JOHANU 14
14
1Mì dike ayiha mìtọn yín tuklanọ blo: mì yise to Jiwheyẹwhe mẹ, mì yise to yẹn mẹ ga. 2To owhé Otọ́ ṣie tọn gbè ofi ninò susu wẹ tin: eyín é ma yín mọ, yẹn do kò dọ hlan mì. Yẹn jei nado wleawu otẹn de tọn dai na mì. 3Eyín yẹn yì bo wleawu otẹn de tọn dai na mì, yẹn nasọ lẹgò, bo hẹn mì yì dè de; na ofi he yẹn te finẹ wẹ mì na nọ ga. 4Podọ ofi he yen jei mì yọnẹn, mì sọ yón aliho lọ ga. 5Tọmasi dọ hlan ẹn, dọ, Oklunọ, mìwlẹ ma yón ofi he hiẹ jei; nawẹ mí na yón aliho lọ do? 6Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali 7Eyín mìwlẹ ko yón mi, mì do ko yón Oto ṣie ga: podọ sọn dinvie yì, mìwlẹ ko yọn ẹn, bo ko sọ mọ ẹn. 8Filipi dọ hlan ẹn, dọ, Do Otọ́ lọ hia mí, Oklunọ, é sọ sù na mí. 9Jesu dọ hlan ẹn, dọ, Be le yẹn ko tin to mì de dẹn do, hiẹ ma ko yon mi gba, Filipi? ewọ he ko mọ mì ko mọ Oto; nawẹ hiẹ dọ do dọ, Do Otọ lọ hia mí? 10Be hiẹ ma yise dọ yẹn tin to Otọ mẹ, podọ Otọ tin to yẹn mẹ? Ohó he yẹn dọ hlan mì lẹ, yẹn ma dọ sọn dẽ de gba; ṣigba Otọ́ he nọnọ̀ yẹn mẹ wẹ wà azón lẹ lọ. 11Mì yise dọ yen tin to Otọ me, podọ Otọ́ tin to yẹn me: kavi eyín e ma yín mọ, mì bo yi mi se na azọn lọsu lẹ tọn wutu. 12Nugbo, nugbo, wẹ yẹn dọ hlan mì, Mẹhe yi mi se, azón he yẹn wà, wẹ ewọ na wa ga; azọn he sọ klohu ehelẹ wẹ é na wà; na yẹn yì Otọ́ ṣie de wutu. 13Podọ onú depope he mì na kanbiọ to oyín ṣie mẹ, enẹ wẹ yẹn na wà, na yè nido pagigona Otọ́ to Ovi mẹ. 14Eyín mì kàn nudepope biọ to oyín ṣie mẹ, yẹn na basi i. 15Eyín mì yiwanna mi, mì bo yìn osẹn ṣie lẹ. 16Yẹn nasọ hodè hlan Otọ́, ewọ nasọ na Homẹjladoto devo mì, na dọ ewọ nido tin to mì de kaka doi; 17yèdọ Gbigbọ nugbo tọn; mẹhe aihọn ma sọgan yí, na é ma mọ ẹn, mọ é ma yón ẹn; ṣigba mìwlẹ yón ẹn; na ewọ nọnọ̀ mì de, bo nasọ tin to mì mẹ. 18Yẹn ma na jo mì do mẹdesọnajinọkòn gba: yẹn sọ ja mì de. 19To whenu vude, aihọn ma na mọ mi ba; ṣigba mìwlẹ mọ mi: na yẹn tin to ogbè wutu, mì na tin to ogbè. 20To azán lọ gbè mì na yọnẹn dọ yẹn tin to Otọ́ ṣie mẹ, podọ mìwlẹ to yẹn mẹ, podọ yẹn to mì mẹ. 21Ewọ he tindo ósén ṣie lẹ, bo sọ yìn yé, ewọ lọ wẹ mẹhe yiwanna mi: mẹhe sọ yiwanna mì, yè na yiwan nẹ sọn Otọ́ ṣie de, yẹn nasọ yiwan nẹ bo nasọ do dè hia hlan ẹn. 22Juda dọ hlan ẹn, e ma yin Iskaliọti gba, dọ Oklunọ, etẹ wẹ ja jijọ gbé bọ hie na do dewe hia hlan mí, bọ é ma na yín hlan aihon? 23Jesu gblọn bo dọ hlan en, dọ, Eyín mẹde yiwanna mi, é na yin ohó ṣie lẹ: Otọ́ ṣie nasọ yiwan nẹ, mi nabọ wá e de, bo nasọ basi nọtẹn mìton to e de. 24Mẹhè ma yiwanna mi, e ma se ohó ṣie: na ohó he mì sè lọ ma yin ṣie, ṣigba Otọ́ he do mi hlan tọn wẹ.
25Onu helẹ wẹ yẹn ko dọ hlan mì, whenuena yẹn to ninò hẹ mì. 26Ṣigba Whẹ̀yídotọ lọ, he yín Gbigbọ Wiwe, mẹhe Otọ́ na dohlan to oyín ṣie mẹ, ewọ na plon onu lepo mì, bo nasọ hen onú he yen dọ hlan mi lepo wá oflin mìton me. 27Jijọho wẹ yẹn jo do mì de, jijoho ṣie wẹ yen na hlan mì: é ma yín le aihọn ko namẹ do wẹ yen na hlan mì do gba. Midike ayiha mìton yín tuklanọ blo, mì sọ dike é yín obunọ blo. 28Mì sè le yẹn dọ hlan mì, dọ, Yẹn jei, bo sọ vó gọja mì de. Eyín mì yiwanna mi, mì do ko jaya, na yẹn jei Oto de wutu: na Oto yín kiklo hú mi. 29Yẹn ko dọ hlan mì dinvie whẹpo é na jọ, dọ whenuena é jọ na mì nido yise. 30Yẹn ma na dọhó susu hẹ mì ba gba: na ahọvi aihọn tọn lọ wá, ewọ ma sọ tindo núde to yen mẹ. 31Ṣigba na aihọn nido yọnẹn dọ yẹn yiwanna Otọ; podọ dile Otọ́ na osén mi do, yèdọ mọwẹ yẹn wà do. Mì fọ́n, mì gbọ mí ni yì sọn ofi.
Atualmente selecionado:
JOHANU 14: BWL23
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Holy Bible in Gun-Alada © Bible Society of Benin and Bible Society of Nigeria, 1923.