Ageini 5

Ikwae ka Adamu

(1 Iyutun 1.1-4)

1 # Ageini 1.27-28 Man en iwandik kame nyuto nying ikwae ka Adamu. Kakame bin Rubanga ocweo kede jo, en bin ecweo gi i cal mere. 2#Matayo 19.4; Marako 10.6En bin ecweo gi icuo kede dako eko mino gi winyo, di eko lwongo gi be “Jo” i ceng kame en ecweo gi kede. 3Kakame Adamu oromo kede mwakini tol acel kede ot adek (130), en eko nywalo atin awobi kame oudo cal kede en; eko cako nyinge Set. 4Ingei nywalo Set, Adamu oko bobo bedo kuo pi mwakini tol kanyauni (800). En eko bobo nywalo idwe ace awobe kede anyira. 5Pi mano, Adamu bin obedo kuo pi mwakini tol kanyangon kede ot adek (930) di do eko to.

6Kakame Set oromo kede mwakini tol acel kede kany (105), en eko nywalo wode Enosi. 7Ingei nywalo Enosi, Set bobo oko medo bedo kuo pi mwakini tol kanyauni kede kanyaare (807), di eko bobo nywalo idwe ace awobe kede anyira. 8Pi mano, Set obedo kuo pi mwakini tol kanyangon kede tomon kiwie are (912) di do eko to. 9Kakame Enosi oromo kede mwakini ot kanyangon (90), en eko nywalo wode Kenan. 10Ingei nywalo Kenan, Enosi oko bobo bedo kuo pi mwakini tol kanyauni kede tomon kiwie kany (815), di eko bobo nywalo idwe ace awobe kede anyira. 11Pi mano, Enosi obedo kuo pi mwakini tol kanyangon kede kany (905) di eko to.

12Kakame Kenan oromo kede mwakini ot kanyaare (70), en eko nywalo wode Makalalel. 13Ingei nywalo Makalalel, Kenan oko bobo bedo kuo pi mwakini tol kanyauni kede ot ongwon (840), di eko bobo nywalo idwe ace awobe kede anyira. 14Pi mano, Kenan obedo kuo pi mwakini tol kanyangon kede tomon (910) di eko to.

15Kakame Makalalel oromo kede mwakini ot kanyape kiwie kany (65), en eko nywalo wode Yared. 16Ingei nywalo Yared, Makalalel oko bobo bedo kuo pi mwakini tol kanyauni kede ot adek (830), di eko nywalo idwe ace awobe kede anyira. 17Pi mano, Makalalel obedo kuo pi mwakini tol kanyauni kede ot kanyangon kiwie kany (895) di eko to. 18Kakame Yared oromo kede mwakini tol acel kede ot kanyape kiwie are (162) en eko nywalo wode Enoka. 19Ingei nywalo Enoka, Yared oko bobo bedo kuo pi mwakini tol kanyauni (800), di eko nywalo idwe ace awobe kede anyira. 20Pi mano Yared obedo kuo pi mwakini tol kanyangon kede ot kanyape kiwie are (962) di eko to.

21Kakame Enoka oromo kede mwakini ot kanyape kiwie kany (65), en eko nywalo wode Metusela. 22Ingei nywalo Metusela, Enoka oko nywak kede Rubanga pi mwakini tol adek (300), di eko nywalo idwe ace awobe kede anyira. 23Pi mano, Enoka obedo kuo pi mwakini tol adek kede ot kanyape kiwie kany (365). 24#Iburanian 11.5; Yuda 14Enoka oudo obedo nywak kede Rubanga i kare me kuo mere lung, di do eko rwenyo, pien Rubanga oudo otieko tere.

25Kakame Metusela oromo kede mwakini tol acel kede ot kanyauni kiwie kanyaare (187), en eko nywalo wode Lamek. 26Ingei nywalo Lamek, Metusela oko bobo bedo kuo pi mwakini tol kanyaare kede ot kanyauni kiwie are (782), di eko nywalo idwe ace awobe kede anyira. 27Pi mano, Metusela obedo kuo pi mwakini tol kanyangon kede ot kanyape kiwie kanyangon (969) di eko to.

28Kakame Lamek oromo kede mwakini tol acel kede ot kanyauni kiwie are (182), en eko nywalo wode; 29eko cako nyinge Nua, di ewaco be, “Ki lobo kame Rubanga olamo, atin noni bino kelo ne wa wei i tice wa atek dedede.” 30Ingei nywalo Nua, Lamek oko bobo bedo kuo pi mwakini tol kany kede ot kanyangon kiwie kany (595), di eko nywalo idwe ace awobe kede anyira. 31Pi mano, Lamek obedo kuo pi mwakini tol kanyaare kede ot kanyaare kiwie kanyaare (777) di eko to.

32I kare kame Nua oromo kede mwakini tol kany (500), en oudo enywalo awobe adek, Sem, Kam kede Yapesi.

Atualmente Selecionado:

Ageini 5: BILK13

Destaque

Copiar