Versículos Bíblicos Populares relacionados a Yoni 15

Compartilhar

Nagaemo nofiʼagana huʼna maiʼnogetapa nofi akopaʼagana hutapa maiʼnae. Naote maige lapaote maige huʼnisunana lapakaemo mago kavaʼmo afaʼa osugayaʼmofeʼmo nagaepiʼmo alagi maiʼnisageʼna lapakaepiʼmo alagi maiʼnisugetapaeʼmo asole alagamo afaʼa aegae.

Nagaepiʼmo aeta hanitapa maigeʼnao nagaemo lapakaepiʼmo alagi maino. Nofi akopamoʼmo nofiʼafiʼmo aeno ohaniʼnigeno alagamo noʼaeya agufa kavaʼmo hutapa nagaepiʼmo alagi oʼmaiʼnisayaʼmoʼmo alagamo alagi oʼaegae.

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Mago vekamoʼa ao vayaʼaifeʼmo hau ayamopafiʼmo hauʼninageno falino apatesaiyana ani agufa hau ayamopafiʼmo hauʼniya kavaʼamoʼmo muki vayaʼmogimo hapau apayamopafiʼmo hapauʼniya kavaʼapimoʼa ago aeno agaseʼniye.

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Geʼaepa geʼnimo haneʼniyana lapakaefeʼmo nahau nayamopafiʼmo nahauʼniya kava huno konagatapieʼmo lapau lapayamopafiʼmo lapaino.

Lapakaemo asole alagamo aeʼnetapaeʼmo Afoʼnimoʼmo ala agiʼamo amisaya kavatetiʼmo geʼnimo neʼafiya vayaʼmo maigae.

Yesuʼa hunoʼaeʼmo, nagaemo lama ge alagamo neʼaeya nofikana huʼna maiʼnove. Afoʼnimoʼmo ani nofi hoyamo afoʼamoʼmo maiʼneno neʼyagaiye.

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Namogaga neʼauva kavaʼmoʼa lapaipafiʼmo havai tesigetapaeʼmo lapamogaga aisayafeʼmo mani gemo lapa nepauve.

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Inagi ani keʼaepa geeʼmo lapa paiʼnaeʼmo, konagatapieʼmo lapau lapayamopafiʼmo lapaino, huʼna ago lapa paiʼnove, huno hapa paiʼniye.

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.