Versículos Bíblicos Populares relacionados a MATHI 7

Compartilhar

“Khielo, pi nthu cüben na; bhalo, nthu muya ben na; nu ajenka kekhalo, sha pi nthu cüben na.

Kepaghenanye pi khie ketenthu tsüdila cüben; bha ketenthu tsüdila muyaben; nu sha pi kekha ketenthu tsüdila cüben.

“Tsalina anyi kesü le kesü lela ijühthu zaya nu tsüthu nie ketenwa na anyi kemetsa kesü na ma jjen pi alon miwi sakeya tsüti le.

“Nyu yala nthu kenenwa sa thsü mvu keben tsüti nthu nyu kenenwa tsü sa tenlo: hawa ha Mosa Yenwa nu atusenjüh-kechüthu na pi kesansijüh jjügiwa tsüle.

Isala kahang wi kewa len jenka tsüna manghanka nu ciwi kewa len tsüna dhu ntsa, nu ciwi anyi kezeng-u ketan tsü muyaben.

“Ajenka kemanghanwa wi tsü dulo, kepaghenanye annighajü wi kewa jenkawa tsüna mezaqo nu ciwi kewa len tsüna lekete, nu anyi kejon na ciwi waden.

Nthu nkemehaithu ccünkhala pala kemehai pi nthu tsangathu kecü yen chüben. Tsü miwi tang wi kebenwa nthu Ba tsü pala kemehai khaju khatila pi ma wi khie ketenthu cüten nu!

“Nthu nyu kesami nbha la, isathu Anyiza la nthu kesami bha nben, kepaghenanye nthu na nyu kesami kebha tsüti Anyiza la nthu kesami bha ben, nu nthu na kede pi nyu kecü tsüti ma tsü kede pi nthu cüaben.

“Isala anyi kesü le kesü lela ijühthu zaya nu tsüthu nkeniewa tsüna anyi kejüphon kesü na ma jjen pi ahachan miwi sa ketheng tsüti.

Mangkesa na n-nyon wi kenenkuwa keti keben tsü nmeshenla ncünyuwa nyon wi kenenkuwa kizzakeu tsü ghangten nu? N-nyon wi kenenkuwa keti na ben lethu no khatinu ncünyuwa kizala, ‘Hi n-nyon wi kenenkuwa kizzakeu tsü khüshi cü na,’ isa khiya mehai nu?

“Milikemesa atusenjüh-kechüthu ghena nthu kiden-kesha yalo; mathu na amei wi tsü khaghanenithu ti nthu jawi ghoden, isala mathu non wi tsü ntsakhiwa adennithu ti le! Nthu na mathu kekuli wina mathu na khati kesa khe chüyaben. Aghazüton wi kemeshentsse bi bün nten, nyelela ataqaeton wi khhaghabvü bün nten.

Achanton kemehai na ma bi kemehai bünden, nu achanton nkemehai na ma bi nkemehai bünden.

Achanton kemehai na ma bi nkemehai bün meyacha; nu achanton nkemehai na ma bi kemehai bün meyacha.

Achanton ma bi kemehai nkebünwa shüchi pi anni wi khala chiaden.