అపొ 19
19
ఎఫెసుమా పౌల్‍
1అపొల్లో కోరింతిల్‍మా రైతేదె ష్యాత్‍ హూయు కతో, పౌలు ఉఫర్లు ఇలాహొఃమా ర్హతో హుయిన్, ఎఫెసునా ఆయిన్‍, థోడుజణు సిష్యుల్‍నా దేఖిన్‍, 2అజు ఇవ్నా విష్వాసం కరుతే తేదె పవిత్రాత్మనా పోంద్యానా? కరి ఇవ్నా పుఛావమా, ఇవ్నే “పవిత్రాత్మ ఛాకరీన్‍ హమే కేదే హాఃజ కోయిని” కరి బోల్యా.
3తెదె యో ఇమ్‍ హూస్యేతో తుమే కినా బట్టీ బాప్తిస్మమ్‍ లీదా కరి పుఛావమా, ఇవ్నే యోహాన్‍ను బాప్తీస్మమ్‍ను కరి బోల్యా. 4ఇనహాఃజె పౌలు, యోహాన్‍ ఇనా పీటే ఆవుంక్రతే ఇనా కనా, కతో యేసుమా విష్వాసంరాక్నూ కరి ప్రజల్‍తి బోల్తోహుయిన్‍, పాప్ మాతు మారుమనస్సునూ విషయంమా బాప్తిస్మమ్‍ దిదూ కరి బోల్యా.
5ఇవ్నే యో వాతె హాఃజీన్‍ ప్రభుహూయోతే యేసునా నామ్తి బాప్తిస్మమ్‍ లీదూ. 6ఇనబాద్మా పౌలు యూవ్నాఫర్‍ హాత్‍ మ్హేంధామా పవిత్రాత్మ యూవ్నా ఉఫర్‍ ఆయూ. తెదె యూవ్నే అన్యా సభాషాల్‍మా వాతేబోల్తూస, ప్రవచించన షురు కర్యు. 7ఇవ్నే హాఃర భరోభర్‍ భార జణా ఫర్ఖా
. 8బద్మా యో సభ జోగొమా జైన్‍ సువార్త కర్తోహుయిన్‍, దేవ్నూని రాజ్యంనా టేకె బోల్తో ర్హయిన్‍, ఓప్పావ్‍తో హుయిన్, హిమ్మత్‍తి వాతె బోల్తోహుయిన్‍ తీన్‍ మైనా ర్హాయో. 9హుయుతో థోడు జణు ఘట్‍ జాన్‍ వాళు హుయిన్ నమ్మాకోయినితిం, జనాల్‍నా హాఃమే ఆ వాట్నా దూషించమా యో ఇవ్నా మ్హేందిన్‍, సిష్యుల్‍నా జోడ్‍కర్లిన్‍ హార్యేక్ తురన్న కరి ఏక్నూ పాఠషాలమా బోల్తోఆయో. 10భే వరహ్‍ఃతోడి ఇమ్మస్‍ హూయు, ఇనటేకె యూదుల్‍ మాహో గ్రీసు దేహ్ఃవాళా మాహో ఆసియామా కాపరంకర్యు కరతె ఇవ్నే హాఃరుబి ప్రభునూ వాక్యం హాఃజ్యా.
స్కేవను ఛియ్యా
11బుజు దేవ్‍ పౌల్‍తి కెత్రూకి విసేషంనూ అద్భుతాల్‍నా కరాయో. 12ఇనూ ఆంగ్తన్‍నా లగ్గూతే హాత్‍నూ లుంగుఢు హూయుతో, కంబర్‍నా బందయుతే లుంగుడు హుయుతో రోగేలకనా లాయుతేదె, రోగ్‍ యూవ్నా మ్హేంధిదూ, చంద్నుఆత్మ మ్హేంది ఛలీగు. 13తెదె దేహ్‍ఃనూ వషారే కరావళు, జాదుకోర్ థోడు జణు యూదుల్‍ పౌల్‍ ప్రచార్‍ కరూకరాతే యేసునూ నామ్తి తూమ్‍నా హుఖుఃమ్‍ కరూకరస్‍ కరి బోలిన్‍, చంద్నుఆత్మ ధర్యూహుయునా ఉఫర్‍ ప్రభుహూయోతే యేసునూ నామ్‍ లేవానాటేకె ఏక్‍హూయా. 14యూదుడ్‍ స్కేవయన్‍ కరి ఏక్ ప్రధాన యాజకుడ్‍నూ ఛియ్యో హాఃత్‍ జణా ఇమ్మస్‍ కరూకర్యా.
15ఇనహాఃజే యో చంద్నుఆత్మ యేసు కోణ్కాతో మనా మాలం, పౌలుబి మాలం, అజు తుమె కోన్‍ కరి పుఛవమా,
16యో చంద్నుఆత్మ ధర్యుహుయు ఉఢీన్‍, యూవ్నాఫర్‍ పడీన్‍ చీరిన్ లుంగాడ పాడ్యు; ఇనహాఃజే యూవ్నె ఉఘాఢాహుయిన్‍ గాయల్‍ కర్లీన్‍ యో ఘర్‍తూ మీలైల్దా. 17ఆ సంగతి ఎఫెసుమా కాపరం ఛాతే హాఃవాఖో యూదుల్‍ నాహో, యూదుల్‍ కావేతే హఃరామాలం హుయుతేదె యూవ్నా హాఃరవ్‍నా ఢర్‍ హుయుగు. ప్రభుహూయోతే యేసునూ నామ్‍ ఘనపర్‍ఛ బడ్యు. 18విష్వాసించుతె యూవ్నే హాఃరు ఆయిన్‍, యూవ్నే కర్యాతే ఇనా బోలిన్‍ ఒప్పిలీదా. 19బుజు మంత్రంనూ ఫఢాయి మాలంహూయు యూవ్నే హాఃరు పుస్తకాల్‍నా లాయిన్‍ హాఃరవ్‍నా హాఃమే భళ్లాఖ్యు. యూవ్నే గణ్తీ దేఖమా ఇనూ మోల్‍ ఆఢైహ్‍ః హాజార్‍ రూపనూ రఫ్యా హూయా. 20ఏత్రే ప్రభావ్‍తి ప్రభునూ వాక్యం ప్రబల్‍ హుయిన్ ఫైలాయు.
ఎఫెసుమా ఖైకార్‍#19:21 మూలభాషమా చిక్రాన్‍, అల్లరి
21అమ్‍ హూవాన బాద్‍మా పౌల్‍ మాసిదోనియ అకయ దేహ్‍ఃనూ మారగ్‍ఫర్‍ ఆయిన్‍, యెరూషలేమ్‍నా జాను కరి దీల్‍మా సోచిన్‍ మే ఏజ్గా జవాన బాద్‍మా రోమానబి దేక్నూ కరి రైగో. 22తెదె ఇన పరిచర్య కరతె యూవ్నామా తిమోతి ఎరస్తు కరి యూవ్నా బేజణానా మాసిదోనియ మోక్లీన్‍, యో ఆసియామా థోఢా ధన్‍ ర్హయో.
23యో ధన్నువ్‍మా క్రీస్తునూ మారగ్‍నా గూర్చి ఎఫెసులో ఘణు గలాఠా హూయు. 24కిమ్‍ కతో దేమేత్రి కరి ఏక్ కంసాలి అర్తెమిదేవి మూర్తినా మందిర్ బణావమా యో కామ్‍ యూవ్నా ఘణు ఫైధో హోతుర్హయు. 25యో యూవ్నా ఇమ్‍నూ కామ్‍ కరు ఆజు బాజు వాళనా గుంపు కరైన్‍ హాఃయబ్, ఆ కామ్‍థి అప్నూ జీవ్నూ ఘణు అష్యల్‍ చాలుకరాస్‍ కరి తూమ్‍నా మాలం. 26హూయుతో హాతేహూః భణాయుహుయు దేవతల్‍ కాహే కరి, ఆ పౌల్‍ బోలిన్‍, ఎఫెసుమా మాత్రం కాహే, హూఃమార్‍ ఆసియామా ఘణా జనాల్‍నా ఒప్పాయిన్‍, ఫరాయి రాక్యుతే సంగతి తుమె దేఖిన్‍బి హాఃమ్జీబి రాక్యస్‍. 27బుజు ఆ అప్నూ వృత్తిమా కామ్‍ ఛుకీజావనూ కాహేతిమ్‍, మహాదెవినూ అర్తెమిదేవినూ గుడిబి ఛీ కరి బోలైజైన్‍, ఆసియా హాఃరమ్‍ ముల్క్మా హాఃలామ్‍ కరైలేంగ్రతే అనూ కోణ్ ఆవసే హాటీజాసే కరి ఢర్‍తీ యూవ్నేతి బోల్యు.
28యూవ్నే హాఃమ్జీన్‍ ఛంఢాల్తీ భరైన్‍ ఎఫెసీయుల్‍నూ అర్తెమిదేవి మహాదేవి కరి ఖైకార్‍ మ్హేంధు. 29హాఃయార్‍ ఘణు గిలిబిలింతర రయు. బుజు బేజణ పౌల్‍తి ఏజ్గాతు నాకీన్‍ ఆయుతే మాసిదోనియ వాళా గాయియుబి అరిస్తార్కునా ధర్లీన్‍ ఎక్ నాటక షేలమా ఫేటూ. 30పౌల్‍ జనాల్‍ హాఃమే జానూ కరి రైగో కాని సిష్యుల్‍ ఇనా జవాదిదూ కోయిని. 31బుజు ఆసియ దేహ్‍ఃనూ అధికారుల్‍మా థోడు జణు ఇనా దోస్తుల్‍ హుయిరైన్‍, ఇన నాటకషాలమా జావోనొకో; కరి గోజాడ్తుహుయిన్‍, ఖభార్‍ బోలిమొక్‍ల్యా.
32యో సభ అక్కు రావ్‍డింతర థూ, ఇనటేకె థోడు జణు అమ్‍, థోడు జణు ఇమ్‍ ఖైకార్‍ మ్హేంధు; యూవ్నే ష్యాన ఆయిర్హస్‍ కరీన్‍బి యూవ్నా మాలంకోయిని. 33తెదె యూదుల్‍ అలెగ్జాండర్‍నా అగడీ ధక్లమా థోడు జణు గుంపుల్‍మథూ ఇనా హాఃమే లీ ఆయా. అలెక్సంద్రు ఈషార కరీన్‍ జనాల్‍తి ఉత్తర్‍ బోల్లేను కరి థో. 34కాని యో యూదుడ్‍ కరి యూవ్నే మాలంకర్లీదు తెదె హాఃరుబి ఏక్కాస్‍ ఖైకార్‍తి బే గంటా తోడి ఎఫెసియుల్‍నూ అర్తెమిదేవి మహాదేవి కరి ఖైకార్‍ మ్హేంధూ.
35ఇనబాద్మా గామ్ను అధికారి గుంపుల్‍న హఃమ్జాయిన్‍ షోపొ కరైన్‍ ఎఫెసియుల్‍వాలా, ఎఫెసియుల్‍నూ హఃయర్‍ అర్తెమి మహాదేవినా ఆకాష్‍మతూ ద్యుపతికనాతూ పడ్యూతే మూర్తినా పాళావళి హుయిన్ ఛా కరి మాలంకోయింతే కోన్‍? 36ఆ సంగతుల్‍నా కోన్‍బి కాహే కరి బొలాను కాహే ఇనటేకె తుమె సాంతం హుయిన్, ఖయుబి ఘభ్రాయిన్‍ కరోనకో. 37తుమె ఆ అద్మినా లీన్‍ ఆయా. ఆవ్నే గుడినా లఫాడ్యాకోయిని, అప్నూ దేవినా దూషించ్యాబి కోయిని. 38దేమేత్రినాబి ఇనా కేడె ర్హవళ కమసాలుల్‍నాబి కీనఫర్‍బి యవారాల్‍ హూసేతో న్యాయసభల్‍ హూంక్రస్‍, అధిపతుల్‍బి ఛా, ఇనటేకె యూవ్నే ఏక్తిఏక్‍ లఢాజై. 39కాని తుమె అలాదు సంగతుల్‍నా హాఃజే ఖయూబి విఛారించ్నూ కరి హుసేతో యో ఏక్ క్రమంనూ సభమా థంగో తోడీలేనూ. 40ఆప్నే ఆ రావ్డీనా హాఃజే బోల్లేవానూ కారణ్‍ కాయిబి కోయిని, ఇనహాఃజే ఆజ్‍ హూయుతే రావ్‍డినా హాఃజే అప్నా విచారణమా లావ్‍సేసికి కరి ఢర్‍లగ్గూకరాస్‍. అమ్‍ గుంపు భరయాతే ఇనా తగిన్‍నూ కారణ్‍ బోలానహూసే కోయిని కరి యూవ్నేతి బోల్యు. 41యో ఇమ్‍ బోలిన్‍ సభనా ముగ్‍సాయో.
Obecnie wybrane:
అపొ 19: NTVII24
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The New Testament in Vagiri Language © The Word for the World International and Vagiri Nawa Jivan Kristi Madadi Telangana, India. 2024
