Versículos Bíblicos Populares relacionados a Luki 12

Compartilhar

Ani kavaʼmo hutapa alo huta maiyo. Vemo Mafaʼnemo hemenimo emiʼnoʼmegaiye, hutapa nehisagenoʼaeʼmo eminegaiye, huno hapa paiʼnigeno

Gotiʼa yagaino lapatesiya kavafeʼmo kahauya higenoʼao ma mopafiʼmo maisaya yaʼeʼmo lapamigiyanagi.

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Kagemiyaʼapimo ageʼa neʼmalaya kotefekeʼmo apaipa apakesamo neʼafiye.

Lapakaepatiʼmo mago vekamoʼmo agesa alaʼamo afiteno hausoli huʼnisiyaʼmoʼmo Gotiʼa faligiye, huno lekana paino ateʼniya afinapatiʼmo magoʼe huno aiseʼamo alino yatala huno oʼategaiye.

Yesuʼa geʼamo neʼafiya vayaʼaifeʼmo hunoʼaeʼmo, ina kavaʼmo huno haneʼniyaʼmofeʼmo lapa paiʼnaeʼmo, afaʼa neʼmaiya kavaʼmo hogote kavaʼmo haneʼnigeno neʼyaʼmo ago aeno aga seʼniye. Lapakufamo hogote yaʼmo haneʼneno kukena yaʼmo ago aeno aga seʼniye. Aeno aga seʼniyaʼmofeʼmo ma mopafi maisaya kavafeʼmo, vae, na agufa neʼyaʼmo negaune, na agufa kukena yaʼmo aligune, huteta lapakesa alaʼamo afiteta lahapausoli osiyo.

Nama anagaʼmo ina agufa yaʼmo maiʼnagetapaeʼmo aeta apaka seta maiʼnayaʼmofeʼmo Gotiʼa magoʼe huno yagaino lapategaiyanagi koli osiyo. Gotiʼa lapayokaʼmo magoke magoke huno lekana paino ageʼniye, huno hapa paiʼniye.

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Nama anagafeʼmo lapakesamo afiyo. Nama anagaʼmogimo avina yaʼmo aliʼa maleneʼa hoyamo aliʼa oʼvaige neʼyaʼapimo aliʼa noʼapifiʼmo oʼmalege nehayaʼmonanafa Gotiʼa neʼyaʼapimo afaʼa neʼapamiye. Lapakaemo nama anagaʼmo ago aeta apaka seʼnayaʼmofeʼmo Gotiʼa magoʼe huno neʼyaʼmo afaʼa lapamigiye.

Neʼyaʼmo nesaya yafeʼmo kahauya hutetapaeʼmo na agufa neʼyaʼmo negaune hutapa osuta lahapausoli osiyo.

Gotiʼa kahaufilaga kahaumo hemenimo haneʼniyanageno egaʼamo atamo lesiya kahaumo ausemo vaino neʼapateyaʼmofeʼmo magoʼe huno kukenatapimo vaino lapategaiye. Gotifeʼmo aiseʼamo lapakesamo afita fatago nehaya vayanagi afiyo.

Gotiʼa muki huʼa aeʼa ati nekaya kavaʼmo alino afole aino apave ligiye. Muki kavaʼmo huʼa fala nekiya kavaʼmo muki vayaʼai apaulagaleʼmo afole aigiye.