Metta 11
11
On birinği bab.
1We Ysa on iki šagyrdyne y’ta‐i ewamiri temam ettykte, šehirlerynde wa’z we ta’lim etmek üzre oradan azimet etti.
2We Jahja zyndande mesihyn a’malyni išitmekle: »Ol geleğek kimesne sen‐mi syn? Joksa diger bir kimesneje‐mi muntazyr olalym?« demek ičün;
3Kendi šagyrdlerynden ikisini onun nezdine gönderdi.
4We Ysa onlara ğewaben: »Gidüp išittygynyz we gördygynyz šejleri Jahjaje nakl edinyz.
5Kjörler görüp, topallar jürer. Guzamlüler tathir olunup, sagyrler išidyr. Ölüler kyjam edüp, fukaraja bešaret tebšir olunur.
6We benym hakkymda sürčmejen ne mübarek tyr!« dedi.
7We onlar gittykte, Ysa Jahja hakkynde chalka söjlemeje bašladi. »Berrijeje ne sejr etmeje čyktynyz? Ruzgjardan sallanan bir kamyš‐mi?
8Lakin ne görmeje čyktynyz? Zarif eswab gejinmyš bir adam‐mi? Ište zarif gejenler melikleryn chanelerynde bulunurlar.
9Lakin ne görmeje čyktynyz? Bir pejgamber‐mi? Beli, size derym ky: Pejgamberden da daha böjük tyr.
10Zira ište: »Ben senden ilerü, joluni önynğe hazyrlajağak olan muchbirymi irsal edeğegym, dejü, hakkynda jazylmyš olan zat bu dyr.
11Hakykaten size derym ky: Nisadan tewellüd edenler bejnynde, waftiz ediği Jahjadan böjük kimse zuhur etmemyš dyr. Lakin melkjut‐üs‐semawatte en küčügi ondan böjük tyr.
12We waftiz ediği Jahjanyn günlerynden šimdije‐dek melkjut‐üs‐semawat ğebr olunur, we ğebbarlar onu zabt ederler.
13Zira ğümle pejgamberler we šeryat Jahjaja dejin pejgamberlyk ettiler.
14We ejer kabul etmek istersenyz, geleğek Ilija bu dyr.
15Išidyr kulaklari olan išitsyn.
16Amma bu nesli kime tešbih edejym? Čaršularda oturup, arkadašlaryne:
17»Size düdük čaldyk, amma raks etmedinyz. Size figan ettyk, amma döjünmedinyz,« dejü, čagyran čoğuklara müšabih dyr.
18Zira Jahja geldi; ne jer, ne ičer, we: »Onda ğinn war,« derler.
19Ibn‐ül‐insan geldi; hem jer, hem ičer; we ište: »Bogazyne taby we mejchor bir adam, gümrükčileryn we günahkjarlaryn dosti dyr,« derler. Fakat hikmet kendi ewladi tarafyndan tasdik olundi.
20Ol zeman mü’ğizelerinyn ekserisi iğra kylyndygi šehirlere, töbe etmedykleri ičün ta’zir etmeje bašladi
21Waj sana, ej Korazin! Waj sana, ej Bejtisajda! Zira sizde iğra kylynan mü’ğizeler Sur u Sajdada iğra kylynmyš olsajidi, čoktan čul we kül ile töbe etmyš olurlar idi.
22Amma size derym ky: Ruz‐i ğezada Sur u Sajdanyn hali sizynkiden ehwen olağak tyr.
23We sen, ej gjöke‐dek jüğelenen Kefrnahum! Ğehenneme‐dek endyryleğeksyn, zira sende iğra kylynan mü’ğizeler Sadumda iğra kylynmyš olsajidi, bu güne kadar baky kalyrdi.
24Amma size derym ky: Ruz‐i ğezada Sadum dijarinyn hali senynkiden ehwen olağak tyr.
25Ol zeman Ysa ğewab edüp, dedi ky: »Ej sema we zeminyn sahybi peder! Sana šükür ederym, ky bu nesneleri alimler we ariflerden ichfa edüp, onlari ma’sumlere izhar ejledyn.
26Beli, ej peder, zira yndynde böjle choš göründi!
27Pederymden her šej bana teslim olundi, we oglu pederden gajri kimse tanymaz. Pederi dachi oguldan, we oglyn, onu izhar etmesini mürad ejledygi kimseden gajrisi tanymaz.
28Ej ğümle jorgun we jüklüler bana gelinyz! Ben dachi size rahat weryrym.
29Bojundyrygymi üzerinyze alynyz, we benden öjreninyz, čünky halim we kalben mütewazyjim. We ğanlarynyze rahat bulursynyz.
30Zira bojundyrygym asan, we jükym chafif dyr.
Obecnie wybrane:
Metta 11: TURMAT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Transcribed from the Bible Society edition. Published in Vienna in 1883.
