खास चेला ईं किताब गै बारै में
ईं किताब गै बारै में
खास चेला गा कामां गो सार लूका गो लिखेड़ो सुब समाचार गो आ'गै गो सार है। इमै खास बात आ बतावै है कै यीसू मसी गा सरुआळा बिस्वासी पवितर आत्मा गी अगुवाई में अर यीसू गै सुब समाचार नै यरुसलेम अर सारै यहुदियां परदेस अर सामरिया अर धरती गी च्यारूं कूंटा तांई किंया सुणायो, ओ एक मसी जळूस गी क्हाणी है झिको यहुदी लोगां में सरू होयो अर आ'गै जा'गे सारै संसार गै लोगां में बिस्वास गो कारण बणग्यो।
खास चेला गी किताब तीन भाग करया जा सकै। (1) यीसू मसी गै सुरग जाण गै बाद यरुसलेम में मसी गो परचार सरू होयो; (2) फिलिस्तिन गै दूसरै भागां में इंगो परचार; (3) रोमी देस तांई बिंगो परचार।
ईं किताब में खास बात आ है कै पवितर आत्मा गी सहभागिता। बो पेन्तिकुस्त गै दिन यरुसलेम में भेळा होएड़ा बिस्वासियां पर बड़ी सामरथ ऊं पवितर आत्मा उतरयो। इमै खास कर'गे अगुवा लोगां खातर खास रा गै बारै में बी बताएड़ो है झिका ऊं बानै सामरथ मिलै अर मसी धरम गो सरू गो सार बी बताएड़ो है।
ईं किताब गा पेला बारा अध्याय में पतरस, स्तिफनुस, फिलिप्पुस, बरनाबास अर याकूब गै बारै में लिखेड़ो है। अर तेरा अध्याय ऊं लेगे आखर तांई पौलुस गै बारै में लिखेड़ो है।
रूप रेखा
गवाई गी तैयारी 1:1-26
यरुसलेम में गवाई 2:1–8:3
यहुदियां अर सामरिया में गवाई 8:4–12:25
पौलुस गो सेवा गा काम 13:1–28:31
Atualmente selecionado:
खास चेला ईं किताब गै बारै में: BGQ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2023 (Active), Wycliffe Bible Translators, Inc. All rights reserved. © WIn Publishing Trust