Versículos Bíblicos Populares relacionados a Marcos 11

Compartilhar

Maud̶eeba mʉʉba machimaa jaraaruu: joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mʉʉba biawãra jaraaruu: barikiuba cha nau eamaa jãmabena mard̶aa wã́bad̶e aaruubʉrã, ichiba jaraaruu kĩra makai. Maamina ichi sõd̶e kʉ̃risiabai b̶uu ichiba jaraaruu makawẽe, maumaarã biawãra makai ijãai b̶uu.

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Jesusba jarasii: —Machiba Dachi Akõred̶e ijãad̶ai panuu.

Ãchimaa naka jaradeasii: —Dachi Akõre bed̶ead̶e naka b̶ʉ kub̶uu: “Mʉ de, chi ʉtaa id̶ibadau de ad̶ai, joma puururã baita”. Maamina machiba “nechiruabadaurã chob̶ea” kĩra uru panuu.

Maka wauduud̶e ichi naa nid̶auba maud̶e kaad̶e nid̶auba jĩwa jara kopaneesid̶au: ¡Ãrea biꞌia nii! ¡Ãrea biꞌia nii chi Dachi Mechiu trʉ̃d̶eeba neeruu!

¡Ãrea biꞌia nii dachi nabẽraed̶ebena Davidd̶ebena need̶a! ¡Ichid̶irã ichi juad̶e ua b̶uai! ¡Ãrea biꞌia nii dachi Bajãad̶ebena Akõre!