Versículos bíblicos populares de JOHANU 14

Partilhar

Jijọho wẹ yẹn jo do mì de, jijoho ṣie wẹ yen na hlan mì: é ma yín le aihọn ko namẹ do wẹ yen na hlan mì do gba. Midike ayiha mìton yín tuklanọ blo, mì sọ dike é yín obunọ blo.

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

Mì dike ayiha mìtọn yín tuklanọ blo: mì yise to Jiwheyẹwhe mẹ, mì yise to yẹn mẹ ga.

Ṣigba Whẹ̀yídotọ lọ, he yín Gbigbọ Wiwe, mẹhe Otọ́ na dohlan to oyín ṣie mẹ, ewọ na plon onu lepo mì, bo nasọ hen onú he yen dọ hlan mi lepo wá oflin mìton me.

Ewọ he tindo ósén ṣie lẹ, bo sọ yìn yé, ewọ lọ wẹ mẹhe yiwanna mi: mẹhe sọ yiwanna mì, yè na yiwan nẹ sọn Otọ́ ṣie de, yẹn nasọ yiwan nẹ bo nasọ do dè hia hlan ẹn.

Yẹn nasọ hodè hlan Otọ́, ewọ nasọ na Homẹjladoto devo mì, na dọ ewọ nido tin to mì de kaka doi; yèdọ Gbigbọ nugbo tọn; mẹhe aihọn ma sọgan yí, na é ma mọ ẹn, mọ é ma yón ẹn; ṣigba mìwlẹ yón ẹn; na ewọ nọnọ̀ mì de, bo nasọ tin to mì mẹ.

Podọ onú depope he mì na kanbiọ to oyín ṣie mẹ, enẹ wẹ yẹn na wà, na yè nido pagigona Otọ́ to Ovi mẹ. Eyín mì kàn nudepope biọ to oyín ṣie mẹ, yẹn na basi i.

Eyín mì yiwanna mi, mì bo yìn osẹn ṣie lẹ.

To owhé Otọ́ ṣie tọn gbè ofi ninò susu wẹ tin: eyín é ma yín mọ, yẹn do kò dọ hlan mì. Yẹn jei nado wleawu otẹn de tọn dai na mì.

Eyín yẹn yì bo wleawu otẹn de tọn dai na mì, yẹn nasọ lẹgò, bo hẹn mì yì dè de; na ofi he yẹn te finẹ wẹ mì na nọ ga.

Tọmasi dọ hlan ẹn, dọ, Oklunọ, mìwlẹ ma yón ofi he hiẹ jei; nawẹ mí na yón aliho lọ do?