Versículos Bíblicos Populares relacionados a Lukas 14

Compartilhar

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Sapa yang tara pikul dia pe salib, itu berarti dia tara siap menderita sampe mati deng iko pa Kita, dia itu tara pantas jadi Kita pe pengikut.

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Bagitu lagi deng ngoni. Kalu ngoni mau jadi Kita pe pengikut, ngoni bapikir bae-bae dulu, ngoni mampo mo kase tinggal samua yang ngoni punya ka tarada. Kalu ngoni tara mampo itu, ngoni tara bisa iko pa Kita.”

Conto bagini: kalu ada di antara ngoni yang mo biking ruma, pasti dia mo bahitung dulu, barapa ruma itu pe biaya. Deng bagitu dia bisa dapa tau, dia pe doi cukup ka tarada untuk kase selesai ruma yang dia mo biking. Kalu dia tara bahitung kamuka, kong dia so biking fandasi, nanti dia tara mampo kase selesai ruma itu, kong orang-orang lia itu, dorang akan kase tatawa pa dia. Dorang akan bilang, ‘Dia mulai biking ruma itu tapi dia tara mampo kase selesai.’

Tapi kalu bapa biking acara makang-makang, undang orang-orang miskin, orang-orang cacat, orang-orang lumpu deng orang-orang buta. Kalu bapa biking bagitu, Tuhan Allah yang akan biking bapa sanang, karna dorang itu tarada apa-apa yang dorang bisa kase pa bapa. Nanti Tuhan Allah akan balas bapa pe bae di hari kiamat, waktu Tuhan Allah kase hidup ulang pa orang-orang yang butul pa Tuhan Allah pe muka.”

Yesus bilang umpama satu lagi bagini, “Garam itu bagus, ada dia pe guna. Tapi kalu garam itu so jadi tawar, so tara mungkin lagi mo barasa garam. Kalu so bagitu, so tarada dia pe guna lagi. Biar lagi mo pake di kobong untuk kase subur tana deng untuk biking pupuk, so tara bisa. Jadi kalu so bagitu, lebe bae buang suda. Dengar itu bae-bae kong simpang di hati!”