RIPHUTNA 5
5
Adama richihei
(1 Rich.1:1-4)
1Amahih Adama richihei suina thurchi chu a nit. Pathianin manmasi a siam lâiah khan, ama ang zekkan ai siam a nit.#Riph.1:27-28. 2Ipa neh nupang a siam a, anni khah ṭhat a vur a, an riming kha, “Miriam” a sak a.#Mat.19:4; Mk.10:6. 3Adama khah kum rizalei sômithumkah a nitin ama ri-angpui naiipa a nei a, arming Setha a sak a. 4Setha a nei zoi nungah khan Adama khah kum rizariatkah a la ring a, nainu neh naipa khom a la nei a. 5Adama khah kum rizakuakka sômithumkah a nit tenan chu a thi tâk a.
6Setha khan kum rizalei ringakah a nitin naiipa Enosa a nei a; 7Enosa a nei zoi nungah khan Setha khah kum rizariatka sarikah a la ring a, nainu neh naipa dang khom a la nei a. 8Setha khah kum rizakuakka sômleiinikah a nit tenan chu a thi tâk a.
9Enosa khan kum sômikuakkah a nitin naiipa Kenana a nei a; 10Kenana a nei zoi nungah khan Enosa khah kum rizariatka sômleiringakah a la ring a, nainu neh naipa dang khom a la nei a. 11Enosa kha kum rizakuakka ringakah a nit tenan chu a thi tâk a.
12Kenana khan kum sômsarikah a nitin naiipa Mahalalela a nei a; 13Mahalalela a nei zoi nungah khan Kenana kha kum rizariatka sômilikah a la ring a, nainu neh naipa dang khom a la nei a. 14Kenana khah kum rizakuakka sômkah a nit tenan chu a thi tâk a.
15Mahalalela khan kum sômirukka ringakah a nitin naiipa Jareda a nei a; 16Jareda a nei zoi nungah khan Mahalalela khah kum rizariatka sômithumkah a la ring a, nainu neh naipa dang khom a la nei a. 17Mahalalela khah kum rizariatka sômikuakka ringakah a nit tenan chu a thi tâk a.
18Jareda khan kum rizalei sômirukka inikah a nitin naiipa Enoka a nei a; 19Enoka a nei zoi nungah khan Jareda khah kum rizariatkah a la ring a, nainu neh naipa dang khom a la nei a. 20Jareda khah kum rizakuakka sômirukka inikah a nit tenan chu a thi tâk a.
21Enoka khan kum sômirukka ringakah a nitin naiipa Methusela a nei a; 22Methusela a nei zoi nungah khan Enoka khah kum rizathumka sung Pathian neh munkan an lêng ngai a, nainu neh naipa dang khom a la nei a. 23Enoka khah kum rizathumka sômirukka ringakah ai ring a nit. 24Enoka khah a damsung kârkah Pathian neh ripôlin a om a; khanchu, Pathianin a ṭhui tâk sikin ani chu om khâi mak a.#Heb.11:5; Juda.14.
25Methusela khan kum rizalei sômiriatka sarikah a nitin naiipa Lameka a nei a; 26Lameka a nei zoi nungah khan Methusela khah kum rizasarika sômiriatka inikah a la ring a, nainu neh naipa dang khom a la nei a. 27Methusela khah kum rizakuakka sômirukka ikuakkah a nit tenan chu a thi tâk a.
28Lameka khan kum rizalei sômiriatka inikah a nitin naiipa a nei a; 29“Hi nai ngêi hin Pumapa vânisâm ram rinênga ei sin sôlna ata hih sôlchanna nê thlun a ti,” itin a naipa riming khah Nova a sak a. 30Nova a nei zoi nungah khan Lameka khah kum rizarngaka sômikuakka ringakah a la ring a, nainu neh naipa dang khom a la nei a. 31Lameka khah kum rizasarika sômsarika sarikah a nit tenan chu a thi tâk a.
32Nova khah kum rizarngakah a nitin chu naiipa ithumkah Sema, Hama neh Jafeta hei a nei a.
Atualmente Selecionado:
RIPHUTNA 5: BIATBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Bible Society of India
© 2014, Used by permission. All rights reserved. More
