KUPUTUKA 22
22
Apalahama navamulweza ngwavo, amulumbe Isaka
1Kaha casolokele hakukumisa vyumevi, Kalunga amwesekele Apalahama, amwambile ngwenyi, Ove Apalahama. Ikiye etavile ngwenyi, Yami uno mwane.
2Amwambile ngwenyi, Twala jino mwanove walunga, mwanove umwe kaha lyamunwe, ou wazanga, ou Isaka, uyenga kulifuci lyaMoliya, ukangulumbileyo kuze kupwa wana wakulumba hapili yize nangukakulweza.
3Apalahama amenekele cimenemene, alemene cimbulu cenyi, akatwile vakweze jenyi vavali aye navo, namwanenyi Isaka. Kaha acavile jikunyi jawana wakulumba, akatukile, ayile kuze vamulwezele kuli Kalunga.
4Halikumbi lyamucitatu Apalahama andwile meso enyi, amwene kuze kwakusuku.
5Apalahama ambile kuli vakweze jenyi ngwenyi, Twamenu kuno nacimbulu, kahetu namwanami natuya kuze nakulemesa Kalunga, Hakukinduluka ceka kuli enu.
6Apalahama anonele jikunyi jawana wakulumba nakumutwikajo mwanenyi Isaka. Akwacile kakahya mulivoko lyenyi, napoko nawa. Kaha vayile vosena vavali hamwe.
7Isaka ahanjikile kuli ise Apalahama ngwenyi, Ove tata. Ikiye etavile ngwenyi, Yami uno, mwanami. Amwihwile ngwenyi, Tala, kakahya kakako najikunyi jejijo. Oloze musamba wawana wakulumba ali kulihi?
8Apalahama amwambile ngwenyi, Ove mwanami, Kalunga mwakalitalila Ivene musamba wawana wakulumba. Ngoco vayile vosena vavali hamwe.
9Kaha Vahetele kuze amulwezele Kalunga. Apalahama atungile lijiko lyakulumbila kuze, alileho jikunyi, hikukasa mwanenyi Isaka #Hepe. 11.17-19.nakumusavalika halijiko lyakulumbila hajikunyi.
10Apalahama olwele livoko lyenyi, akwacile poko ngwenyi, ajihe mwanenyi.
11Kaha kangelo kaYehova amutambakanyine muze apwile mwilu, amwambile ngwenyi, Ove Apalahama, ove Apalahama. Ikiye etavile ngwenyi, Yami uno mwane.
12Amwambile ngwenyi, Kanda unangika livoko lyove hali mukwezeko, cipwe kumulinga cuma cimwe pimbi. Mwomwo jino ngunatacikiza ngwami, unevu woma waKalunga, mwomwo kawanguminyine niwanoveko, ikiye mwanove umwe kaha lyamunwe.
13Apalahama andwile meso enyi nakutala, kaha amwene cizamba camukoko munyima yenyi naliswiki jimbinga mulifufwa. Apalahama ayile nakumukwata mukoko, nakumulumba hiwana wakulumba wakuxixisa muli mwanenyi.
14Apalahama alukile kuze ngwenyi, #22.14 Nge ngwenyi, KuYehova-mwatala.KuYehova-yile, nge omu veji kuhanjikanga nakulikumbi lyalelo ngwavo, Kupili yaYehova #22.14:Mokomoko ngwavo, Kukiko navakamumwena.kukiko navakaciwanyina.
15Kaha kangelo kaYehova amutambakanyine Apalahama kamucivali muze apwile mwilu
16ngwenyi, Yehova nambe ngwenyi, #Hepe. 6.13, 14.Ngunalixingi Ami lyavene ngwami, mwomwo unalingi cuma cino nakuzeneka kungumina mwanove, mwanove umwe kaha lyamunwe,
17xikaho nangukukisula nakukukisula, kaha nangukavulisa vaka-tanga yove nakuvavulisa nge vatanganyika vamwilu, nge musekulula wakungenge yakalungalwiji. Mukatanga yove mwakaheta cikolo cavaka-kole jenyi.
18Kaha #Ngale. 3.8, 16; Vili. 3.25.muli muka-tanga yove vaka-mafuci ahamavu vosena navakamona kutokwa, mwomwo unononoka mulizu lyami, xikaho.
19Ngoco Apalahama akindulukile kuli vakweze jenyi. Vakatukile, vayile hamwe kuMbele-xeva, kaha Apalahama atwaminenga kuMbelexeva.
20Kaha casolokele, hakukumisa vyumevi, vamulwezele Apalahama ngwavo, Tala, naMilika nawa naseme vana nayayove Nahole,
21ou Uze mwanenyi watwatwa, ou songo yenyi Mbuze, ou Kemwele ise yaAlame,
22ou Kesete, ou Hazo, ou Pilitaxe, ou Yitalafwe, ou Mbetwele.
23Kaha Mbetwele asemene Laveka. Ava vatanu navatatu Milika avasemene naNahole, yaya yaApalahama.
24Kaha pwevo lyenyi wakwingilila, lijina lyenyi apwile ikiye Leume, ikiye nawa asemene Teva, naNgahame, naTahaxe, naMaka.
Atualmente selecionado:
KUPUTUKA 22: LUE70
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Luvale Bible © Bible Society of Zambia, 1970.