Jenɨzɨzɨ 5
5
Ataamɨmɨre kaimɨraayara kwala naanga yɨrɨyaa'.
(4:25–5:32)
1-32 Kwarame naangegaa' 130 Ataamɨ wavɨlavakei gannya kaimale pwai yawakɨna. Yɨva' gawaalɨ' Ataamɨ ganɨmaangeibɨ'nanyai mɨlaka gannya kaimalerɨ ganaange' wɨdɨna “Satai gɨnnya yaya' gɨthɨwana.” Dɨvi sagaa' Satai naanga mena yɨma'nakegaa' kaimale Yɨnozarɨ yawakɨna. Sɨnnawɨ Gotɨyarɨna majɨ, mwaalɨna yesara Yɨnozai yɨma'nakegaa' ayɨna Gotɨyarɨna dadɨvɨ' mwaale'. Ataamɨjɨ Yɨvasɨ sawaare kaimale taaya mɨlagi. Kwarame 930 kwavɨlava' Ataamɨ bala'. Yɨnozai kaimale Kenanɨmɨ kyawakɨna', Kenanɨ kaimale Maalalelɨmɨ kyawakɨna', Maalalelɨ kaimale Jaaretharɨ yawakɨna'. Jaarethai kaimale Yɨnokɨyarɨ kyawakɨna', Yɨnokɨyai kaimale Metuzalaamɨ yawakɨna'. Gotɨyareburɨ Yɨnokɨyai tewaanna yɨna yaka mabalyakei Gotɨyai maraabɨna ya'. Metuzalaa kaimale Lamekerɨ yawakɨna'. Kwarame 969 wavɨlavakei Metuzalaa bala'. Lamekei kaimale Nowaarɨ yawakɨna'. A'mwe pwara kaimale taaya yawakɨne'. Nowaai kaimale Samɨ, Aamɨ, Jaivetai saraavɨ yawakɨna'.
Obecnie wybrane:
Jenɨzɨzɨ 5: byr
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2013, Wycliffe Bible Translators, Inc. All rights reserved.
