Pi zi tiki 46
46
Yakob a nava gaini Yosef
1Izrayel a hala gaini wazagai na wiini paŋ.
A ga a Ber-seba a zini ɓaka wiini Alaw na wiini Isaak n'epini woni. 2War wala na siŋka arni war duvuk, Alaw a yika Izrayel: Yakob, Yakob. Yakob a waya seŋ: M'an na! 3Nɵa Alaw a miɗini: Mu ta m'Alaw, Alaw na wiini apuku, ku huna burini hili na war Egipte ɗa kai, buri woni aga mu bindiɗi pinzibaku aŋ pinziba n'abai. 4Ta aga mu hala gaiku azumai war Egipte, aga mu wuyukusi amai won na mu ta lai, ku mra li ɗa aga a dogo tini arku ɗa a Yosef. 5Yakob a faka a Ber-Seba par.
Alini e tikiŋ war Saret na Faraw a ɵinaŋsi miɗi ɗa, ni gaiɗi tiyakaini gaiɗi falakaiɗi alini lai. 6E mili adumaiɗi gaini haakaiɗi gaini wazagaiɗi na e niviŋ midini afti na Kanaan ɗa paŋ. Yakob a hala war Egipte gaini pinzibani paŋ. 7A hala gaiɗi alini na maɵagai, gaiɗi tiyakaini na maɵagai, gaiɗi alini na falakai gaiɗi tiyakaini na falakai lai. A kiɗisi pinzibani paŋ gaini war Egipte.
8Yikiɗi aliɗi Izrayel n'e hilisi war Egipte a na maini nlza:
Yakob gaiɗi alini gaiɗi tiyakaini lai:
Ruben ahini Yakob n'a waŋ avut, 9gaiɗi alini: Hanok, Pallu, Hesron, Karmi.
10Simeyon gaiɗi alini: Yemuwel, Yamin, Ohad, Yakin, Sohar, Sawul ahiɗi muni na Kanaaniya.
11Levi gaiɗi alini: Gerson, Kehat gaini Merari.
12Yuda gaiɗi alini: Sela, Peres, Zera. Er gaini Onan e mri midini afti na Kanaan. Peres a wa ali sulu: Hesron gaini Hamul.
13Isakar gaiɗi alini: Tola, Puwa, Yob, Simron.
14Zabulon gaiɗi alini: Sered, Elon, Yaleyel.
15Hanɗa e ɗi ali na Leya te wiiɗini wiini Yakob midini hlai na plas na Mezopotamiya gaiɗi ahiɗi na Dina lai. Pɵiɗi alini na maɵagai gaiɗi na falakai paŋ, a za paŋ ɗai doogo doogo hu pi hu.
16Gad gaiɗi alini: Sifiyon, Haggi, Suni, Esbon, Eri, Arodi gaini Areli.
17Aser gaiɗi alini: Yimna, Yiswa, Yiswi, Beriya gaiɗi tawalɗi na Sera. Beriya te wa ali sulu: Heber gaini Malkiyel.
18Hanɗa e ɗi pinzibaɗi Zilpa na Laban a sitiɗi wiiɗi ahini na Leya, e ɗi ali na te wiiɗini wiini Yakob, paŋ ɗai doogo pi ɵaara.
19Aliɗi Rakel munini Yakob e ɗa sulu: Yosef gaini Benyamin.
20Aha midini afti n'Egipte, Yosef a wa ali sulu: Manase gaini Efrayim gaiɗi Asenat n'ahini Poti-Fera pai zi ɓaka na One.
21Benyamin gaiɗi alini: Bela, Beker, Asbel, Gera, Naaman, Ehi, Ros, Muppim, Huppim, Arde lai.
22Hanɗa e ɗi pinzibaɗi Rakel na te wiiɗini wiini Yakob paŋ ɗai doogo pi puɗu.
23Dan gaini ahini: Husim.
24Neftali gaiɗi alini: Yaseyel, Guni, Yeser, Sillem.
25Hanɗa e ɗi pinzibaɗi Bilha na Laban a sitiɗi wiiɗi Rakel, e ɗi ali na te wiiɗini wiini Yakob, paŋ ɗai muguzak.
26Pɵiɗi ɗai na wiini Yakob na ni a wiiɗi, n'e hilisi war Egpite, falakaiɗi alini pɵiɗi arbaɗi kai ɗa, e ɗa paŋ ɗai doogo doogo ɵaara pi ɵaara. 27Alini Yosef n'a wiiɗi war Egipte: Ɗai sulu. Pɵiɗi ɗai paŋ n'ahani Yakob n'e hilisi war Egipte e ɗa doogo doogo muguzak.
28Yakob a ɵinaɗi Yuda wuzani sini Yosef buri a zizinaɗi hlai wuzani a Gosen.
Won hlai n'e gi midini afti na Gosen, 29Yosef a zizina Saretni a hala amai a Gosen aŋ nava gaini Izrayel n'epini. Won hlai na arni a mula gaini epini, Yosef a kɵa amai wulani, a tuwa amai wulani haa. 30Nɵa Izrayel a miɗini: Tiyana na mu tala wuzani arku li ya ɗa, mu mra wiya maa kal, buri ku na karku hai.
Simni na midini afti na Gosen
31Yosef a miɗiɗi wiiɗi tawalakaini gaiɗi pakataini epini: Aga mu hala mu zini zaida wiini Faraw, aga mu miɗini ɓa: Tawalakaya gaiɗi pakataini apa e ɗisi ka a Kanaan e cûsi ya. 32Ɗai hanɗa e ɗi ɗai zi giɗimi farai. E ɗi ɗai n'e wili farai. E kisi adumaiɗi, haakaiɗi gaini ɵaakaiɗi gaini wazagaiɗi paŋ aŋ won na. 33Pra, won hlai na Faraw aga a yikiki buri aga a zilbiki buri sdaki ɗa a maɗi ɗa, 34aga ki wiyini seŋ ɓa: Ɗaiku ɗa e ɗi ɗai zi wili farai, war agogoiɗi par haa tiyana mi ɗi war sda hanɗa maiɗi tamaiyi e ɗi ka warni nɵa. Nɵa aga ki kiɗi aŋ simni midini afti na Gosen buri ɗai n'Egipte paŋ ɗa, e tiliɗi ɗai zi giɗimi farai arɗi haharai.
Atualmente selecionado:
Pi zi tiki 46: MUSGUM
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964