Versículos Bíblicos Populares relacionados a LUKA 12

Compartilhar

Jwale, le lona le itokise; hobane Mora motho o tla tla ka nako eo le sa e hopolang.

le mpe le batle mmuso wa Modimo pele, mme ntho tseo kaofela le tla di ekeletswa.

A eketsa a re ho bona: Iponeleng, le ipoloke bakeng sa takatso ya leruo; hobane bophelo ba motho bo ke ke ba tswa bongateng ba dintho tseo a di ruileng, leha di mo atetse haholo.

Hobane, moo letlotlo la lona le leng teng, ke moo le dipelo tsa lona di tla ba teng.

Ke mang hara lona ya ka eketsang boemo ba hae ka setswe se le seng ka ho belaella teng?

Yaba o re ho barutuwa ba hae: Ka baka leo, ke re ho lona: Le se ke la belaela ka tsa ho phela ha lona, ka seo le tla se ja, leha e le ka sa mmele, ka seo le tla se apara.

Esita le qoba tsa moriri wa dihlooho tsa lona di badilwe kaofela. Se tshabeng ke hona; le fetisa dirobele tse ngata.

Mohlatswana, se tshabe, hobane ho kgahlile Ntata lona ho le fa mmuso.

Lemohang makgwaba; ha a leme, ha a kotule, ha a na ntlo moo a bolokelang teng, leha e le modiko; mme Modimo o a a fepa. Le fetisa dinonyana hakakang!

Ka baka leo, le se ke la batla seo le tla se ja le seo le tla se nwa, mme le se ke la ipelaetsa

Mme jwale, erekaha Modimo o apesa jwalo jwang ba naheng, bo leng teng kajeno, mme hosasane bo se bo tla lahlelwa seboping, na haholo o ke ke wa le apesa lona batho ba tumelo e nyenyane!

Hobane ha ho letho le kwahetsweng le sa tlo ka le kwahollwa, leha e le ntho e patilweng e sa tlo ka e tsejwa.