KAHBHAO 9
9
Kahvangi Noah mü Vangteishuwteipü
1Kahvangi Noah hi chehathü kü moihimanei e, “Hahimoi büh-ei daeisheyei kahdoknyü mahütuh. 2Kahdok shak kübü yemhimak, ouhiyüh hatü yungching kübü nyahthü peü am kü nyemei nyuhen. Hathü kemei ammei lak kü shuohnyeih. 3Ngei am kü phenhavunglak shuohpükei yemmü kamteipü yem peü ammi hahhen shuohnyeih. Ngei am kü lemphü shuohnyeih. 4Ammi nehahhen hükü iy kohshi phai tehah. 5Shennyak hanei-i hangku yangnyu hanei jütükjema, ngei hapa iy yühen. Yemhimak hanei-i hangku jütükjema ngei hapa leipao iy yühen.”
6Üpai hangkulei iy yenhühen, büpalei iy-ao yenhühen;
Mehenangkü Kahvangi shennyakü Kahvang lepü kü lingpeih.
7Nüngi hahimoi longi bühtuh, hatü daeisheyei kahdoknyü kü nyutuh.
8Kahvangi Noah hatü büpa mü nyupü chehathü kü e, 9“Shaang ngei nüng hatü nüng phei kübü hühihathü mü, 10hatü nüng mü jahas leipü vamei daipü yemhimak, ouhiyüh hatü yemhamakha mü vangpüshuwpü hük lingnyüpeih. 11Sheyü hajük kü bünghiyangi shei yem nyupü lemphü nemahtükpih, hatü bünghiyangi shei kahdoknyü nemangpih shei ngei vangnyüpeih.” 12Kahvangi, “Hapayü ngei hatü nüng, nüng mü nyupü yem nyupü peü aa kü ngoikahen den kemei shingvaishi vangteishuwteipü nyangeihepü nyuhen. 13Ngei phumshangei nyiamnyünyiamkang hük tuhnyüpeih; hayü ngei hatü kahdoknyü aa kü vangpüshuwpü nyangeihepü hük nyuhen. 14Mechem ngei kahdoknyü kü phum vamhühen hatü phumei nyiamnyünyiamkang eehenshang, 15ngei hatü nüng hatü nüng mü nyupü yem nyupü peü mü ngelei vangpüshuwpü ngei deih-ei danghen. Hajük kü bünghiyangi yem nyupü nemahhühen. 16Mechem phumshangei nyiamnyünyiamkang vamhen, ngei ha kü veitü Kahvang hatü kahdoknyü leipü yem nyupü lemphü mü nedohnetenpü vangpüshuwpü deih-ei danghen.” shei e. 17“Hapayü ngei hatü kahdoknyülei yangnyu nyupüthü aa kü vangteipü nyangeihepü hih” shei Kahvangi Noah kü e.
Noah hatü Chehathü
18Jahas mongeipü vampü Noahlei chehathüyü Shem, Ham, Japheth nyu. (Ham-ü Kananei chepa nyu.) 19Hathü Noahlei hapeüthü jom jem leipü li kahdoknyü peülei daei daipeih.
20Kahling am Noah-i shongpüba kü nyalingngupai sheiteke. 21Mechem büpa haleipü yiü yingpa, büpai ha chokei shemei bümkong shükshi nyu. 22Kananei chepa Ham-i chepa bümkong nyupü eeyei chingshelei nyupü chenaü nyi kao ejateke. 23Shejao Shem hi Japheth nyi-i ashak yahei bhagchongei beitü shinshongi shüei chepa bümkong nyupü kü jümteke. Chepa bümkong nyupü kü neveihen shingvaishi dhe lebü lemei lepdai. 24Mechem Noah-i yiü-i chokpü meiyei paopa, naüshompai büpa kü mehe dük ha nyingei, 25büpai eteke,
“Kanan am kü thaüvaü hettuh!
büpayü chenaü nyilei peü mü maanpü aa vaihen.
26Büpai shao Shembüpa, Shemei Kahvang moihimantuh!
Kanan amü Shemei aa vaihütuh.
27Kahvangi Japheth longhütuh
büpa Shemei ashakshemei nyuhütuh,
hatü Kanan amü büpalei aa vaihütuh” shei e.
28Bünghiyang lenpheikü Noah bong 350 nyu. 29Peüshep Noah-i bong 950 nyutü büpa di.
Atualmente Selecionado:
KAHBHAO 9: PHOMBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
