Tongo nda ti aye 5

Ahale ti Adam ngbii asi na Noe

1So ayeke mbeti so a su tënë ti sewa ti Adam daa.

Na lango so Nzapa asara zo, lo sara zo ni gi tongana lo Nzapa; 2 lo sara ala koli na wali. Lo sara tufa na ndö ti ala si lo di iri ti ala azo, na lango so lo sara ala.

3Adam ayeke na ngu ngbangbo oko na baleota si lo du mbeni molenge-koli; lo di iri ti molenge ni Set. Molenge ni ayeke gi tongana lo si lo kpa taa gi lo. 4Na peko ti dungo Set, Adam aduti na gigi ngu ngbangbo miombe. Lo du amolenge-koli na amolenge-wali. 5Ngu ti Adam kue ayeke ngu ngbangbo gumbaya na baleota si lo kui.

6Set ayeke na ngu ngbangbo oko na oku si lo du Enos. 7Na peko ti dungo Enos, Set aduti na gigi ngu ngbangbo miombe na mbarambara. Lo du amolenge-koli na amolenge-wali. 8Ngu ti Set kue ayeke ngu ngbangbo gumbaya na baleoko na use si lo kui.

9Enos ayeke na ngu balegumbaya si lo du Kenan. 10Na peko ti dungo Kenan, Enos aduti na gigi ngu ngbangbo miombe na baleoko na oku. Lo du amolenge-koli na amolenge-wali. 11Ngu ti Enos kue ayeke ngu ngbangbo gumbaya na oku si lo kui.

12Kenan ayeke na ngu balembarambara si lo du Malaleel. 13Na peko ti dungo Malaleel, Kenan aduti na gigi ngu ngbangbo miombe na baleosio. Lo du amolenge-koli na amolenge-wali. 14Ngu ti Kenan kue ayeke ngu ngbangbo gumbaya na baleoko si lo kui.

15Malaleel ayeke na ngu baleomene na oku si lo du Yered. 16Na peko ti dungo Yered, Malaleel aduti na gigi ngu ngbangbo miombe na baleota. Lo du amolenge-koli na amolenge-wali. 17Ngu ti Malaleel kue ayeke ngu ngbangbo miombe na balegumbaya na oku si lo kui.

18Yered ayeke na ngu ngbangbo oko na baleomene na use si lo du Henok. 19Na peko ti dungo Henok, Yered aduti na gigi ngu ngbangbo miombe. Lo du amolenge-koli na amolenge-wali. 20Ngu ti Yered kue ayeke ngu ngbangbo gumbaya na baleomene na use si lo kui.

21Henok ayeke na ngu baleomene na oku si lo du Matusalem. 22Na peko ti dungo Matusalem, Henok atambula na Nzapa na ya ti ngu ngbangbo ota. Lo du amolenge-koli na amolenge-wali. 23Ngu ti Henok kue ayeke ngu ngbangbo ota na baleomene na oku. 24 Lo tambula na Nzapa; na pekoni lo yeke daa mbeni pepe, ngbanga ti so Nzapa amu lo ahon na lo.

25Matusalem ayeke na ngu ngbangbo oko na balemiombe na mbarambara si lo du Lemek. 26Na peko ti dungo Lemek, Matusalem aduti na gigi ngu ngbangbo mbarambara na balemiombe na use. Lo du amolenge-koli na amolenge-wali. 27Ngu ti Metushela kue ayeke ngu ngbangbo gumbaya na baleomene na gumbaya si lo kui.

28Lemek ayeke na ngu ngbangbo oko na balemiombe na use si lo du molenge-koli. 29Lo di iri ti molenge ni Noe; lo tene: “Fade lo laa lo yeke sara titene be ti e ade na peko ti akua na apasi so e yeke baa ndali ti sese so KOTA GBIA adeba ni so.” 30Na peko ti dungo Noe, Lemek aduti na gigi ngu ngbangbo oku na balegumbaya na oku. Lo du amolenge-koli na amolenge-wali. 31Ngu ti Lemek kue ayeke ngu ngbangbo mbarambara na balembarambara na mbarambara si lo kui.

32Noe ayeke na ngu ngbangbo oku si lo du Sem, Kam na Yafet.

Atualmente Selecionado:

Tongo nda ti aye 5: MNF2010

Destaque

Copiar