngoh-pe-limweh (65) pe nedun homou kamal rangan Jaret. 16Mahalalel imin yi, iyenon ndre krismas puken ndrorunget-pe-tulngeh (830). Iy nedun kamal pe pedih se yi. 17Krismas tadan ile ndre puken ndrorunget-onsungoh-pe-limweh (895), pe iy imet.
18Jaret eri krismas tadan sangat-onngoh-pe-ruweh (162), pe nedun homou kamal rangan Enok. 19Jaret imin yi, iyenon ndre krismas puken ndrorunget (800). Iy nedun kamal pe pedih se yi. 20Krismas tadan ile ndre puken ansangat-onngoh-pe-ruweh (962), pe iy imet.
21Enok eri krismas tadan onngoh-pe-limweh (65), pe nedun homou kamal rangan Metuselah. 22Enok ti kowson Lapan. Pe imin krismas puken tulnget (300) yi, pe nedun kamal pe pedih se yi. 23Iy imin krismas ihndre puken tulnget-onngoh-pe-limweh (365). 24Enok ti indrimat pwi, odosa iy ti kowson Petngendrei. Petngendrei ikuni iy, pe sa ndramat hendrendre-et ye iy pwi.
25Metuselah eri krismas tadan sangat-ndrorungeh-pe-ondrotoloh (187), pe nedun homou kamal rangan Lamek. 26Metuselah imin yi, iyenon ndre krismas puken ndrotulnget-ndrorungeh-pe-ruweh (782). Iy nedun kamal pe pedih se yi. 27Krismas tadan ile ndre puken ansangat-onngoh-pe-ndrosih (969), pe iy imet.
28Lamek krismas tadan sangat-ndrorungeh-pe-ruweh (182), pe nedun homou kamal. 29Pe iy ipe ihpah, “Tidu tidempo marai puko-on odo maryan song, odosa Lapan indrahyan poi ndre pihe tih. Odoke nedu kuti we kihnan pe maryan song we kile hukulon pe tidu we titmiyau hepe.” Ile pe Lamek iyuwen rangan nedun ile Noah.#5.29 Noah: Ile nolou Hibru eri Noah ti kuruwen ihpa ndre nolou mayau. 30Lamek imin krismas ndre limnget-onsungoh-pe-limweh (595), pe nedun kamal pe pedih se yi. 31Krismas tadan ile ndre puken ndrotulnget-ndrotulngeh-pe-ondrotoloh (777), pe iy imet.
32Noah krismas tadan ile limnget (500), eri iy nedun ndre tulmuu kamal, Siem, Jafet pe Ham.
Atualmente Selecionado:
Lin 5: KTM
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2011, Wycliffe Bible Translators, Inc. All rights reserved.
