GENESIS 6
6
Mihring sualzia
1Leiah mihring an lo tam a, fanute pawh an ngah ta hle a.#Job. 1:8; 2:1. 2Pathian fate#6:2 ‘vân mite’ tih theih a ni, Mizo thawnthua vân chung nula kan sawi ang hi a ni mai thei. chuan mihring nulate hmêlṭhatzia an hmuh chuan an duh duh nupuiah an nei ta a. 3Lalpa chuan, “Mihring hi an dam kumkhua ka remti lo, an tisa mi êm mai; kum za leh sawmhnih erawh chu dam thleng rawh se,” a ti a. 4Chutih hun lai chuan, a hnu deuhvah pawh leiah hian Nefil-ho#6:4 Milian chi khat an ni. Milian chi Bible-a lang chu Anak te, Refa te, Zumzum te (Deut. 2:10; 3:11). an awm a. Chûng chu Pathian faten mihring fate nupuia an neiha an thlah tâkte an ni. Chûng mite chu hmânlai mi hrâtkhawkhêng, mi hmingthang tak tak an ni.#Num. 13:33. 5Lalpa chuan leia mihring sual nasatzia chu a hmu a, eng lai pawhin thil sual hlîr an ngaihtuah a ni.#Mt. 24:37; Lk. 17:26; 1 Pet. 3:20. 6Leiah mihring a siam ta chu pawi a ti a, a rilru a na hle a. 7Lalpa chuan, “Mihring te, ramsa te, a tlenga tleng mi te, chunglêng sava ka siam te hi ka nuai bo mai teh ang, ka siam ta kha pawi ka ti êm mai,” a ti a. 8Nova erawh chu Lalpa chuan a ngaina hle a.
Nova
9Hei hi Nova thlahte chanchin chhuina a ni. Nova chu mi ṭha a ni a, a dam rualpuite zîngah sawisêl kai lo awm chhun a ni. Nova chu Pathian nên an lêng dûn ṭhîn.#2 Pet. 2:5. 10Nova chuan fapa pathum, Sema te, Hama te, Jafeta te a nei a.
11Pathian ngaihin lei chu a chhe let dêr a, inpâwngnêknain a khat a ni. 12Khawvêl chhiat tâkzia chu Pathian chuan a hmu a. Ngai teh, leia mi tin a sual zâwng hlîrin an khawsa a ni.
13Pathianin Nova hnênah, “Mihringte hi tihboral ka tum ta. Lei hi anmahni avângin inpâwngnêknain a khat ta si a, lei pawh hi ka tichhe vek dâwn a ni. 14Tichuan, thing ṭha chi#6:14 Heb. ‘Gofer,’ eng thing nge hriat a ni tawh lo. hmangin lawng tuk rawh; lawngah chuan pindante siam la, a chhûng lam leh a pâwn lamah alkatra hnawih chhuak vek ang che. 15Lawng chu tawng zathuma sei, tawng sawmngaa zau, tawng sawmthuma sângin tuk ang che. 16Lawngah chuan tukverhte siam la, bang leh a chung inkâr chu inchi sâwm leh pariat a ni tûr a ni; lawng kawngka chu a sîrah hawng ang che, chhâwng thum neiin i siam tûr a ni.
17“Ngai teh, kei hian lei chîm pil tûr tui ka lêttîr dâwn a ni. Vân hnuaia nunna nei rêng rêng chu ka nuai bo vek dâwn; leia engkim a chhe nghâl ang. 18Nang nên erawh chuan thu ka thlung ang a, lawngah i lût ang a, i nupui leh i fate pawh, an nupuite nên lawngah chuan in lût tûr a ni. 19Thil nung tinrêng, tisa pu rêng rêng chu an him theih nân, pahnih zêl, a nu leh a pa hruai lût ve ang che. 20Sava chi tin nên ran leh a tlenga tleng chi hrang hrang nên an him theih nân pahnih zêl an lût ve tûr a ni. 21In tla tâwk tûr ei tûr la khâwm la, nangni leh anni ei atân chhêk khâwm ang che,” a ti a.
22Nova chuan Pathian thupêk ang chuan a ti ta vek a. #Heb. 11:7.
Atualmente Selecionado:
GENESIS 6: MIZCLBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
