KUPUTUKA 21
21
Kusemuka caIsaka
1Yehova ejile kuli Sala nge omu ambile, kaha Yehova amulingile Sala nge muze ahanjikile.
2 #
Ngale. 4.22; Hepe. 11.11. Sala emicile lijimo, asemene mwana walunga naApalahama hauxinakaji wenyi, hakakweji wakutongola uze amuvulukilile Kalunga.
3Mwanenyi walunga uze asemukile kuli ikiye, uze asemene naSala, Apalahama amulukile lijina lyenyi ngwenyi, Isaka.
4Apalahama ajihanyine mwanenyi Isaka omu apwile namakumbi atanu naatatu, nge muze vamulwezele kuli Kalunga.
5Apalahama apwile nalikulukaji lyamyaka omu asemuwile mwanenyi Isaka.
6Kaha Sala ambile ngwenyi, Kalunga nangusehesa, ngoco wose mwevwako mwaseha nayami hamwe.
7Ambile nawa ngwenyi, Iyaze ahaxile kuhanjika kuli Apalahama ngwenyi, Sala mwakamwisa vana? mwomwo ngunaseme nenyi mwana hauxinakaji wenyi.
Navahanga Hangale naIximele
8Uze mwana azovolokele, kaha amusumwine. Apalahama atelekele ciwanyimo cakulya cacivulu halikumbi lize vasumwine Isaka.
9Kaha Sala amwene mwanaHangale kaEjipitu, uze asemene naApalahama, apwile nakuseha.
10Xikaho ambile kuli Apalahama ngwenyi, #Ngale. 4.30; Yowa. 8.34-36.Hangou pwevo wandungo namwanenyi hamwe, mwomwo mwanou pwevo wandungo kexi kukapwa swana namwanami Isaka hamweko.
11Cuma kana capihile cikuma kumeso aApalahama mwomwo hali mwanenyi.
12Kaha Kalunga ambile kuli Apalahama ngwenyi, Kanda wivwa kupihya hali mwanove nahali ndungo yoveko. Ivwilila mulizu lyaSala mwosenomu mwakwamba, mwomwo #Loma 9.7; Hepe. 11.8.muli Isaka mukiko navakavulukila vaka-tanga yove.
13Nangukalingisa muyaci wavatu nakuli mwana wakuli pwevo wandungo nawa, mwomwo ikiye napu mwanove, xikaho.
14Apalahama amenekele cimenemene, ambacile mbolo natuku yameya, avihanyine kuli Hangale, kumutwikavyo hacifwiji cenyi, amuhanyine mwanenyi, hikumusuwula. Ikiye akatukile, ayile nakulumbwangila mupambo yaMbele-xeva.
15Jino meyaze apwile mutuku ahwile, kaha atumbikile mwanenyi muxi yaciputa.
16Asosolokele, atwamine kwakulitalasana nenyi kwakusuku, tando nge kwakuwilila mwivwi wakwasa. Mwomwo alyambile ngwenyi, Kanda ngutala kufwa camwanamiko. Atwamine kwakulitalasana nenyi kuze, lilile nalizu lyakukanguka.
17Kalunga evwile lizu lyayauze mukweze, kaha kangelo kaKalunga atambakanyine kuli Hangale muze apwile mwilu, amwambile ngwenyi, Ove Hangale, ngacilihi? Kanda wivwa womako, mwomwo Kalunga nevu lizu lyamukweze muze ali.
18Katuka, muzundule mukweze, mukwate kulivoko lyove, mwomwo nangukamulingisa kupwa muyaci waunene.
19Kalunga amutonesele meso enyi, kaha amwene lixima lyameya. Akatukile, asulixile tuku nameya, amunwixile mukweze.
20Kalunga apwile nayauze mukweze, kaha azovolokele. Atwaminenga mupambo, kaha ikiye hakuzovoloka apwile muka-kwasa nauta wamanana.
21Atwaminenga mupambo Palane, kaha naye amumbacilile pwevo wakulifuci lyaEjipitu.
Apalahama naAvimeleke navalixika
22Kaha casolokele hamakumbi aze, Avimeleke naFwikole kapitau kajita yenyi vahanjikile kuli Apalahama ngwavo, Kalunga ali nayove mwexomwo weji kulinganga.
23Xikaho jino, lixinge Kalunga kuli ami kuno ngwove, kawexi kuka-ngwongako, cipwe mwanami, cipwe muzukulyami, oloze nge mwaya likoji kana ngunakulingi ove, ngoco munaungulingangami nalifuci lino unazuzumana.
24Apalahama ngwenyi, Nangulixinga.
25Apalahama amuhanjikilile Avimeleke halixima lyameya lize vamunyangile vangamba jaAvimeleke.
26Avimeleke amwambile ngwenyi, Kangwatacikijile ou nalingi cuma kanako. Cipwe ove kawangulwezeleko, cipwe ami kangwacivwileko, kuvanga lelo kaha.
27Apalahama akwacile mikoko navangombe nakuvahana kuli Avimeleke, kaha vosena vavali valixikile luxiko.
28Apalahama atumbikile vana vamikoko vavipwevo vatanu navavali nahavo.
29Avimeleke amwihwile Apalahama ngwenyi, Ava vana vamikoko vavipwevo vatanu navavali, ava unahake nahavo, mangana kana aya mulihi?
30Amwambile ngwenyi, Ava vana vamikoko vavipwevo vatanu navavali uvatambula kulivoko lyami vapwenga unjiho wami ngwavo, ami ngunafulu lixima lino.
31Xikaho alukile kuze ngwenyi, #21.31:Nge ngwenyi, Kulixima lyakulixinga. KuMbele-xeva, mwomwo kuze vosena vavali valixingile, xikaho.
32Ngoco valixikile luxiko kuMbelexeva, kaha Avimeleke akatukile, naFwikole kapitau kajita yenyi, vakindulukile kulifuci lyavaFwilixite.
33Apalahama atumbile mutondo kuMbele-xeva, kaha asanyikile Yehova halijina lyenyi kuze, Kalunga wahaya myaka yosena.
34Apalahama azuzumanyinenga makumbi amavulu mulifuci lyavaFwilixite.
Atualmente selecionado:
KUPUTUKA 21: LUE70
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Luvale Bible © Bible Society of Zambia, 1970.