Versículos Bíblicos Populares relacionados a Sélimɛ 15

Compartilhar

A Abirami tága Yawe na, koro na Yawe wi córo syɛɛnsiɔn.

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

A wi Abirami kɔ́ri n yiri kàfugi na, ní baa wi pye: «Ki n yɛlɛ mi nyɛ̀ʔɛni sámaga mi wéle mí ŋɔripiigèle córo kapye mɔ fánʔa i nyɛ ge na bi gbǎn ge córo. A wi níì wi pye: Kánmi bee na si mɔ piibèle a ba nɛʔɛ.»

A Yawe si gi joo wi ma níì jo: «Nǎnw bee ban wi a mɔ kɔ́rigi lìi í. Fwɔɔ pìíwee mɔ tiimaa a see lè, woro wi a pye mɔ kɔriliiw.»

A Yawe si gi joo Abirami ma níì wi pye: «Ki n yɛlɛ mi gi cán mɔ yodaʔayi a kɔ́ sa pye nibɔɔnnɔ táraa ni, dee di lè ti o nyɛ pe worò í si pye yaà beè pulobèlē. Bele bee a ra be wɔʔɔ yɛ̀ʔɛlɛ saala siin fúngo ni.

A Abirami jo: «Kàfɔw Yawe, nyàʔá si mɔ a zǐn kaan mii ma? Mii wi syée wee pyà fun ni. Wee wi a mii kpáagi kɔ́rigɔ lìi lè, woro wi nyɛ Eliyezɛɛri wi lè Damasi ye wów.»

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»