Versículos Bíblicos Populares relacionados a Dubbii Nagayaa Ka Luqaasii 14

Compartilhar

Eennullee ka gara kiyya dhufuu fedhu yoo jiraate abba'aa fi haadha ufii, haadha manaa, ijoollee, ilmaan haadhaa, intallan haadhaatii fi jiruu ufiillee uduu hin hafne yoo hin jibbine darasaa kiyya ta'uu hin danda'u.

Eennullee fannoo ufii baadhatee yoo na faanaa hin deemne darasaa kiyya ta'uu hin danda'u.

Ka ol uf qabu maruu hin salphata; Ka gad uf qabu ammo hin kabajjama.»

Akkasuma eennullee isin keessaa qabeenna ufii maraa ka hin dhiifne darasaa kiyya ta'uu hin danda'u» jedhe.

«Isin keessaa namni mana dhaga'aan ijaaruu barbaadu, duraan dursee waan hujii san ittiin raawwatu ka taa'ee gatii hin herrenne eennu? Yookaan ammo jalqabee fixuu yoo dadhabe namoonni argan maruu, ‹Ila kunoo! namichi kun ijaarsa jalqabee fixuu dadhabee› jedhanii itti baldan.

Hennaa affeerrii goote ammo hiyyeeyyii, naafa, worra hokkoluu fi worra ijaan hin argine waami. Isaan waan jasaa deebisan hin qabneef hin eebbifamta; hennaa qajeellonni du'aa ka'anitti sii deebi'a.»

«Sooqqiddi waan misha'a; inni garuu yoo mi'aa uf keessaa hin qabaanne maali'iin mi'aaya ree? Faayidaa biraa hin qabu; lafaafillee kosii hin ta'u; gara raasa'aa gatama. Kanaafuu namni gurra dhagayu qabu haa dhagayuu!» jedhe.