<div class="version vid3586 iso6393kvq" data-vid="3586" data-iso6393="kvq">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">De&#768;igetcage</div><div class="p"> 1&#8220;So&#768;ibo&#768;&#772; thi&#774; ne cab&#769;o&#770;&#774;hte&#768; thi&#774; ge&#768;&#772; de&#768; me&#768; de&#768; hte&#768; ab&#769;e&#768;ilani thi&#774; to&#768;co&#768; bija ahlo&#768;&#774;mo&#768;&#772; d&#769;o&#774; bija ga&#772; tcahti&#770; thi&#774; e&#768;&#774; anikhi&#774; nu m&#769;e&#768;; thi&#774; ge&#768;&#772; me&#768; ma go&#772;nu d&#769;o&#772;, thi&#774; gi&#772; di nib&#769;e&#768; te&#768;pwe&#768; thi&#774; so&#770; thi&#774; hle&#768;&#774; d&#769;o&#774; Pa ao&#768; Mo&#768;&#772;kho nu n&#769;o&#768;.</div><div class="p"> 2&#8220;Me&#768;go&#772;nu d&#769;o&#772; b&#769;e&#774; ni igetcage bija nu, u m&#769;e&#768; khaja bija hlo&#768;&#774;mo&#768;&#772; acab&#769;o&#770;&#774; bija awi&#770; to&#768;po&#768;kho me&#768; d&#769;o&#774; sinago&#774;ga&#772; ki&#770; kle&#768;disci abu, cab&#769;o&#770;&#774;hte&#768; bija ko d&#769;o&#774; ka j&#769;a ce&#768; nu m&#769;e&#768;; jo&#768; d&#769;o&#768; thi&#774; adi&#770;&#772;ahma, zi nib&#769;e&#768; hto&#774; zo&#770; so&#770; ze&#768; hle&#768;&#774;. 3Ki&#770;d&#769;o&#768;&#774; b&#769;e&#774; ni igetcage bija nu, nu cukho&#768; ade&#768;htwe&#768; me&#768; dane&#768;&#772; nu, i m&#769;e&#768; nu cukho&#768; adi&#770;ci&#770; thi&#770;he&#768;&#774;ko&#770; m&#769;e&#768;. 4Cab&#769;o&#770;&#774;hte&#768; ne&#768; de&#768;igetcage ko&#768;o&#768;huo&#768;zo&#768;bo&#768;&#772; nu, ki&#770;d&#769;o&#768;&#774; na Pa hte&#768; atcahti&#770; de&#768;hude&#768;zo&#768; akle&#768;&#774; de&#768;bwe&#768; ki&#772; igeko&#768;&#774; no&#768; so&#770; ne&#768; hle&#768;&#774; nu.</div><div class="s">De&#768;dathe&#768;b&#769;e&#768;&#774;</div><div class="r">(Lu&#774;ka 11.2-4)</div><div class="p"> 5&#8220;Ki&#770;d&#769;o&#768;&#774; b&#769;e&#774; thi&#774; the&#768;b&#769;e&#768;&#774;hta nu, me&#768; m&#769;e&#768; acab&#769;o&#770;&#774; bija awi&#770; to&#768;po&#768;kho, hte&#768; ab&#769;e&#768;lo&#768;&#772; so&#768;&#774;hto the&#768;b&#769;e&#768;&#774; d&#769;o&#774; sinago&#774;ga&#772; ki&#770; kle&#768;disci abu, cab&#769;o&#770;&#774;hte&#768; bija ga&#772; tcahti ce&#768; to&#768;co&#768; nu m&#769;e&#768;; jo&#768; d&#769;o&#768; thi&#774; adi&#770;&#772;ahma, zi nib&#769;e&#768; hto&#774; zo&#770; so&#770; ze&#768; hle&#768;&#774;. 6M&#769;i&#770; ne&#768; nu, b&#769;e&#774; ne&#768; the&#768;b&#769;e&#768;&#774;hta nu, geni&#772; ni hid&#769;obu, ki&#770;d&#769;o&#768;&#774; gle&#768;&#772;b&#769;i hwa&#774; na khagle&#768;&#772;, the&#768;b&#769;e&#768;&#774;hta huzo&#768;bo&#768;&#772; na Pa, kido&#768;&#774; na Pa hte&#768; atcahti&#770; de&#768;hude&#768;zo&#768; akle&#768;&#774; de&#768;bwe&#768;, ki igeko&#768;&#774; no&#768; so&#770; ne&#768; hle&#768;&#774;.</div><div class="p"> 7&#8220;Ki&#770;d&#769;o&#768;&#774; b&#769;e&#774; thi&#774; the&#768;b&#769;e&#768;&#774;hta akhi&#770; nu, ji&#770;&#772;b&#769;e&#768; o&#768;e&#768;o&#768;o&#768; m&#769;e&#768; acab&#769;o&#770;&#774; bwe&#768;thu&#774;kupho to&#768;co&#768; nu m&#769;e&#768;; mane&#768;&#772; ko&#768;d&#769;o&#768;do do&#772;, zo gomo zi ji&#770;&#772;b&#769;e&#768; o&#768;e&#768; khal&#769;e&#768; de&#768; go&#768;&#772; so&#768;khe&#774;n&#769;eko&#768;&#774; ze le&#772; nu. 8Me&#768;go&#772;nu d&#769;o&#772;, me&#768;bo&#768;&#772; m&#769;e&#768; acab&#769;o&#770;&#774; ce&#768; to&#768;co&#768; nu m&#769;e&#768;. Mane&#768;&#772; ko&#768;d&#769;o&#768;do do&#772;, thi&#774; de&#768;se&#768;&#774; da hni&#770;&#774;n&#769;o&#768;, thi&#774; Pa thi&#770;he&#768;&#774; hto&#774; de&#768; aloba thi&#774; nikhi&#774; m&#769;i&#770; dane&#768;&#772; nu. 9Me&#768;go&#772;nu d&#769;o&#772;, thi&#774; nu, the&#768;b&#769;e&#768;&#774;htabo&#768;&#772; go&#772;jo; O&#774; wa Pa, ao&#768; d&#769;o&#774; Mo&#768;&#772;kho nu, Ni mi ke&#768;b&#769;e&#768; d&#769;o&#768;&#774;bo&#768;&#772;e&#768; atcahti&#774; ti&#770;ki&#770;. 10Ni hti&#774; Ne ge go&#772; do d&#769;o&#768;&#774;bo&#768;&#772;e&#768; ti&#770;ki&#770;. Acab&#769;o&#770;&#774; de&#768;me&#768; ane hte&#774; Na tha d&#769;o&#774; Mo&#768;&#772;kho nu, de&#768; ge&#768;&#772; me&#768; do&#768;&#774;bo&#768;&#772;e&#768; ane d&#769;o&#774; La&#772;kho akho jo ti&#770;ki&#770;. 11Kho&#774;no dini kho&#768;we&#768; ilabo&#768;&#772; wa de&#768;a toko ti&#770;ki&#770;. 12Ki&#770;do&#768;&#774; b&#769;a&#774;ple&#768;bo&#768;&#772; we&#768; de&#768;ke&#768;m&#769;e&#768;, acab&#769;o&#770;&#774; wa b&#769;a&#774;ple&#768; bija ame&#768;ke&#768;m&#769;e&#768; wa to&#768;co&#768; akho&#768;&#774; nu ti&#770;ki&#770;. 13Ki&#770;d&#769;o&#768;&#774; leihu&#774; m&#769;e&#768; wa d&#769;o&#774; de&#768;hnaka&#774; akle&#768;&#774; m&#769;e&#768;. M&#769;i&#770; me&#768;hlo&#770;&#774;htabo&#768;&#772; wa d&#769;o&#774; de&#768;ki&#770;&#774;kke&#768; akle&#768;&#774; nu ti&#770;ki&#770;.</div><div class="p"> 14&#8220;Mane&#768;&#772;, b&#769;e&#774; thi&#774; b&#769;a&#774;ple&#768; bija to&#768;co&#768; ade&#768;ke&#768;m&#769;e&#768; nu, thi&#774; Pa ao&#768; d&#769;o&#774; Mo&#768;&#772;kho de&#768;bwe&#768; m&#769;i&#770; m&#769;i&#770; ka b&#769;a&#774;ple&#768;ko&#768;&#774; thi&#774; de&#768;ke&#768;m&#769;e&#768; to&#768;co&#768; nu. 15Barasa&#774; thi&#774; ta b&#769;a&#774;ple&#768; ma bija ade&#768;ke&#768;m&#769;e&#768; n&#769;o&#768; d&#769;o&#772;, thi&#774; Pa m&#769;i&#770; m&#769;i&#770; ga&#772; ta b&#769;a&#774;ple&#768; te&#768;pwe&#768; thi&#774; de&#768;ke&#768;m&#769;e&#768; n&#769;o&#768; n&#769;o&#768;.</div><div class="s">De&#768;the&#768;hlo&#770;&#774; Ab&#769;e&#768;kja De&#768;d&#769;u De&#768;ade&#768;o&#768;&#774;</div><div class="p"> 16&#8220;Ki&#770;d&#769;o&#768;&#774; b&#769;e&#774; nu d&#769;u de&#768;ade&#768;o&#768;&#774; nu, tcalatho&#770;j&#769;o&#770; me&#768; acab&#769;o&#770;&#774; bija ato&#768;po&#768;kho to&#768;co&#768; me&#768; nu m&#769;e&#768;; mane&#768;&#772; ko&#768;&#772; d&#769;o&#768;do do&#772;, ze&#768; me&#768; thi&#774;wi zu mu&#772;ka&#774; bu cab&#769;o&#770;&#774;hte&#768; bija ga&#772; tcahti&#770; cu d&#769;u de&#768;ade&#768;o&#768;&#774; nu. Jo&#768; d&#769;o&#768;&#774;sa the&#774;bwe thi&#774;, zi nib&#769;e&#768; hto&#774; zo&#770; so&#770; ze&#768; hle&#768;&#774;. 17M&#769;i&#770; ne&#768; nu, b&#769;e&#774; nu d&#769;u de&#768;ade&#768;o&#768;&#774; nu, tho&#770;phro&#770; no ko de&#768;hnu&#774;w&#769;i ki&#770; u&#774;bla nu mu&#772;ka&#774;; 18cab&#769;o&#770;&#774;hte&#768; bija ga&#772; da tcahti&#770; nu d&#769;u de&#768;ade&#768;o&#768;&#774; n&#769;o&#768;, m&#769;i&#770; na Pa ao&#768; de&#768;hude&#768;zo&#768; de&#768;bwe&#768; ga&#772; tcahti&#770; thi&#770;he&#768;&#774;bo&#768;&#772; lo&#768; nu, ki&#770;d&#769;o&#768;&#774; na Pa atcahti&#770; de&#768;hude&#768;zo&#768; kle&#768;&#774; de&#768;bwe&#768; ki igeko&#768;&#774; no&#768; so&#770; ne&#768; hle&#768;&#774;.</div><div class="s">De&#768;li&#772;dobwi&#770;the&#768;&#774; d&#769;o&#774; Mo&#768;&#772;kho</div><div class="r">(Lu&#774;ka 12.33,34)</div><div class="p"> 19&#8220;Le&#768;&#772;di&#770;hti&#770;&#774;ge m&#769;e&#768; thi&#774; nikhi&#774; de&#768;li&#772;dobwi&#770;the&#768;&#774; d&#769;o&#774; La&#772;kho, hte&#768; d&#769;o&#774; htalai&#770; ki&#770; phe&#768;&#774;pu alo&#772; za, ki&#770; do&#774; bija a ahume&#768;ke&#768;&#774;de&#768; b&#769;aphlo&#768;&#774; leni&#772; za abu ale jo nu m&#769;e&#768;. 20M&#769;i&#770; le&#768;&#772;di&#770;hti&#770;&#774;gebo&#768;&#772; thi&#774; nikhi&#774; de&#768;li&#772;dobwi&#770;the&#768;&#774; d&#769;o&#774; Mo&#768;&#772;kho, hte&#768; d&#769;o&#774; htal&#769;ai&#770; m&#769;i&#770;wi&#770;, phe&#768;&#774;pu m&#769;i&#770;wi&#770;, ta alo&#772; za n&#769;o&#768;, ki&#770; d&#769;o&#774; bija ahume&#768;ke&#768;&#774;de&#768; ta b&#769;aphlo&#768;&#774; leni&#772; za abu n&#769;o&#768; alle nu. 21Mane&#768;&#772; ko&#768;d&#769;o&#768;do do&#772;, b&#769;e&#774; ne&#768; de&#768;li&#772;dobwi&#770;the&#768;&#774; o&#768; alle nu, na tha o&#768; ko&#770;ko&#770;.</div><div class="s">Neb&#769;i&#770;&#774;ce&#768; Ade&#768;hli&#770;&#774;</div><div class="r">(Lu&#774;ka 11.34-36)</div><div class="p"> 22&#8220;Na ga&#772;du&#774; m&#769;i&#770; ne neb&#769;i&#770;&#774;ce&#768; ade&#768;hli&#770;&#774;, na ga&#772;du&#774; gi&#770;&#772; hli&#770;&#774; ma d&#769;o&#772;, ni&#770; neb&#769;i&#770;&#774;ce&#768; the&#768;d&#769;e&#768;&#774;bwe&#768; gi&#770;&#772; hli&#770;&#774;ko&#768;&#774;. 23M&#769;i&#770; na ga&#772;du&#774; ko&#768; zo&#768;bra ma d&#769;o&#772;, ni&#770; neb&#769;i&#770;&#774;ce&#768; the&#768;d&#769;e&#768;&#774;bwe&#768; ko&#768; o&#768;ko&#768;&#774; de&#768;khikle&#768;&#774;. Ne&#768; de&#768;hli&#770;&#774; ao&#768; nu bu gi khi ma d&#769;o&#772;, ne&#768; de&#768;khi nu agi&#772; zi&#770;&#772;ko&#768;&#774; pwede&#768;&#772; lo&#768;!</div><div class="s">Kib&#769;i&#774;ce&#768; Ahti&#774;age</div><div class="r">(Lu&#774;ka 16.13; 12.22-31)</div><div class="p"> 24&#8220;Bija da khazo&#770; za ab&#769;ice&#768; gi&#772;bwe&#768; n&#769;o&#768;. Mane&#768;&#772; ko&#768;&#772; d&#769;o&#768;do do&#772;, ze&#768; ge&#768;&#772; hte&#768;ke&#768;&#774;hte&#768;o&#770; de&#768;bwe&#768; ki&#770; b&#769;e&#768;lo&#768;&#772; alewe de&#768;bwe&#768;, m&#769;i&#770;&#774;di&#770;m&#769;i&#770; n&#769;o&#768;, ze&#768; ge&#768;&#772; me&#768;ko&#770;ko&#768;&#774; de&#768;bwe&#768; aka&#774;, ki&#770; hte&#768;ke&#768;&#774;ko&#768;&#774; alewe de&#768;bwe&#768;. Thi&#774; da khazo&#770; za Kib&#769;i&#774;ce&#768; ki&#770; mammon taplakha&#774; lo&#768; n&#769;o&#768;.</div><div class="p"> 25&#8220;Me&#768;go&#772;nu d&#769;o&#772;, jo&#768; d&#769;o&#768;&#774;sa thi&#774;, thi&#774; de&#768;o&#768; anikhi&#774; b&#769;e&#768;hjo&#774;b&#769;e&#768;ma m&#769;e&#768; thi&#774; ka a b&#769;e&#768; o&#768;&#774;b&#769;e&#768; dane&#768;&#772; nu m&#769;e&#768;, ki&#770;d&#769;o&#768;&#774; thi&#774; neb&#769;i&#770;&#774;ce&#768; anikhi&#774;, thi&#774; go&#770;&#772; ko&#770;&#774; go&#768;&#772; tho&#768; b&#769;e&#768; dane&#768;&#772; nu m&#769;e&#768; m&#769;e&#768;. Ge&#768; de&#768;o&#768; do dokhlo&#774;li&#774; me&#768; de&#768;ade&#768;o&#768;&#774; n&#769;o&#768; a&#772;? Ki&#770;d&#769;o&#768;&#774; ge neb&#769;i&#770;&#774;ce&#768; nu do dokhlo&#774;li&#774; ki&#770; de&#768;ko&#770;&#774;de&#768;tho&#768; n&#769;o&#768; a&#772;? 26Tcabo&#768;&#772;, hto&#774;phojo&#772;li d&#769;o&#774; gi&#772;llikle&#768;&#774; nu, ada ba&#772; b&#769;ukhwi&#774; n&#769;o&#768;, ate&#768; ke&#768;b&#769;u n&#769;o&#768; n&#769;o&#768;, ato&#768; to&#768;ni&#772;ge pha&#774;bu n&#769;o&#768; n&#769;o&#768;; barasa&#774; thi&#774; Pa ao&#768; d&#769;o&#774; Mo&#768;&#772;kho de&#768;bwe&#768; b&#769;oa te&#768;pwe&#768; ce&#768;. Thi&#774; li&#772; thi&#774; bwi&#770; to dokhlo&#774;li&#774;bo&#768;&#772; ce&#768; to&#768;co&#768; azi&#770;&#772;azo&#770;&#772; n&#769;o&#768; a&#772;? 27D&#769;o&#774; thi&#770; kle&#768;&#774; nu, ako&#774;htakjala ki&#770; ame&#768; hto&#770;&#774;hta za ane deble o&#768;bo&#768;&#772; de&#768;bwe&#768;bwe&#768; a&#772;?</div><div class="p"> 28&#8220;Ki&#770;d&#769;o&#768;&#774; thi&#774; de&#768;ko&#770;&#774;de&#768;tho&#768; anikhi&#774;, thi&#774; b&#769;e&#768;hjo&#774; mane&#768;&#772;? Tcab&#769;o&#768;&#772;, li&#774;lipho&#768;&#774; d&#769;o&#774; pra bu nu ke&#768;hta cade&#768;&#772;? Ade&#768; me&#768;de&#768; n&#769;o&#768;, ade hlehlu n&#769;o&#768; n&#769;o&#768;. 29Barasa&#774; jo&#768; d&#769;o&#768;&#774;sa thi&#774;, So&#768;lo&#768;mo&#768;n hno&#768;&#774;nu, d&#769;o&#774; zo&#768; do&#768; ze the akle&#768;&#774;, zo&#770; do&#770; ko&#770;&#774; do&#768; tho&#768; ke&#768;hta acab&#769;o&#770;&#774; pho&#768;&#774; ajo to&#768;co&#768; akle&#768;&#774; do&#768;pho&#768;&#774; n&#769;o&#768;. 30Ki&#770;d&#769;o&#768;&#774; pra bu ami, hte&#768; ao&#768; kho&#774;dini ki&#770; mo&#768;be&#774; ab&#769;e&#768;hwe&#774;ni&#772; hmi&#770; abo&#768;bu nu, Kib&#769;i&#774;ce&#768; go&#772; d&#769;oko&#770;&#774;d&#769;otho&#768; ce&#768; pwe&#774; go&#772;nu d&#769;o&#772;, o&#774; thi&#774;, ade&#768;b&#769;u scipho to&#768;co&#768;, d&#769;oli&#774; ki&#770; anu, zo to d&#769;oko&#770;&#774;d&#769;otho&#768; me&#768;thi&#774; n&#769;o&#768; a&#772;?</div><div class="p"> 31&#8220;Me&#768;go&#772;nu d&#769;o&#772;, b&#769;e&#768;hjo&#774; ki&#770; d&#769;o&#768; m&#769;e&#768; &#8216;Wa ka ab&#769;e&#768; dane&#768;&#772;? Wo&#768; ko&#768; o&#768;&#774;b&#769;e&#768; dane&#768;&#772;?&#8217; &#8216;Wo&#770; go&#770;&#772; ko&#770;&#774; go&#768;&#772; tho&#768;ko&#768;&#774; dane&#768;&#772;?&#8217; nu m&#769;e&#768;. 32Mane&#768;&#772;, alo&#770; wa&#772;hle&#768; de&#768; ajo lo&#774;ca&#774;ce&#768; m&#769;i&#770; bwe&#768;thu&#774;kupho lo&#768;. De&#768; ajo to&#768;co&#768; b&#769;e&#768; o&#768; thi&#774; nikhi&#774; nu, thi&#774; Pa ao&#768; Mo&#768;&#772;kho de&#768;bwe&#768; thi&#770;he&#768;&#774; te&#768;pwe&#768;. 33Me&#768;go&#772;nu d&#769;o&#772;, wa&#772;hle&#768; u&#774;subo&#768;&#772; Kib&#769;i&#774;ce&#768; Ahti&#774;age ki&#770; Ze&#768; de&#768;di&#770;&#772;de&#768;hma, ki&#770; thi&#774; gi&#772; nib&#769;e&#768;ko&#770;ko&#768;&#774; de&#768; ajo lo&#774;ca&#774;ce&#768;. 34Me&#768;go&#772;nu d&#769;o&#772;, b&#769;e&#768;hjo&#774; i m&#769;e&#768; mo&#768;be&#774; anikhi&#774; m&#769;e&#768;, m&#769;i&#770; mo&#768;be&#774; ge&#768;&#772; b&#769;e&#768;hjo&#774; i d&#769;o&#768;&#774;e&#768; anikhi&#774;. Kho&#774;dini anikhi&#774;, kho&#774;dini ade&#768;bade&#768;se&#768;&#774; so&#770;&#774;ise&#768;i hto&#774; te&#768;pwe&#768;.</div>
 </div>
 </div>
</div>

Geba Roman New Testament © Bible Society of Myanmar, 2021.

“Sòibò̄ thĭ ne cab́ô̆htè thĭ gè̄ dè mè dè htè ab́èilani thĭ tòcò bija ahlò̆mò̄ d́ŏ bija gā tcahtî thĭ è̆ anikhĭ nu ḿè; thĭ gè̄ mè ma gōnu d́ō, thĭ gī di nib́è tèpwè thĭ sô thĭ hlè̆ d́ŏ Pa aò Mò̄kho nu ńò.
“Mègōnu d́ō b́ĕ ni igetcage bija nu, u ḿè khaja bija hlò̆mò̄ acab́ô̆ bija awî tòpòkho mè d́ŏ sinagŏgā kî klèdisci abu, cab́ô̆htè bija ko d́ŏ ka j́a cè nu ḿè; jò d́ò thĭ adî̄ahma, zi nib́è htŏ zô sô zè hlè̆. Kîd́ò̆ b́ĕ ni igetcage bija nu, nu cukhò adèhtwè mè danè̄ nu, i ḿè nu cukhò adîcî thîhè̆kô ḿè. Cab́ô̆htè nè dèigetcage kòòhuòzòbò̄ nu, kîd́ò̆ na Pa htè atcahtî dèhudèzò aklè̆ dèbwè kī igekò̆ nò sô nè hlè̆ nu.


“Kîd́ò̆ b́ĕ thĭ thèb́è̆hta nu, mè ḿè acab́ô̆ bija awî tòpòkho, htè ab́èlò̄ sò̆hto thèb́è̆ d́ŏ sinagŏgā kî klèdisci abu, cab́ô̆htè bija gā tcahti cè tòcò nu ḿè; jò d́ò thĭ adî̄ahma, zi nib́è htŏ zô sô zè hlè̆. Ḿî nè nu, b́ĕ nè thèb́è̆hta nu, genī ni hid́obu, kîd́ò̆ glè̄b́i hwă na khaglè̄, thèb́è̆hta huzòbò̄ na Pa, kidò̆ na Pa htè atcahtî dèhudèzò aklè̆ dèbwè, ki igekò̆ nò sô nè hlè̆.
“Kîd́ò̆ b́ĕ thĭ thèb́è̆hta akhî nu, jî̄b́è òèòò ḿè acab́ô̆ bwèthŭkupho tòcò nu ḿè; manè̄ kòd́òdo dō, zo gomo zi jî̄b́è òè khaĺè dè gò̄ sòkhĕńekò̆ ze lē nu. Mègōnu d́ō, mèbò̄ ḿè acab́ô̆ cè tòcò nu ḿè. Manè̄ kòd́òdo dō, thĭ dèsè̆ da hnî̆ńò, thĭ Pa thîhè̆ htŏ dè aloba thĭ nikhĭ ḿî danè̄ nu. Mègōnu d́ō, thĭ nu, thèb́è̆htabò̄ gōjo; Ŏ wa Pa, aò d́ŏ Mò̄kho nu, Ni mi kèb́è d́ò̆bò̄è atcahtĭ tîkî. Ni htĭ Ne ge gō do d́ò̆bò̄è tîkî. Acab́ô̆ dèmè ane htĕ Na tha d́ŏ Mò̄kho nu, dè gè̄ mè dò̆bò̄è ane d́ŏ Lākho akho jo tîkî. Khŏno dini khòwè ilabò̄ wa dèa toko tîkî. Kîdò̆ b́ăplèbò̄ wè dèkèḿè, acab́ô̆ wa b́ăplè bija amèkèḿè wa tòcò akhò̆ nu tîkî. Kîd́ò̆ leihŭ ḿè wa d́ŏ dèhnakă aklè̆ ḿè. Ḿî mèhlô̆htabò̄ wa d́ŏ dèkî̆kkè aklè̆ nu tîkî.
“Manè̄, b́ĕ thĭ b́ăplè bija tòcò adèkèḿè nu, thĭ Pa aò d́ŏ Mò̄kho dèbwè ḿî ḿî ka b́ăplèkò̆ thĭ dèkèḿè tòcò nu. Barasă thĭ ta b́ăplè ma bija adèkèḿè ńò d́ō, thĭ Pa ḿî ḿî gā ta b́ăplè tèpwè thĭ dèkèḿè ńò ńò.

“Kîd́ò̆ b́ĕ nu d́u dèadèò̆ nu, tcalathôj́ô mè acab́ô̆ bija atòpòkho tòcò mè nu ḿè; manè̄ kò̄ d́òdo dō, zè mè thĭwi zu mūkă bu cab́ô̆htè bija gā tcahtî cu d́u dèadèò̆ nu. Jò d́ò̆sa thĕbwe thĭ, zi nib́è htŏ zô sô zè hlè̆. Ḿî nè nu, b́ĕ nu d́u dèadèò̆ nu, thôphrô no ko dèhnŭẃi kî ŭbla nu mūkă; cab́ô̆htè bija gā da tcahtî nu d́u dèadèò̆ ńò, ḿî na Pa aò dèhudèzò dèbwè gā tcahtî thîhè̆bò̄ lò nu, kîd́ò̆ na Pa atcahtî dèhudèzò klè̆ dèbwè ki igekò̆ nò sô nè hlè̆.


“Lè̄dîhtî̆ge ḿè thĭ nikhĭ dèlīdobwîthè̆ d́ŏ Lākho, htè d́ŏ htalaî kî phè̆pu alō za, kî dŏ bija a ahumèkè̆dè b́aphlò̆ lenī za abu ale jo nu ḿè. Ḿî lè̄dîhtî̆gebò̄ thĭ nikhĭ dèlīdobwîthè̆ d́ŏ Mò̄kho, htè d́ŏ htaĺaî ḿîwî, phè̆pu ḿîwî, ta alō za ńò, kî d́ŏ bija ahumèkè̆dè ta b́aphlò̆ lenī za abu ńò alle nu. Manè̄ kòd́òdo dō, b́ĕ nè dèlīdobwîthè̆ ò alle nu, na tha ò kôkô.


“Na gādŭ ḿî ne neb́î̆cè adèhlî̆, na gādŭ gî̄ hlî̆ ma d́ō, nî neb́î̆cè thèd́è̆bwè gî̄ hlî̆kò̆. Ḿî na gādŭ kò zòbra ma d́ō, nî neb́î̆cè thèd́è̆bwè kò òkò̆ dèkhiklè̆. Nè dèhlî̆ aò nu bu gi khi ma d́ō, nè dèkhi nu agī zî̄kò̆ pwedè̄ lò!


“Bija da khazô za ab́icè gībwè ńò. Manè̄ kò̄ d́òdo dō, zè gè̄ htèkè̆htèô dèbwè kî b́èlò̄ alewe dèbwè, ḿî̆dîḿî ńò, zè gè̄ mèkôkò̆ dèbwè akă, kî htèkè̆kò̆ alewe dèbwè. Thĭ da khazô za Kib́ĭcè kî mammon taplakhă lò ńò.
“Mègōnu d́ō, jò d́ò̆sa thĭ, thĭ dèò anikhĭ b́èhjŏb́èma ḿè thĭ ka a b́è ò̆b́è danè̄ nu ḿè, kîd́ò̆ thĭ neb́î̆cè anikhĭ, thĭ gô̄ kô̆ gò̄ thò b́è danè̄ nu ḿè ḿè. Gè dèò do dokhlŏlĭ mè dèadèò̆ ńò ā? Kîd́ò̆ ge neb́î̆cè nu do dokhlŏlĭ kî dèkô̆dèthò ńò ā? Tcabò̄, htŏphojōli d́ŏ gīlliklè̆ nu, ada bā b́ukhwĭ ńò, atè kèb́u ńò ńò, atò tònīge phăbu ńò ńò; barasă thĭ Pa aò d́ŏ Mò̄kho dèbwè b́oa tèpwè cè. Thĭ lī thĭ bwî to dokhlŏlĭbò̄ cè tòcò azî̄azô̄ ńò ā? D́ŏ thî klè̆ nu, akŏhtakjala kî amè htô̆hta za ane deble òbò̄ dèbwèbwè ā?
“Kîd́ò̆ thĭ dèkô̆dèthò anikhĭ, thĭ b́èhjŏ manè̄? Tcab́ò̄, lĭliphò̆ d́ŏ pra bu nu kèhta cadè̄? Adè mèdè ńò, ade hlehlu ńò ńò. Barasă jò d́ò̆sa thĭ, Sòlòmòn hnò̆nu, d́ŏ zò dò ze the aklè̆, zô dô kô̆ dò thò kèhta acab́ô̆ phò̆ ajo tòcò aklè̆ dòphò̆ ńò. Kîd́ò̆ pra bu ami, htè aò khŏdini kî mòbĕ ab́èhwĕnī hmî abòbu nu, Kib́ĭcè gō d́okô̆d́othò cè pwĕ gōnu d́ō, ŏ thĭ, adèb́u scipho tòcò, d́olĭ kî anu, zo to d́okô̆d́othò mèthĭ ńò ā?
“Mègōnu d́ō, b́èhjŏ kî d́ò ḿè ‘Wa ka ab́è danè̄? Wò kò ò̆b́è danè̄?’ ‘Wô gô̄ kô̆ gò̄ thòkò̆ danè̄?’ nu ḿè. Manè̄, alô wāhlè dè ajo lŏcăcè ḿî bwèthŭkupho lò. Dè ajo tòcò b́è ò thĭ nikhĭ nu, thĭ Pa aò Mò̄kho dèbwè thîhè̆ tèpwè. Mègōnu d́ō, wāhlè ŭsubò̄ Kib́ĭcè Ahtĭage kî Zè dèdî̄dèhma, kî thĭ gī nib́èkôkò̆ dè ajo lŏcăcè. Mègōnu d́ō, b́èhjŏ i ḿè mòbĕ anikhĭ ḿè, ḿî mòbĕ gè̄ b́èhjŏ i d́ò̆è anikhĭ. Khŏdini anikhĭ, khŏdini adèbadèsè̆ sô̆isèi htŏ tèpwè.

Ouça Mattĕo 6