THILSIEMBUL 10
10
Noah Chate Suonte
(1 Kh 1.5-23)
1Ziehaw hi Noah chapate Shem, Ham leh Japheth suonte chuh ahiu hi; tuilet nung chun chapate a nei chiet u a. 2Japheth chapate chuh Gomer, Magog, Madai, Javan, Tubal, Mesek leh Tiras te ahiu hi. 3Gomer chapate chuh Askenaz, Riphath leh Togarmah ahiu hi. 4Javan chapate chuh Elishah, Tarshis, Kittim leh Dodanim ahiu hi. 5Ziehaw apat chun lui panga tuikuol haw achun amau gam chiet ah, amau pau dungzui leh amau nam dungzui zelin a kithehzâk tau hi.
Ham Suonte
6Chun, Ham chapate chuh Kush, Mizraim, Put leh Kanaan ahiu hi. 7Kush chapate chuh Seba, Havilah, Sabtah, Raamah leh Sabteka te ahiu a. Ra-amah chapate chuh Seba leh Dedan ahiu hi. 8Chun, Kush chuh Nimrod pa ahi a: amah chuh leichung a mi hattak a hung hipan ta a. 9Amah chuh Lalpa ma achun gamvak mi hattak a hung hita a: zieziek chuh ahi “Lalpa ma a gamvak mi hattak Nimrod tawbang ahi,” a tih sek u chuh. 10A lalgam kipatna chuh Shinar gama Babel khuote, Erech Akad leh Kalneh ahiu hi. 11Zie gam apat chun a pawt a, Asuria gam ah a lut a, Ninevi, Rehoboth-Ir leh Kalah khuo te chuh a siem a, 12Chun, Ninevi leh Kalah kikal ah Resen khawpi a siem a, zie chuh khaw lopi tak ahi.
13Chun, Mizraim chun Ludim, Anamim, Lehabim leh Naphtuhim 14Pathrusim, Kasluhim leh Kaphtorim te chuh a hinga, amau haw hi Philistia te hun suonte chuh ahiu hi. 15Chun, Kanaan chun chapa masapen Sidon a hing a, Heth le a nei hi; 16Jebus mite, Amor mite, Girgash mite leh. 17Hiv mite, Arka mite, Sinni mite leh, 18Arvad mite, Zemar mite, Hamath mite a hing a; zie nung chun Kanaan nam te chuh gam chuom chuom ah a hung kithehzâk tau hi. 19Chun, Kanaan mite gamgi chuh Sidon khuo apat in Gerar lam zuonin Gaza khuo tiengin; Sodom leh Gomorra lam ah Admah leh Zeboiim lam zuonin, Lasha tieng ahi. 20Ziehaw hi Ham suonte, amau inkuon dungzui leh amau pau dungzui in chun, a mau gam leh a nam dungzui zel u a a chen dân u chuh ahi. 21Chun, Shem, Eber chate suonpa, Japheth u chun le chapate a nei a. 22Shem chapate chuh Elam, Asshur, Arpaksad, Lud leh Aram te ahiu hi. 23Chun, Aram chapate chuh Uz, Hul, Gether leh Mash te ahiu hi. 24Arpaksad chun chapa Shelah a nei a, Shelah chun chapa Eber a nei hi. 25Chun, Eber chun chapa nih a nei a: khat min chuh Peleg ahi a, a damlai chun lei hi khenzak in a um ta a; a suohpihpa min chuh Joktan ahi. 26Chun, Joktan chun chapa Almodad, Seleph, Hazarmaveth, Jera, 27Hadoram, Uzal, Diklah, 28Obal, Abimael, Seba, 29Ophir, Havilah leh Johab te a nei a; ziehaw chengcheng chuh Joktan chapate ahiu a. 30A gam u chuh Mesha apat a suohlam a Sephar tâng tieng ahi. 31Chun, ziehaw hi Shem suonte, a inkuon dungzui leh a pau mat u leh amau haw gam leh nam dungzui chuh ahi.
32Ziehaw hih Noah chate suon leh a khanggui chieh dân u leh anam dungzui u a zikna chuh ahi, tichun, tuilet nung chun zie nam haw akipat hin lei chung muntin ah namtin chuh a kithehzâk tau hi.
Atualmente Selecionado:
THILSIEMBUL 10: GANGBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
