KUZOYA 8
8
Kutua kwa gharika
1Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua. 2Ndoria ra machi gha ndoenyi na madirisha gha mlungunyi ghikarughika na vua kufuma mlungunyi ikaela. 3Machi ghikakaia ghikipungua ndoenyi mboa-mboa. Na kutua kwa matuku ighana na mirongo misanu, agho machi ghikapungua putu. 4Hata ituku ja ikumi na mfungade ja mori ghwa mfungade, ija safina ikakaria aighu ya mighondi ya Ararati. 5Machi ghikachuria kupungua hata mori ghwa ikumi, ituku ja imbiri ja mori ugho, mido ya mighondi ikazoya kuwoneka.
6Nyuma ya matuku mirongo ina, Nuhu ukarughua jija idirisha ja safina orejibonyereghe, 7ukaifunya ngorusa cha shighadi, nayo ikakaia ikimara-mara ii chia na ii chia hata agho machi ghikaoma. 8Niko ukafunya mbughi uwone ngera machi ghapungua ndoenyi, 9ela mbughi ikasowa andu kungi kokaria, nayo ikammburia aho safinenyi, angu machi gherekoghe ndoenyi kose; Nuhu ukaghughorua mkonu ghwake ukaiwada mbughi na kuingiria safinenyi. 10Nao ukaweseria matuku mfungade ukaifunya mbughi ukaiduma sena kufuma safinenyi; 11na mbughi ikammburia luma lwa kenyi, nao ola yadwae ilemba iwishi ja mzeituni momunyi kwake. Niko Nuhu ukamanya angu machi ghapungua ndoenyi. 12Nao ukawesera matuku mfungade, ukaiduma ija mbughi sena, nayo ndeeremmburieghe anduangi.
13Nao ituku ja imbiri ja mori ghwa imbiri, mwaka ghwa maghana arandadu na imweri, machi ghikaoma ndoenyi kose; Nuhu ukachiinja kilemeko cha safina, ukazighana ukawona angu ndoe yaoma. 14Ituku ja mirongo iwi na mfungade, mori ghwa kawi, ndoe erekoghe yaoma putu.
15Nao Mlungu ukamzera Nuhu, 16“Fuma safinenyi oho na muka wako, na wana wako, na waka wa wana wako. 17Sena kufunye icho chose chiko moyo kukwanye nacho: nyonyi, nyamandu, na icho chose chiavuagha andoenyi, eri rive kwa wungi na kuchurikia ndoenyi.” 18Niko Nuhu ukafuma na wana wake, na muka wake, na waka wa wana wake, 19na kula nyamandu, na iro riavuagha andoenyi, na nyonyi rose, na icho chose chighendagha ndoenyi kwa mbari raro, vose verefumieghe safinenyi.
Nuhu kufunya kizongona
20Nao Nuhu ukamwaghia BWANA madhabahu; ukawada imu ya nyamandu rielie na imu ya nyonyi rielie, ukarifunya kizongona chekora aighu ya madhabahu. 21Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya. 22Wurumwengu ghukikaia aeni, kimu cha kuwa na cha kukuwida, mbeo na mruke, ngelo ya kwari na ya sumesu, kio na dime wori ndevichaaida anduangi.”
Atualmente selecionado:
KUZOYA 8: TAITA
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
©Bible Society of Kenya, 1997
All rights reserved.