GENESIS 15

Abrama hnêna Pathian thuthlung

1Chûng thil hnuah chuan Abrama chu zêlin a awm a, Lalpa chuan a rawn bia a.

“Abram, thlaphâng suh,

I tân phaw ka nih hi,

I dawn tûr hi a ropui a ni,” a rawn ti a.

2Abrama chuan, “Aw Lalpa Pathian,#15:2 Heb. ṭawnga ‘Adonai IAHUA’ tia ziak a nih chuan ‘Lalpa Pathian’ tia ziak ve a ni. fa ka nei lo hlen mai dâwn a, ka rokhâwmtu tûr lah Damaska mi Eliezara daih a ni ang a, eng nge mi dawntîr ang?” a ti a. 3Abrama chuan a sawi zêl a, “Ngai teh, fa min pe si lo va, ka ina piang ka chhiahhlawhin ka ro a luah ngei dâwn mai,” a ti a.

4 Lalpa chuan a rawn chhâng a, “Chu mi chu i roluahtu tûr a ni lo, nangma fa ngeiin i ro a luah ang,” a ti a. 5Pâwnah a hruai chhuak a, “Vân lam khi thlîr teh, arsite khi i chhiar sêng em?” a ti a. “Khiti zât khi i thlahte an la ni dâwn” a ti a.#Rom. 4:18; Heb. 11:12. 6Lalpa chu a ring a, chu chu a diknaah#15:6 Thil ṭha tih hi Pathian hmaah khâwl theih niin an ngai. Abrama rinna pawh hi’ a thil ṭha tih’ zînga telah an ngaihsak tihna a ni âwm e. a lo pawmsak ta a.

7A hnênah chuan heti hian a ti ta a: “He ram hi neihtîr tûr chein Kaldai ram Ur khua aṭanga ko chhuaktu che Lalpa kha ka ni,” a ti a. 8Ani chuan, “Aw Lalpa Pathian, ka ta tûr a nih engtin nge ka hriat ang?” tiin a chhâng a.#Rom. 4:3; Gal. 3:6; Jak. 2:23. 9“Bâwngpa kum thum mi te, kêlpui kum thum mi te, berâmpa kum thum mi te, ṭhuro leh pârva no nên mi han lâk teh,” a ti a. 10Chûng chu a rawn lâksak a, a laiah a phel a, a phel chu inepin a tlarin a dah a; savate erawh chu a phel lo. 11Sa ruangahte chuan mu an lo ṭum ṭhîn a, Abrama chuan a lo hnawt zêl a. 12Ni a tlâk dâwn suar suar chuan a muhîl ta sulh a, hlauhawm thim takin a rawn bawh ta a. #Job. 4:13,14.

13Abrama hnênah chuan, “I thlahte chu an hriat ngai loh ramah mikhual an ni dâwn; bawihah an tâng ang a, kum zali chhûng chu an tiduhdah ang tih hre rawh.#Exod. 1:1-14; Tirh. 7:6. 14Rawng an bâwlsak hnamte chu ka hrem ang a, chumi hnuah chu ram chu muk ṭânin an chhuahsan ang.#Exod. 12:40,41; Tirh. 7:7. 15Nang erawh chu, thlamuang takin i pi leh pute hnênah i châwl ve ang a, tarkûna damin an phûm ang che. 16Mi dang erawh chu chhuan li a ral hunah hetah hian an lo kîr leh ang, Amor mite suahsualna vâwrtâwp a thlen hunah chuan,” a ti a.

17Ni a tlâka, khua a thim tâk hle hnuin thuk, khu lût lût leh meichher alh hluah hluah chu sa ruang kârah chuan a vei a vei a. 18Chumi zân chuan Lalpan Abrama hnênah thu a thlung ta a, “He ram hi i thlahte hnênah ka pe ta. Aigupta ram lui aṭanga Eufretis luipui inkâr ram, #Tirh. 7:5. 19Ken mi te, Kenis mi te, Kadmon mi te, 20Hit mi te, Periz mi te, Refaim te, 21Amor mi te, Kanan mi te, Girgas leh Jebus mi te ram hi,” a ti a.

Atualmente Selecionado:

GENESIS 15: MIZCLBSI

Destaque

Copiar