Versículos Bíblicos Populares relacionados a Marcos 10

Compartilhar

Maud̶eeba mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Jesusba ãchi ichiaped̶a jarasii: —Ẽbẽraba mau poyaa waukau maamina Dachi Akõre báitara makawãe. Dachi Akõrebarã poyaa joma waui.

Maud̶e Jesusba jarasii: —Wãse. Bichiba ijãasiid̶eeba aribiasii. Ara makʉd̶e chi dau pãriu nibad̶a unu kob̶eesii. Maabae Jesús baara od̶e wãsii.

Maud̶eeba Dachi Akõreba chi araa ãbua b̶ud̶a ab̶au bid̶a amaabai.

Maud̶e Jesusba ẽbẽra kʉ̃riad̶eeba ichiaped̶a jarasii: —Wabid̶a bichiba ne ab̶a waui b̶uu. Bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Maud̶e Jesusba ichimaa id̶isii: —¿Kãare kʉ̃ria b̶uma mʉʉba waui? Chi dau pãriu niiba jarasii: —Jaradeabarii, mʉʉba unui kʉ̃ria b̶uu.

Maamina machi maka nuread̶aabai panuu. Machid̶ebena chi mechiu nibai kʉ̃ria b̶uubʉrã waabenarã baita bari trajabarii b̶uai b̶uu.

Mʉʉba biawãra jaraaruu: warr ichi akõre ome nibabarii kĩra ab̶a bid̶a Dachi Akõre ome niiwãebʉrã, mau ẽbẽra Dachi Akõre juad̶e b̶uabai ichid̶irã baara.

Maamina chi kaad̶eare nuree naa panad̶ai, maud̶e chi naa nuree kaad̶eare panad̶ai.

Maamina nau iujãa wausiid̶e Dachi Akõreba mukĩra maud̶e wẽra wausii. Maud̶eeba mukĩraba chi akõre maud̶e chi nawe b̶ʉiped̶a ichi wẽra ome ãbua b̶eei. Maka kakua ab̶a nii kĩra nibad̶ai. Ãchi ome panuu kĩrawãe, maumaarã ab̶a b̶uu kĩra nuread̶ai.