Versículos Bíblicos Populares relacionados a Isaías 9

Compartilhar

Kat muihbin as batahndana bahang mayang akat, Papang yaklauwi muihbin al as mayana, bahang witing yakat parasni kalana king kana atnin. Dawak adika ayangni balna kalalawarang: warkni balna kidika yamni manah, Papang sip minitbayayakwas karang, Papang ban kaput atnin, kulnin aslah lani kingni.

Puksani yak muih bangdai kidika yaringni nuhni tatalna dai; yaringni as kalahna dai puksani kau bang kidika dinina.

Devid yalahwa pāni yakat yalahna karang; witing king parasni kidika sau bitik yakat kiuna karang dawak kulnin aslah lani kidika laih dahnkalwas karang; witing king kāwa lani kidika laih yamni palni āna karang, dawak rahni balna kidika laih la kat yamnin dawak muih rahmni kidika kalanin karang, warmani kaupak ban kaput karang. Adika laih Dawan dalani lani daihni duwa kidika yaklauwi yamna karang.

Kalbauyang muihni balna kalnina parasni lapapakwa dai kidika, dawak praknina bik ā manah kahna dai kidika busna karang, kuhpau yaklauwi buswi disyamna karang.

Tatuna kau laih Papang yaklauwi Zabulón dawak Neftalí sauni Galilea kidika sau yakat lakpamna dai, Papang kukulwas saunina yaihnit kau dai kidika, kidika sauni laih Jordán wasni nakas kaupak kuma kung kat; kaunah usnit kat ayangni nuhni dulauna dai.

Dawan, alasna nuhni as duaina man; alasnina kidika laih nuhni palni ki. Muih bitik man muhmat yakat alasna ki, sihm di minik yayakwa mani kapat, di minit nuhni as sahyakwi duduwa kapat.

Kat man lawa warau lani kidik yakpamna man bahang muih balna yak taihwi duwa dai kidika, bahang kidika yulni kulninna bukwadai kidika, king dutni yaklauwi ditaihwa dai kidika. Sihm Madián kau daukalnaman dai kapat ki.