मर्कुस 16
16
येसु मर्लोभि फेरि जिउते होख्लो
(मति २८:१-८; लुका २४:१-१२; युहन्ना २०:१-१०)
1जब बार्नाको दिन सकिक्, तब मरियम मग्दलिनि र याकुबको आमा मरियम र सलोमिइ येसुको जिउमा लगाइदेहेके सेन्ट किन्वाइ। 2हप्ताको सुरुको दिनमा बेहानि घाम निस्कते उनहान ओडारमा गेहाइ। 3अनि उनहान्इ आफि आफि बोल्वाइ, “हाम्रो लागि ओडारको मुखको पाथर कुन्इ हटाइदेबि?” 4तर उथि पुगिकनि चाहते उनहान्इ ओडारको ओइ पाथर हटाइहेलो देख्वाइ। ओइ पाथर जारे ज बड्को रहिक्। 5अनि ओडार भित्र पिसिकनि चाहाते उनहान्इ उज्रो लुगा लगालो एक जना तन्नेरि मानिसके दाहिन्यापट्टि बिसिधार्लो देख्वाइ, र उनहान बेस्के झसङ्ङ पर्वाइ।
6तन्नेरि मानिसइ उनहान्के कहिक्, “ताहान झसङ्ङ झिनपरो, ताहान्इ नासरतको येसुके खोजिधार्लाटो, जुन कुरुसमा झुन्ड्याहेलो रहिक्। तर चाहो, उ त इथि नाटि, उ जिउते होखिकनि उठ्लाटि! ओख्राइ धार्लो ठउँ चाहो। 7जाओ, र ओख्रो चेलाहान र पतरुसके कहिदेहो कि उ ताहान्को आघु आघु गालिलमा जितिहि बाटि। ओंइ ताहान्के कलो अनुसार ताहान्इ ओख्राइ उथि देख्ताओ।”#मति २६:३२; मर्कुस १४:२८
8उनहान डरइ थर्थराइले र छक्क परिकनि ओडारभि निस्किकनि भाग्वाइ। अनि उनहान्इ कुन्हुँके केइ नाकहाइ, क्यारेकनिसिन उनहान डराइलो रहाइ।
येसु मरियम मग्दलिनिठुँ देखा परिक
(मति २८:९-२०; युहन्ना २०:११-२३; पेरेरित १:४-११)
9[हप्ताको पहिलि दिनको एक्का बेहानि येसु जिउते होखिसक्लोपाछु उ सभइकते पहिलि मरियम मग्दलिनिठुँ देखा परिक। येसुइ ओख्रोभि सातओटा भुतहान निस्कालो रहिक्। 10-11मरियम मग्दलिनि येसुको चेलाहान्ठुँ पुग्ते त उनहान्के सोक गर्तिहि रोइधार्लो भेटाइक। अनि ओइ येसु जिउते होख्लो र आफिठुँ देखा पर्लो कुरा उनहान्के सुनाइक तर उनहान्इ नापत्यावाइ।
येसु दुइ जना चेलाहान्ठुँ देखा परिक
(लुका २४:१३-३५)
12ओख्रोपाछु दुइ जना चेलाहान गाउँपट्टि जाइधार्लो बेरामा उनहान्ठुँ येसु आर्के रुपमा देखा परिक। 13अनि उनहान फर्किकनि जाइ अरु चेलाहान्के पनि कहाइ। तर अरु चेलाहान्इ दुइ जना चेलाहान्को कुरा बिस्वास नागर्वाइ।
येसु एघार चेलाहान्ठुँ देखा परिक
(मति २८:१६-२०; लुका २४:३६-४९; युहन्ना २०:१९-२३; पेरेरित १:६-८)
14पाछाभि येसु एघार जना चेलाहान खाइधार्लो बेरामा उनहान्ठुँ देखा परिक। अनि उनहान्को अबिस्वास र मनमा सङखा गर्लो कारनइ ओइ उनहान्के हप्काइक। क्यारेकनिसिन येसु मर्लोभि जिउते होखि उठिसख्लोपाछु ओख्राइ देख्लाहारहान्को बोलि उनहान्इ बिस्वास नागर्लो रहाइ। 15अनि येसुइ उनहान्के कहिक्, “पुरे सन्सारभरि जाइकनि सभइ मानिसहान्के नाम्रो खबर सुनाओ।#पेरेरित १:८ 16बिस्वास गरिकनि बप्तिस्मा लेलारइ उदार पाउताइ, तर बिस्वास नागर्लारचाहिँ दोसि ठहरेतात्। 17बिस्वास गर्लाहारहान्इ चिन्हको रुपमा यस्नो काम गर्तात्, मोरो नाउँमा उनहान्इ भुतहान लघार्तात्, उनहान्इ नयाँ भासाहान्मा बोल्तात्, 18उनहान्इ साँपहान छोप्तात् र केइ बिखालु चिज खइनि पनि केइ हानि नाहोख्ताइ। उनहान्इ मदाइलोहान्मा हात धार्तात् र उनहान सन्चो होख्तात्।”
येसु स्वर्ग लेघेलो
(लुका २४:५०-५३; पेरेरित १:९-११)
19तब उनहान्सिन बोलिसक्लोपाछु येसु स्वर्ग उठाइ लेघिक, र परमेस्वरको दाहिन्या हातपट्टि बिसिक।#पेरेरित १:९-११ 20अनि ओइ चेलाहान्इ जाइकनि सभइ ठउँमा प्रचार गर्वाइ। पर्भुइ उनहानभि अचम्मको चिन्हहानभि बचन सत्य हो कलार पक्का गराइदिहिक।]
Obecnie wybrane:
मर्कुस 16: BOTE
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2024 (Active), Mother Tongue Translators Society and Wycliffe Bible Translators, Inc. All rights reserved.
