Genesis 10
10
Kiŋuvaaŋich Noah-m Iġñiŋisa
(1 Chronicles 1.5-23)
1Uvva ukua kiŋuvaaŋich Noah-m iġñiŋisa: Shem-gum, Ham-gum, Japheth-guvlu. Taapkua piŋasuuruat iġñiqallaaŋarut uliqpaaniŋman.
2Japheth-gum kiŋuvaaŋich ukua: Gomer, Magog, Madai, Javan, Tubal, Meshech, Tiras-lu. 3Kiŋuvaaŋich Gomer-m ukua: Ashkenaz, Riphath, Togarmah-lu. 4Kiŋuvaaŋich Javan-gum ukua: Elishah, Tarshish, Kittim, Rodanim-lu. 5Taapkua maŋŋuuŋarut iñuŋnun iñuuniaqtuanun nunam siñaani qikiqtanilu. Kiŋuvaaŋich Japheth-gum taapkua, ilimikkullaa iñuuniaġusiqaqłutiŋ iḷagiiḷḷaat, nunallaamigni, ilimikkullaasuli uqausiqaqłutiŋ.
6Kiŋuvaaŋich Ham-gum ukua: Cush, Egypt, Libya,#10.6 Hebrew-t uqaluŋanni Libya taggisiqaqtuq Put-mik. Canaan-lu. 7Kiŋuvaaŋich Cush-gum ukua: Seba, Havilah, Sabtah, Raamah, Sabteca-lu. Kiŋuvaaŋich Raamah-m ukuak: Sheba-lu Dedan-lu. 8Cush iġñiqaŋaruq atiqaqtuamik Nimrod-mik, sivulliuvluni nunami aŋuyaktiqpaguqtuamik. 9Atanġum ikayuutaagun aŋuniaqtiqpauŋaruq, tainnamik iñuich uqallagaġniqsut, “Atanġumtuq aŋuniaqtiqpaguġlisin Nimrod-tun!” 10Atanniqsuiŋaruq Babylon-mik, Erech-mik, Accad-miglu, iluqaġmiŋ Babylonia-miittut. 11Tamaaŋŋa nunamiñ aullaŋaruq Assyria-mun aasii nappaivḷuni nunaaqqiñik Nineveh-mik, Rehoboth Ir-mik, Calah-miglu, 12aasiisuli Resen-mik, akunġagniittuaq Nineveh-vlu iniqpaŋatalu Calah-m.
13Kiŋuvaaŋich Egpyt-gum ukua: Lydia-miut, Anam-miut, Lehab-miut, Naphtuh-miut, 14Pathrus-miut, Casluh-miut (Philistia-ġmiut maŋŋuŋich), Crete-miullu.
15Canaan-gum iġñiŋik ukuak: Sidon aŋayukłiuvluni, Heth-lu. 16Canaan kiŋunġuŋammiuq Jebus-miunun, Amor-miunun, Girgash-miunun, 17Hiv-miunun, Ark-miunun, Sin-miunun, 18Arvad-miunun, Zemar-miunun, Hamath-miunullu. Ilimikkullaa kiŋuvaaguruat Canaan-mun siaminŋarut. 19Canaan-miut nunaŋich killiqaŋarut tikiḷġataqługich Sidon-miñ Gerar-mun qaniŋanun Gaza-m, Sodom-mun, Gomorrah-mun, Admah-mun, Zeboiim-mun qaniŋaniittuamun Lasha-m. 20Taapkua kiŋuvaaŋich Ham-gum, maŋŋuġiiḷḷaat iñuuniaqłutiŋ, nunallaamigni, ilimikullaa uqausiqallaavlutiŋ.
21Shem, aŋayua Japheth-gum, maŋŋuġiŋagaat iluqaġmiŋ kiŋuvaaŋisa Eber-m. 22Shem-gum kiŋuvaaŋich ukua: Elam, Asshur, Arpachshad, Lud, Aram-lu. 23Aram-gum kiŋuvaaŋich ukua: Uz, Hul, Gether, Meshek-lu. 24Arpachshad aapaŋa Shelah-m, Shelah aapaŋa Eber-m. 25Eber iġñiqaqtuaq malġugnik: igḷuata atiŋa Peleg, qanukkii taimani Peleg iñuumman iñuŋich nunam ilimikkullaa avguŋavlutiŋ;#10.25 Hebrew-t uqaluŋanni Peleg sivuniqaqtuq “avguġniq.” igḷuata aasii atiŋa Joktan. 26Joktan-gum kiŋuvaaŋich ukua: Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ophir, Havilah, Jobab-lu. Iluqaisa taapkua kiŋuvaaŋich Joktan-gum. 30Nuna iñuuvigiraŋat inŋaruq Mesha-miñ Sephar-muaglaan tatqavani qimiġaukkaqtuami nunami. 31Taapkua kiŋuvaaŋich Shem-gum, maŋŋuġiiḷḷaat iñuuniaqłutiŋ, nunallaamigni, ilimikullaa uqausiqallaavlutiŋ.
32Iluqaisa taapkua iñuich kiŋuvaaġigaich Noah-m, aglaŋaruat nunaqpallaaŋisigun, maŋŋullaamisigullu. Taapkua nunaqpaguŋarut aasii siamiłłutiŋ nunamun uliqpaaniŋman.
Atualmente Selecionado:
Genesis 10: INUPIAQ
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
