Mark 1
1
John Baptist chongril
(Mat 3:1-12; Lk 3:1-18; Jn 1:19-28)
1Hiwahi Pathien Sapa Jesu Christa jarra Chongkahoi kha e.#1:1 Manuscripts alak a chu Pathien Sapa tihi kinchal mak. 2Chongkachoipa Isaiah ning hi-ang hin aleimije:
<<Pathien ning aleiti, <Keining chongkaron ninma a kitir sik
nin lampui akabol sik a.>
3 #
Is 40:3 Nerdiram a mi inkhat ning a-ong a,
<Puma sik a lampui kha bolturu;
Ama asena lampui kha mintunru!> >>
4Khawa soa John nerdiram a ahong kinlar, baptized athole kinroi a Pathien chong aleiril.#1:4 John nerdiram a ahong kinlar, baptized athole kinroi a Pathien chong aleiril. Manuscripts alak a chu, John Baptist kha nerdiram ma aleisuok, Pathien chong aleiril. <<Ninsetna ria heikir inlang baptized thoru, khan Pathien ning ninsetna anarangai mindam pesik,>> tia mipuideng aleiti. 5Judea ramsunga le Jerusalem khopui a kaom mipui katamtak John chongril karangai sik a anleisuok. Anmani ning ansetna ngai anleirilsuok, khan Jordan Tuidung a anmani ngaikha John ning baptized aleitho.
6 #
2 Ren 1:8 John ning satingkui mul a anbol ponder aleikei, akonga sawun kongkhit aleikhit, khan ama bak le in khachu khai le ramkhoining alei e. 7Amaning mipuideng aleiminjet, <<Kei kunuk-a akahong sik miringpa khachu kei neknum akolok e, keichu ama kekokrui kinkunna kusutsik kutunga rohoi suokmang. 8Keining nangni tui-a baptized kanatho, takkha amaning chu Ratha Kinthenga baptized anathosik e.>>
Jesu Baptize thona le mithemna
(Mat 3:13--4:11; Lk 3:21,22; 4:1-13)
9Khawasoli sotlei a Galilee ramsunga kaom Nazareth ria Jesu aheiwa khan John ning Jordan Tuidung a baptized aleitho. 10Jesu ning tui ria aheisuokli, amaning marwan akinlong le Ratha ning achunga wathu anga ahong chum kha aleimu. 11#Aph 22:2; Laa 2:7; Is 42:1; Mat 3:17; 12:18; Mk 9:7; Lk 3:22Khan marwan ria rasa inkhat ahonga, <<Nanghi kasapa mirit tak kha ni e. Nuchunga kumulung atai.>>
12Khawasoli Ratha ning amakha nerdiram a aleiminse, 13Khawa munkhan nisom-minli a-om a, Seitan ning aleimathem. Ramsa ngainum khana anlei om, takkha marwan tirle ngaining anhonga ama anleisen.
Jesu ning ngakusur mi minli akoi
(Mat 4:12-22; Lk 4:14,15; 5:1-11)
14John mikhumna sunga anda sonuk a, Jesu ning Galilee ase-a khan Pathien ria Chongkahoi ngaikha aleiril. 15#Mat 3:2 <<Apha kha ahongtungjei, khan Pathien Rengram kha anaijei! Ninsetna ria mulung thul inlang Chongkahoi kha taksen ru!>> amaning aleiti.
16Jesu ning Galilee tuitham pangteng alonlai, amaning ngakusur miring inni, Simon le ama naipa Andrew, lenna nga ansur aleimu. 17Jesu ning anmanideng aleiti, <<Heiwaru kunuk nujuiru, khan keining mi kusur kinimin chusik.>> 18khawalai takkhan anlen ngai anda a anmani ngaikha amale kinroia anleise.
19Khan amaning akalakdet aseli alop unai inni, Zebedee naite ngai, James le John aleimu. Anmani ning rukuong sunga anlen ngaikha wor thanasik anleibol. 20Khan Jesu ning anmani amuli, anmani kha aleikoi; khawa khan anmani ning anpa Zebedee le anlomroi ngaikha rukuong sunga anleida a Jesu nuk anleijui.
Ratha kathamak akulut mi inkhat
(Lk 4:31-37)
21Jesu le ama thiemroi ngai Capernaum khopui a anheiwa, khan aban Jehudi ngai Serni ning Jesu ning synagogue aseli aleiminchu. 22#Mat 7:28,29 Ama minchudan akajet mi rikip ning anleingak, ajarchu amakha Dan Oja ngaile leikin angmak, khawa nek a, amaning thotorna le kinroi a aleiminchu.
23Khawapha takkhan ratha kathamak kulut mi inkhat synagogue aheilutli aleikheek, 24<<Angmi keini denga numunom, Nazareth Jesu? Keini kimin mang sik hin naom mi? Keining nang kanajet, Nangchu akintheng Pathien chongkaron kha ni e!>>
25Jesu ning ratha deng chong ape, <<Omchenro, khan mipa deng ri heisuok ro!>>
26Ratha kathamak khaning mipa kha ranaktak a aleimin nok a, khan aong-akheekli mipa deng ria aheisuokjei. 27Mipui ngai ning anleingak, khawakhan anmani inkhatle inkhat ning ankinrakal, <<Hiwahi angmi? Hiwa minchuna hi athermi? Hiwa mipa hining ranak kaneitak a ratha kathamak ngaideng chongpena aleinei, khan anmani ning achong anleijui!>>
28Kha angkhan kinrem tak a Galilee ram pumpui a Jesu chong ngaihi alei kinthang.
Jesu ning mi katamtak amindam
(Mat 8:14-17; Lk 4:38-41)
29Khawasoli Jesu le ama thiemroi ngai, James le John kinroi a, synagogue anmathaanna khan Simon le Andrew ngai inteng anleise. 30Simon terpi kha ritun athoa phenchunga aleijal, Jesu aheitungli, khawanu chongkha amadeng anleiminjet. 31Amaning khawanu deng ase a, akut ning akei dinga khan aleikeithei. Ritun ning khawanu kha amathanjei, khan numeisanu khaning anmani aleirajen.
32Kini tasoa kholei ahongtung khan, mi ngaining akana le khori kulut rikip ngaikha Jesu deng anheiroi. 33Khawa khopui a kaom mipui rikip ngaikha khawa inma khan anleikinchun. 34Jesu ning ri-rai kana mikatamtak ngaikha aleimindam khan khori katamtak alei holsuok. Khori ngaining amakha atumi ti anleijet, khawa jarra amaning khori ngaikha ite leiminrilmak.
Galilee a Jesu chongril
(Lk 4:42-44)
35Jingteng kini suokmak ma, Jesu athei-a inn kha aleimathaan jei. Khopui ria aheisuok a adai ngerna munkhan Pathien nina aleinei. 36Takkha Simon le akinroipui ngaining ansuok a amakha anlei entok, 37khan anmani ning ama anhong mu karkhan, amadeng anleiti, <<Mirikip ning nangkha ana entok.>>
38Takkha Jesu ning aleimasang, <<Hiwa khosir khopang ria einining inkhat teng nisesik. Kei ning anmanideng chong kirilsik, khawa sik jarra kei kahong e.>>
39 #
Mat 4:23; 9:35 Khawa jarra amaning Galilee ramrikip sunga aleise, synagogues a chong aleiril khan khori ngai alei holsuok.
Jesu ning mi amindam
(Mat 8:1-4; Lk 5:12-16)
40Chi kaomtak kaphar ri koron mi inkhat Jesu deng ahonga, akinkunna, nasenro tia nina aleinei. <<Nangning nana nompe inchu, kei nimintheng ro,>>#1:40 kei nimintheng ro: Hiwa kaphar ri koron hining miringpa hi amintheng mak e tia anlei. amaning aleiti.
41Jesu deng minreng kha aleisip,#1:41 minreng; manuscripts alak a chu arang tia aom akut akadomma aleikotok. <<Keining konom jei, kintheng taro!>> tia aleiti. 42Khawalai takkhan kaphar ri koron kha mipa deng ria asuok a, khan amakha adamjei. 43Khan Jesu ning chong kanger kha amadeng arilla amakha aleiminse, 44#Thm 14:1-32 hi-ang hin amadeng ati sonuk, <<Rangairo, hiwahi atu deng khatnum rilmaro. Takkha thiempu deng wasero khan amaning nang na-en rase; khanchu mirikip deng nadamjei ti anjet nasik a, Moses chongpe dungjui a kinthoina kha hongtho ro.>>
45Takkha mipa kha asuok a amun rikip a akasuok chong ngai kha aleiril minthang, khawa jarra, Jesu kha kinlar a khopui khan leisuok tor mak jei. Khawa nek a, mun kadai-ngera aseli awa-om, tak amun rikip a kaom mipui ngaining ama kolla anheiwa.
Obecnie wybrane:
Mark 1: MRK
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The copyright is jointly and equally held by:
© 2022 The Word for the World International
© 2022 North East Centre for Training and Research
All Rights Reserved
