KAHTAMYENGHAN 9
9
Noah Phei Kahwangpa Jiengjeppu
1Hüyange Kahwange Noah hüyange I hayimlan moiman phawe imante i, “Ülick licktüoh, hüyange jaluntüoh, hüyange kahtoknyu maatüoh. 2Hüyange yinmoknyuha, awhalan, hüyange nyah khongkümpuwe numante nyampu phei nyoilak. Kahtoknyu hüyange yengching me maapu yinmoknyuha üshei nang yak me phünne phanang. 3Powe ngohpu üyin yinmok üshei hüyange phümha weangyong ühüng üshei Taowe phapu kih-e numan jingne hahying ne menglak. 4#Lev 7.26,27; 17.10-14; Hin 12.16,23.Numan-e üyin iy ngohjang ngohpu meei hei yehahlak; hatüowa Taowe tiennang hangne ima-a üyinna iy me ngohnang. 5Ütam-e kahta üyin yahma-a, Ite shaoshi yatengne tamlak. Yinmok ütam-e kahta üyin yahma-a, li ne tampuwe Taowe shangne tamlak. 6Aoyinne kahta iy shailakei, kahtawe muh I iy shaitam lak; hangjingne I yoi lepu me Kahwange kahtanyuha lingngai yangki.
7“Hüyange nang, ülick licktüoh hüyange jaluntüoh, chahwannyu me wangmanne hüyange jaluntüoh.”
8Tüophei me Kahwange Noah hüyange I halante i. 9“Leitüoh, Taowe numan hei numan phei mepu huhayimlan phei; 10hüyange numan phei ngohpu üyin yinmok lili phei, awhalan, tampu yinmoklan hüyange chahwannyu me nang pheipu yinmok lili, ghonu mepu ngaipu üshei phei, jiengjeppu angnang. 11Hüyange Taowe numan phei Ü-jiengjeppu monge tamnang; hüke mei üshei shaaji yengyong muleam puwe phoonge yeteilak; hüyange kahtoknyu mahlak üne shaaji muleampu hango yengoh lak.” 12Hüyange Kahwange i, “Tao hei numan hüyange numan phei ngohpu üyinlan üshei pa me, üküm yenangpu jin ngoiye, Ü-jiengjeppu yepinlakpa hatüo: 13Taowe wangphom me ünyümlong tüoh nang, hüyange hatüo tao hei kahtoknyu nipa me jiengjeppu yepinlakpa ne ngohlak. 14Aope Taowe wangme wangphom nyeih tamlakei, hüyange nyümlonga wangphom me ngelakei, 15Taowe jiengjeppu ngao, hanghepa tao hei numan yinmoknyuha üshei pa me ngohnang, tüopa Taowe teih-e tüolak, hüyange yeng kaiye yinmoknyuha üshei mahtamlak ne shaaji muleampu ngaine yetamlak. 16Aope wangphom me nyümlong ngailakei, Taowe tüote leilak hüyange Kahwang hei kahtoknyu me ngohpu yinmoknyuha nipa me üküm yenangpu jiengjeppu teih-e tüolak.” 17Hüyange Kahwange Noah te i, “Hatüowa jiengjeppu füo, hanghepa Tao hei kahtoknyu me ngohpu yinmoknyuha üshei nipa me Taowe linge tamnang.”
Noah Hüyange I halan
18Noah hayim aoyin ghonu mepu yu, tüolan-a Shem, Ham, hüyange Japheth; hüyange Ham-a Kanan üpa ne ngoh. 19Tüolan Noah hayim naoshe lümma kahtoknyu nopu kahtalan üshei jingne pajeiyonglan ne meng.
20Noah, aohipa kahhampa ne meng, wuwüngkah üwangne deiye hampa kahta ne I meng. 21Wuwüngti ütam lye yingyang phei me I jok, hüyange pümkeng#Pümkeng yejema-a tangko me nyenok phangme lamyange ngoh. 22Aope Kanan üpa Ham-e Ipa pümkeng me ngeyapeih nokshao te yuwe Ijei heinao nite i. 23Hüyange Shem hei Japheth niye inkhek yah-e peiye, tüopa iman phaktang me vaiyange, tokshong yange kemme wenne, iman üpa pümkeng me ngohpu büange tam, hüyange iman sheta tokphei yeme lüpyange peipu jingne kahtok me iman-e yoipa pümkeng me ngohpu ye-nge. 24Aope Noah I jokke ngohpu mepu lüo hüyange I ha naolipawe Ite hanghe ling shinge pei, 25Iye i,
“Kanan te phoiwümpu shahtüoh!
Yoi jeiheinao rhapa ütahpa ne I menglak.
26Iye üne-o i,
Shem Kahwang Youngwanpa te minyong phatüoh!
Kanan Shem rha ne mengtüoh.
27Kahwange Japheth yong tamtüoh!
I jing huhayimlanna Shem kahtalan phei ngoh ne tamshih!
Kanan-a Japheth rha ne menglak.”
28Muleam phei me Noah wangpeng gho lüm phei me denga ngoh. 29Hüyange Noah jin khongkümpu wangpeng gho tu phei me denga ngoh; hüyange I li.
Obecnie wybrane:
KAHTAMYENGHAN 9: KONYBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
