Matiu 1
1
Jizọs Ori Tádọ́apụ
(Luk 3.23-38)
1Mịị anịị diri bie anị fịnị ḅara Jizọs tádọ́apụ, Jizọs Krais Deviti furotụ́wọ pịghị Ebraham furotụ́wọ:
2Ebraham anịị Aizik daa,
Aizik anịị Jekọpụ daa,
Jekọpụ anịị Juda na ori amịna owiapụ awọ daa,
3Juda anịị Pẹrẹzi na Zẹra daa, Táma anịị nna nyingi,
Pẹrẹzi anịị Hẹzịrọn daa,
Hẹzịrọn anịị Ram daa.
4Ram anịị Abinadabu daa,
Abinadabu anịị Nasọnị daa,
Nasọnị anịị Salmọnị daa,
5Salmọnị anịị Bowazi daa,
Rahab anịị Bowazi nyingii,
Bowazi anịị Obedi daa,
Rutu anịị Obedi nyingii,
Obedi anịị Jesi daa,
6Jesi anịị ámányánáḅọ Deviti daa.
Deviti anịị Solomọn daa, o nyingi anịị parị Uraya taa.
7Solomọn anịị Rehobowam daa,
Abija anịị Asa daa,
8Asa anịị Jehosafat daa,
Jehosafat anịị Jehoramu daa,
Jehoramu anịị Uzaya daa.
9Uzaya anịị Jotamu daa,
Jotamu anịị Ahazi daa,
Ahazi anịị Hezekaya daa,
10Hezekaya anịị Manasị daa,
Manasị anịị Amọn daa,
Amọn anịị Josaya daa.
11Josaya anịị Jekonaya na ori amịna owiapụ daa. Mịị sáá biri ma ḅụ anịị nnị Izirẹlịawọ dighiákị so Babịlọn muu sáá.
12Nnị n taa soofama Babịlọn mú sáá:
Jekonaya anịị Seliteli daa,
Seliteli anịị Zerubabeli daa,
13Zerubabeli anịị Abihudu daa,
Abihudu anịị Eliakim daa,
Eliakim anịị Azọ daa,
14Azọ anịị Zadọk daa,
Zadọk anịị Akịm daa,
Akịm anịị Eliudu daa,
15Eliudu anịị Elieza daa,
Elieza anịị Matan daa,
Matan anịị Jekọpụ daa,
16Jekọpụ anịị Josẹf daa.
Josẹf anịị Meri ma deeḅọ,
Meri Jizọs yiim n pa Krais sịḅọ.
17Ḅụ́ọ́ ḅụ akị muu jẹ́ ḅụ́ọ́ láa, nyẹ mamgba oyi ínia ḅụ́ọ́apụ. Ebraham akị muu Deviti láa, oyi ínia ḅụọ, Deviti ḅụọ akị muu nnị n taa so Babịlọn muu sáá, oyi ínia ḅụọ findi nnị n taa so Babịlọn muu sáá akị muu n Krais yii sáá láa.
Nnị Ḅara Warị Jizọs Krais Yii Ḅara
(Luk 2.1-7)
18Mịị anị n ḅara warị Jizọs Krais yii ḅara: o nyingi Meri nnị a pa yaa minini Josẹf pịrịmam, kụ́ma na nnị mmẹapụ ḅoo gbolomagha sáá ḅụ, nnị ḅoo arịḅom ḅẹ́ Tọ́ntọ́ Tẹ́mẹ́ ma bie ḅọ́rọ́ a fúrámam. 19A dee Josẹf karakárá ibiamịẹnyẹḅọ gosi ọ pịghị dọghụgha ḅẹ́ ọ túminị́ ogbo a ḅụ́gịrịrịma, ọ tẹ́mẹ́bie biam ḅẹ́ túminị́ biri nabịgha ḅara ḅụ ori a sịghịbẹm yaa ma ḅụ.
20Kụ́ma ọ sịbịbie kịẹ mịnanyẹ ma pịrịarị sáá, Gbámásóḅọ ma sookumuḅọ ọ ḅụ pa o diem dáwọ́ju, warị ḅẹẹ, <<Josẹf, Deviti furo tụwọ, ḅáláfama sị Meri ma akị i warị muu taḅọ ḅara, tegó a fúráma nyẹ́ ma Tọ́ntọ́ Tẹ́mẹ́ ḅụ saghịḅom. 21Árị owitụ́wọ yiibẹm, Jizọs anịị i pa ọ sịịbe ẹ́rẹ́, tegó, ori ọrẹ a túminị́ duaḅọ́rọ́mabẹm nna sii ḅụ.>>
22Mịnanyẹ mamgba kiriakịm Gbámásóḅọ ma ori ikiakoroapụ ḅụ ḅọ́rọ́ dughonyẹ ma karakárányẹ sọ bẹ ḅara, 23<<Owitụ́wọ nimigha ọ́rụ́ḅọ tụwọ ma furabẹm, a pịghị owitụ́wọ yiibẹm n pịghị Imanụwẹlụ pa ọ sịịbẹm>> (mịma dughoarị ḅẹẹ, <<Tamuno wamịnị na imii>>).
24Josẹf múno ju saghị sáá, Gbámásóḅọ ma sookumuḅọ ma dugho ọ pịrị ḅara ma anịị ọ mịẹḅara ọ warị Meri akị soo ọ warị muu taḅọ ḅara. 25Kụ́ma ori árị na gbolomagha akị muu árị owitụ́wọ tụwọ ma yii sáá láa. Josẹf warị Jizọs pa ọ sịị.
Obecnie wybrane:
Matiu 1: IBY
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
©2024 Luke Initiative for Scripture Translation
